1636
1. Adr: Nicolaus Laurentii Aritander – Aut: Petrus Andreae (Oratio funebris in obitum /…/ Johannis Jonae Uplandia Sveci, pastoris quondam ecclesiae Svecanae, quae Dorpati colligitur, /…/ qui /…/ anno /…/ 1636 die 19. Februarij obdormivit; cujus quoque corpus eodem anno die 25. ejusdem mensis terrae demandatum fuit: /…/ in Academia Dorpatensi /…/ declamata a /…/ Nicolao Laurentii Nicopensi. – Dorpati Livonorum, 1636: Lit. acad) (cf. 25) UUB, [Tartu UB]
GRATULATIO
Dorptenses[1] spectant ubi prata virentia muros,
Ambit et Embeccam campus amoenus agri;
Imperij soevas ibi nunc moderatur habenas
Mors, in quosvis quae dira venena vomit.
5 Hujus dente venenato est (heu) Janus ademptus,
Qui sparsit fidus dogmata sacra Dei.
Is fuerat pietatis amans, virtutis alumnus,
In quo summa fuit noscere cura Deum.
Ipse prius Dorptae casta cum conjuge vixit,
10 Nunc viget in coelis; quosque lucratus, habet.
Hoc illi. Nobis quid prodest flere? Nihil. Nam
Sydereae ducit gaudia laeta domus.
Hactenus haec: hinc te laudo Niclae Magister,
Manibus hic Jani congrua facta refers.
Non sine moesti animi affecti, celer-
rimo calamo apposuit
Arbogensis.
2. Adr: Carolus Valeriani – Aut: Jonas Nicolai Nycopensis (Oratio de castitate, quam /…/ in Regia Academia Gustaviana, quae est Dorpati /…/ 18. Maji, anno 1636. /…/ publice ac memoriter habebat Carolus Valeriani Nycopensis. – Dorpati, 1636: Typ. acad.) UUB, SKB, Växjö LB, H, [Tartu UB]
GRATULATIO
Casta placent Superis! non res praestantior ulla,
Quam caste studijs invigilare suis.
CAROLE, tu castis bene pectora casta loquelis
Describis; praesens ut labor ipse docet.
5 Gratulor inde tibi, gratorque Parentibus una;
In casto felix vive labore diu.
Jova tuis coeptis faveat; rata tempora laudent;
Ardua res castis invigilare bonis!
Ita gratulabatur animitus
Nicopensis.
3. Adr: Andreas Th. Caustadius – Aut: Georgius Mancelius (Disputatio philosophica de fine: quam /…/ in Regia Academia Gustaviana, quae Dorpati est /…/ sub praesidio /…/ Laurentii Ludenii /…/ pro magisterij philosophici privilegis obtinendis, publico examini ad diem 15. Octobris, anno 1636. /…/ submittit, Andreas Th. Caustadius /…/ - Dorpati Livonorum, 1636: Lit. acad.) SKB, H, BRAN, [Tartu UB]
GRATULATIO
In honorem Praestantissimi et Doctissimi
Dn. ANDREAE CAUSTADII, Philosophiae
Candidati.
Inter pacatae tu nomina militiäi,
Hactenus ANDREIa o, ceu fortis, signa tulisti, et
Excoluisti animum studiis solerter honestis.
Nunc das quod specimen vincat. Sed Pallas honorem
5 Offert, Tergeminae ascendas ut ad alta Sophiae.
Qvos animi dotes meruerunt, grator honores.
GEORGIUS MANCELIUS SS. Th. Lic.
Professor, Pastor, Praepositus, Acad. p. t.
Rector
4. Adr: Andreas Th. Caustadius – Aut: Nicolaus Nycopensis (cf. 3)
SKB, H, BRAN, [Tartu UB]
GRATULATIO
Rem praestas fateor, magnam, Doctissime Amice,
Dum colis ingenium praecelsa Palladis arte:
Sicque ad Parnassum virtute ascendis, ut inde
Castalii usque chori possis tibi ferre brabea.
