In Latinum sermonem vertit Ivo Volt anno MMVIII

O patria, deliciae,
immo pulcherrima!
Non usquam ego gentium
inveni locum alium,
qui daret plura gaudia,
quam tu, o patria!

Me genuisti, patria,
educavisti me.
Nunc grates tibi habeo,
in fide semper maneo,
iam vero dilectissima,
o cara patria!

Te Dominus custodiat,
o cara patria!
Tutela tibi maneat,
beatum semper faciat,
quodcumque iam incipias,
o cara patria!