5 Andrea, gravium cernes pro mole laborum,
Quae tribuat, paulo post, praemia cultus Apollo.
Inclyta, ob id, Clio Derptae e Parnasside Lauru,
Imponet docto capiti dein serta decora.
Queis signis claris, dignis et honoribus auctus,
10 Ceu par est, foveas virtutis nobile nomen.
Hos igitur toto de pectore grator honores
Queis te percupio fruier cum dote Magistri.
Sis Laudi hinc Domino, decori Patriaeque tibique.
Hoc precor ex animis: salve, bone amice Valeque.
5. Adr: Andreas Thomae Caustadius – Aut: Andreas Virginius (Sacris magisterii honoribus, quos, /…/ decanus /…/ Laurentius Ludenius, Ph. et J.U.D. juris, oratoriae et poëseos professor, in Regia Academia Gustaviana, quae Dorpati est /…/ 28. die Octobris anno 1636. publice et solenniter conferebat /…/ Andreae Thomae Caustadio, Sudermanno. – Dorpati Livonorum, 1636: Lit. acad.) BRAN, [Tartu UB]
GRATULATIO
Umbra velut sequitur viventis corporis artus,
Sic quoque doctrinae est gloria magna comes.
Ast ea pervigili magnoque labore paratur,
Quod probat exemplum, vir Reverende, tuum.
5 Hinc tibi jam merito summi tribuuntur honores,
Quos meruit virtus ingeniumque tuum:
Hinc tibi, quae grator, longe charissime amice,
Nunc veniunt capiti laurea serta tuo.
Ita Viri Magnifici , Admodum Reverendi, atque
Excellentiss. Dn. LAVRENTII WALLII
SS. Theol. D. et Professoris in Vniversitate Re-
gia Vpsaliensi celeberrimi et primarii, fratris in
Christo, Fautoris et amici mei aetatem suspiciendi
olim Domestico, nunc mihi commendatissimo, viro
juveni Reverendo et Praestantiss. Dn. AN-
DREAE THOMAE Philosophiae Candi-
dato longe meritissimo de Magisterio in Regia A-
cad. Dorpat. solenniter collato, inter occupationes
alias ex animi sententia gratulari volui
SS. Theol. D. et Profess. Prim.
nec non Proto-Synedrij
Adsessor.
6. Adr: Andreas Thomae Caustadius – Aut: Laurentius Ludenius (cf. 5)
BRAN, [Tartu UB]
GRATULATIO
ANDREA, aeternum Sophiae decus, Eusebiaeque
Delicium, Patrii flos speciose soli.
Sic placeat studijs animum emendasse verendis!
Sic placeat lingvas edidicisse graves!
5 Coelica sancta tuas armat Sapientia mentes
Inque domos Divum scandere cura fuit.
Coelica cognosti quo vivat machina motu,
Qua retro septem sidera lege fluant.
Scis causas rerum, unde nives, quis fulminis author,
10 Purpureus pluvias cur bibat arcus aquas,
Divini solers adstas numerator Arithmi,
Et radio signas dinumerante polos.
Scis, quae norma boni, quis sancti limes honesti:
Quae dicenda tenes, quaeque tacenda tenes.
15 Ti coelum terraeque patent: vis ignea mentis,
Ignea vis genij est, ignea et ingenij est.
Immarcessibilis tua cingit tempora Laurus,
Et meritas ornat fronde virente comas.
Sit faustum et felix: Dici consvesce MAGISTER:
20 Et clara insignis laude, MAGISTER, AVE.
Quod animitus pr.
Prof. et pro t. DECANVS.
7. Adr: Andreas Thomae Caustadius – Aut: Nicolaus Nycopensis (cf. 5)
BRAN, [Tartu UB]
GRATULATIO
Armiger incerto Mars praelia turbine versat,
Casus et instabiles miscet utrinque vices.
At decus ingenij durat, vatumque Labores
Quos posuit summo, Phoebus Apollo, gradu.
5 Andrea, Hincce tibi datur haec cum germine laurus
Atque Magisterij cinctus honore venis.
Perge caput nitidum nitida vestire Tiara
Ad Patrios redeas clarus honore Lares.
8. Adr: Andreas Thomae Caustadius – Aut: Petrus Andreae (cf. 5) BRAN, [Tartu UB]
GRATULATIO
Pierides Musae nemora inter frondea Pindi
Quae bibitis liquidi ad littora fontis aquas.
Ponite nunc lolia; et comprendite lilia grata,
A quibus ANDREAE nectite serta manu.
5 Serta Magisteriis merito conferte labori,
Quae sunt doctisonis mille referta bonis.
CAUSTADI hinc, nec tu Musarum munera sperne
Quae tibi Parnasso turba Novena dedit.
Utere quin donis; et clara dote Magistri
10 Utere; quae Aonidum culmine sola venit.
Sic Domino, Patriae, simul his, (quos sorte parentum
Percolis) exhibeas commoda magna; Vale.
Amoris ergo scrib.
9. Adr: Andreas Thomae Caustadius – Aut: Martinus Gelaeus (cf. 5)
BRAN, [Tartu UB]
GRATULATIO
Quod dederas cultis juvenilia tempora Musis
CAUSTADI auspiciis gaudeo, Amice, tuis.
Suavibus illae etenim demulcent pectora verbis,
Et spirant variis ingeniosa modis.
5 Hinc inter vates tu nunc numerabere doctos,
Nobile judicium posteritatis erit.
Ergo tu dono tanto utere, docte Magister,
Hinc patriae, atque tuis gratus erisque Deo.
10. Adr: Andreas Thomae Caustadius – Aut: Ambrosius e Palma (cf. 5)
BRAN, [Tartu UB]
GRATULATIO
ANDREA, heus, tu delicium, tu gloria Musis;
Perge modo, incoeptis insta, perferque labores.
Perge gradu coepto; Jam jam augebuntur honores,
Digna dabunt homines, Dominus quoque praemia digna.
5 Auspicium factum est ingens; gratamur amici,
Quo tandem natale solum, genus atque parentum
Sentiet et referet tibi digno munera mille;
Hoc, precor, ut celsi concedat Rector Olympi.
Gratulabundus cecinit
LL. studiosus.
11. Adr: Andreas Thomae Caustadius – Aut: Jonas Nicolai Nycopensis (cf. 5)
BRAN, [Tartu UB]
GRATULATIO
Qvid vult concursus tantus juvenumque senumque
Fulgens ornatus splendidus atque chorus.
Cur pariter cantant cuncti nunc voce sonora
Ritus quid tantus? quis memorare potest?
5 Exoritur tandem rutilans aurora diei
Cujus gaudemus lumine posse frui.
Est ea laeta dies, quae concelebranda Camoenis;
ANDREAE atque refert munera magna Viro.
Hoc agite, ut loetum celebremus tempore festum
10 Quando coronatur fronde Magisterij.
Tu Deus, aeterno nutu qui cuncta gubernas
Annuito coeptis: Da rata vota, precor.
Accantat. a
12. Adr. Andreas Thomae Caustadius – Aut: Andreas (Laurentii) Aritander (cf. 5)
BRAN, [Tartu UB]
GRATULATIO
Sicut in armorum strepitu, qui fortius atra
Praelia sustinuere Duces, patria arva tuendo,
Pocula mordacis deplere adiguntur aceti;
Vtpote quassantur vesani turbinis ictu:
5 Immensum pluviae fundit quoque nubila aquosa
Agmen. Fortunae licet omni e parte petantur.
Nec tamen evitant Marti subducere colla,
Metam quin prius accipiant attingere rectam:
ANDREA, euge, viros inter reverenter amandos,
10 Sic quoque tu varios tolerasti mente labores,
Scilicet a puero riguas quando imbibis undas
Pieridum: piguit te haud sacris pergere coeptis.
Grator ovans animo quoque toto pectore grator;
Quod Sophiaeque viam dextre hinc absolveris amplam,
15 Obsequij nunc grata novi tibi semina surgunt,
Proposito favet et Dominus per vela secunda.
Accipe jura Magisterij te praemia digna
Nominis et longae cedant in commoda famae:
Mitra datur veluti, dabitur sacra mitra laboris.
20 Adsis qui solus moderaris sidera nutu.
Non ita moris obsequendi, quam honoris
contestandi ergo modulabatur
Nycopensis.
13. Adr. Andreas Thomae Caustadius – Aut: Johannes Erici (cf. 5) BRAN, [Tartu UB]
GRATULATIO
Ecce quid sanctam video Catervam?
Anne visurus gradiar repente?
Quando mox calcant animo quieto
Limina Templi.
5 Conspicor, ceu fama, creant Magistros,
Conferunt illis meritos honores,
Sancta qui infractis animis sequuntur
Castra Thaliae.
10 Vna adest CAVSTADIVS, Et creatur
Hoc die clarus SOPHIAE Magister:
alloquar illum.
Sic coronatus propera Magister,
Nactus es Sponsam facie venustam,
15 Nactus es Sponsam SOPHIAM disertam;
plaudite Musae.
Sic tuo grator merito decori,
Artibus doctis placide laboras,
Vt queas tandem patriae, tuisque
20 commoda ferre.
Accipis, laetor, titulum Magistri,
Tollite et doctum generosa virtus,
Tu capis coeptis meritos honores,
plaudite Musae.
25 Det DEus felix veniat senectus;
Nestoris qualis fuit aut Sibyllae,
Talis exurgat: mea vota Christus
audiat aequus.
Moris, honoris et Amoris ergo
Apposuit
14. Adr: Christina – Aut: Laurentius Ludenius (Immortalitas gloriosissimi fundatoris Regiae Gustavianae Ado<l>phinae Academiae, quae Dorpati /…/ est /…/ Gustavi Adolphi, /…/ Svecorum, Gothorum, Vandalorumque /…/ regis; /…/ cum in professorem juris, oratoriae et poëseos solenniter introduceretur, Dorpati /…/ 11. die Januarij, anno 1636. Aeternitati consecrata a Laurentio Ludenio, /…/. <Dorpati, 1636>: S.n.)[2] SKB, UUB, Växjö LB (def), [Tartu UB]
DEDICATIO
ac Dominae,
Dei Gratia, Svecorum, Gothorum, Vandalo-
rumque Reginae, ac Principi Haereditariae; Magnae Principi
Finlandiae; Duci Esthoniae et Careliae; Dominae Ingriae, etc.
Victrici, Piae, Felici, Augustae, etc.
Vitam, Incolumitatem et Felicitatem p.p.
PATRIS, et aequaevae SOBOLIS, FLATUSque SACRATI
Annuat aeterna PACE perennis AMOR!
Est DEA dicta CHARIS, Natura mitis et Annis,
PACIS amans, Orbis deliciosa CHARIS.
Per Anagram.
CHARIS
IN REGNA IT SVECIAE.
5 Sancta CHARIS, CHRISTINA CHARIS; Regina Serena
IN REGNA IT SVEONUM deveneranda CHARIS.
Est Pater Illustris Phoenix in Prole renatus:
AdVeniat, Videat, Vincat amica CHARIS!
SS. Reg. Maj. Symbolum:
CHRISTUS REFUGIUM SUORUM.
Nam RE conFUGIUM REGINAE CHRISTUS; ab alto
10 Irradians, complens Regia Corda, VIGOR.
CHRISTUS, Numen, Honos, nitidissima Vita SUORUM:
Arctoi Regni Lux, Sator, alma Salus!
Salve, Sancta CHARIS! Salve, REGINA! IEHOVA
Auspice, sis Regni deliciosa CHARIS.
Dominae et Reginae suae Clementissimae
Humilime:
15. Adr: Johannes Flügelius et Anna Wellingia – Aut: Georgius Mancelius (Sacris nuptiarum solennitatibus, quas /…/ Iohannes Flügelius, Supremi Judicij Regij, quod Dorpati Livonorum est, designatus adsessor, sponsus, cum Anna /…/ Joachimi Wellingii, relicta filia, sponsa; ad 31. diem Octob. anno 1636. Rigae Livonorum solenniter celebrabat, quaevis fausta et felicia /…/ precantur amici. – Dorpati Livonorum, <1636>: Typ. acad.) EAB, [Tartu UB]
EPITHALAMIUM
Consultiss. Dn.
SPONSO,
<…> in matrimonium ducenti
Virginem lectissimam
Te voco felicem, te sanum dictito SPONSE,
<d>um ducis Nympham ad mutua pacta tori.
Con<ce>dat me<ntem> vegeto cum corpore sanam
vobis, qvi servat cuncta creata, DEUS.
5 Ex alto vobis Gnatos donet DEUS ipse,
in qvibus amborum spiret imago patrum.
Vos faciat DEVS annosam qvoque claudere vitam,
et tandem sitis turba probata polo.
GEORGIVS MANCELIVS SS. Th. Licent.
ejusdemque Professor ordin. Pastor, et Consistorii
Regii supremi, qvod in Livonia est, Adsessor,
Academiae Gustavianae p. t. Rector.
16. Adr: Johannes Flügelius et Anna Wellingia – Aut: Andreas Virginius (cf. 15)
EAB, [Tartu UB]
EPITHALAMIUM
Sic tibi purpureo lux aurea splendet Eoo,
Qua venit in thalamos ANNULA Sponsa tuos.
Cedunt Senenses pulcrae, Venetaeque superbae;
Unica, casta, tibi basiola ANNA dabit.
5 Coelitus ANNA venit, coelo tibi jungitur ANNA,
Quae fore se dixit tempus in omne tuam.
CHRISTUS det placidos annos, laetamque senectam.
Sit Soboles, sit Amor connubialis Honor.
Quod app.
Nobilis Pomeranus, Haereditariu<s in Schwessien>
SS. Th. D. in Regia Aca<demia Dorpaten>si
Prof. Th. Prima<rius et Prot>o-
S<ynedrij Adse>ssor.[3]
17. Adr: Johannes Flügelius et Anna Wellingia – Aut: Laurentius Ludenius (cf. 15)
EAB, [Tartu UB]
EPITHALAMIUM
|
Per Anag. |
<Per Anag.> |
|
I FULGENS, I o VALENS |
NI<L VNA LANG>VES[4] |
JANE, Novenarum decu<s Immortale Sororum>[5]
Eu<no>miae et Veneri deliciosa venus:
Reddidit insignem studiis Tritonia Pallas,
Pectora Nestoreo tincta lepore dedit.
5 Alma Themis Juvenem Justi perfecit et Aequi
Notitia, instruxit dexteritate Virum.
Casta Venus dotes alto cum pectore junxit,
Et nova tincta novo corda tepore creat.
Candida purpureum super ora refusa ruborem
10 ANNVLA, tincta novo corda calore creat.
I FULGENS! O Ique VALENS! Nitor altus, amoenus:
Deliciosa Themis! Deliciosa Venus!
Cum Venere O VNA NIL tu, Themis inclyta, LANGVES.
NIL VNA LANGVES cum Themide alma Venus!
15 I FVLGENS, O Ique VALENS, Par nobile: LANGVet
Nullus erit sancte FVLGidus urit Amor.
Quod animitus p.
et Professor in Regia Academia
Dorpatensi.
18. Adr: Johannes Flügelius et Anna Wellingia – Aut: Jacobus Balccius (cf. 15)
EAB, [Tartu UB]
EPITHALAMIUM
Allusio ad Nomina.
Pennae Alis crescunt; datur inde potentia pulcre
Alto volandi termino.
<AN>NULA WELLINGES, Virgo pulcerrima, Virgo
Castis venusta moribus,
5 Alis il<…>enit[6] sperata potentia, datque
Petitam abhinc potentiam.
Altum alis <vola>! Tutis sit tecta sub alis
<…>cte[7] potens potentia.
Honoris ergo f.
19. Adr: Johannes Flügelius et Anna Wellingia – Aut: Matthias Vermerus (cf. 15)
EAB, [Tartu UB]
EPITHALAMIUM
Ad Consultissimum Clarissimumque Sponsum.
Dominum
jura Matrimonij cum Delicio Gratiarum et Veneris
ANNA WELLINGIA optato subeuntem.
Anno qvo
VInDICIs AonIas fVror ater VeXat habenas
IMproba sors fatI TeVtona regna terens,
Mense dieque
Cum Sol auricomus Scorpii fera signa pererrans
Octobrem radiis priscos transmittit ad imbres.
5 Sic te, Macte animis, gelidae constrinxit imago
Vrsae, Parrhasia claro fulgore coruscans
Axe? tuum grato nae strinxit vimine pectus
Vrsa. Sed abstrusas qvid prodest qvaerere causas?
Qvid juvat algentis Boreae novisse latentes
10 Vires? sunt fortes, qvos antiperistasis ignes
Excitat: ille tamen (Latia vulgatur in aula)
Fortior, a causa veniens propiore fluensque.
Qvae petis illa fiet, patrio qvo nomine no<…>[8]
Cui vis illa gravis tacitos lustrare recessu<s>
15 Indeque palentes cordis protrudere si<…>
Nescis? qvin nosti; flos illibatus amo<ris>
ANNULA WELLINGUM prisc<orum ste>mmate gnata,
ECCIADUMque domus clarae genus, ANNULA Sponsa est.
Pectoris illa valet iuvenilis stringere flatus,
20 Solaque distractos animi compingere motus,
Concipiat tenues hinc mens generosa favillas,
Emicet atque levis sacrati flammula amoris.
Dum favor immensos dilectae crescat in ignes.
Hem micat! aura sonat, rutilus strepit orbis, et Artes
25 Aonidum promptae taedis sua vota resolvunt.
Felix hic Neo-Nymphus, felix Nympha venusta:
Qvos thalami Rector tali dignatur amore.
Claudite concordes Sponsi Mathusala secla.
Vos fugiant Parcae, vos improba linqvat Erynnis.
30 Dum patrias sedes hinc Sponsus uterque revisat.
ALIVD.
Joannes Flügellius, Anna Wellingis, Rigenses.
per Anagramma.
An sine felle laus? nil livor igneus: signa, genus.
Inspice sis tenuem a<lig>eras volitare per auram:
Nec eadem semper flumina piscis amat.
Nunc hos campus alit cervos, mox accipit alter.
Ingentesque ferae, quo meliore luto
35 Crescunt, per loca vasta ruunt, spatiosaque regna.
Praedam qvaeque suo gestit habere modo.
Sic <est> Musarum soboles, non una beavit
<tell>us, Riga dedit (gloria prima rei),
Esse h<omi>nem, dedit et sacrae pia semina vitae.
40 Mox patria missum, Prussia culta videt.
Avocat hinc Regina Virum Germania Clarum,
Artibu<s…..d>uctum[9], Musa Salana fovet.
Post cele<bres visitas[10]> Batavos, et Gallica regna
Lustras (Europei portio amica soli).
45 Nec tamen haec animi possunt satiare volantes
Flammas, qvin fuscos ausus ad<ir>e viros
Hispalis elatae? vitam concredere cymbae,
Mens avet infirmae, tecta Latina petis.
Prisca tenet te Roma, tenet mox pulchra Neaplis,
50 Itala rura favent, arva vovent Itala.
Germanos repetis, repetis qvoque limina Rigae.
Qvae dedit esse tibi, nunc det ut esse bene.
Clarus eras, grata cuncti te voce beabant,
Ac celebrem fama pulpita quaeque dabant.
55 Votaque libabat vitae tibi plebs studiosa: at
An sine felle putas laus sacra pignus habet?
Vix habet, invidiosa furit virtutis Erinnys,
Ac celeri seqvitur livida, Jane, pede:
Sed livor nil igneus arsit, nil labor edax
60 Ingenij culti fulgida signa, genus.
Claraque fautorum generosior aula virorum,
Conscia mens factis, altera forma, bonis.
His tua sors recti superat, tua sorsque triumphat
Pignora transacti grata laboris habes.
65 Hanc, qvam blanda dedit summi clementia Regis
Annam, complexu Sponse foveto tuo.
Pectoris illa qvies, vitae spes optima castae,
Non est turpis ἔρις, sed tibi dulcis ἔρως.
Crescite florentes, vos coelica castra secundent,
70 Ut vigeant taedae, post vireatque thorus.
Sic sine felle manet tua laus, Flugellia proles.
Nil livor coecus, nil tibi, JANE, metus
Annula Wellingis pulchra te dote coronet:
Sit Venusina tibi, sitque levamen. A<men>.
vnd Witz
Nicht SchwedenReich/ nächst Gothia in jhrm alten Sitz:
Gallia schön mit jhrer Zier vnd edlen Tracht:
Spanien stolz/ Castilien mit jhrem Pracht.
Nicht Portugalvnd Lisabon; auch nicht das Wälschlandt/
80 Herr Bräutigam/ euch binden möchtn mit solchem festem Bandt
Jhenader Lustgartn Gottes/ Parißvnd Madrid,
Roma, Venedig, Florentz, Padva, vnd Basil;
Argentina das werthe Hauß/ Franckfurt vnd Leiden/
Neapolis, vnd Ambsterdam/ mit jhren Freuden:
85 Ewr starckes Hertz erweichen kuntn auß aller amcht.
All Lust; all Frewd/ all Freundlichkeit/ war vngeacht:
ANNA das Edle Bild/ durch jhr Huld vnd gunst/ mit fug
Bald Victoriam vnd TriumphsKrantz davonne trug:
So gar das jhr mit Liebesflamm/ in schneller eil/
90 An Hertz vnd Muth verwundet ward/ als mit einm Pfeil:
Doch solcher Schmertz nicht gfährlig ist/ wenn nur mit trewen
Der fromme Gott/ aus Gnad/ zur Cur gibt sein gedeyen/
Welchs ich euch wünsch/ nicht zweiffel dran/ es wird
geschehen
Vnd jhr hernach in eurem Hauß/ groß Lust werd sehen.
Verlohren habt/ weil darauß Freud
Erwachsen kan. Ach alle beid/
Erhalten wolst/ O GOTT/ ohn Leid/
Ihr Jahr/ Ehstand/ vnd Wolfahrt mehrn/
100 <…> groß machn zu deinen Ehrn.
Sic honoris, amoris ac favoris ergo
s<…> vovebat
20. Adr: Johannes Flügelius et Anna Wellingia – Aut: Johannes Alesius (cf. 15)
EAB, [Tartu UB]
EPITHALAMIUM
Vitae largita est Genitrix tibi lumina Riga,
Semina virtutum magno molimine jecit;
Addidit augmentum Musis Germanicus orbis,
Ingenium instruxit, mores formavit, et Artes
5 Multijugas tribuit tibi Gallia et Itala tellus,
Sublimique vovent Phoebi ditare corona
Nunc reducem fausto superi Moderator Olympi
Te patriae fulcrum faciens et munere grato
Donat, ut exacti tibi sit medicina laboris.
10 Additur ecce tuis votis WELLINGIA proles,
Virgo virtutum vario splendore refulgens.
Ex animo vestris faveo conatibus, aevum
Vester amor vigeat, mutatio mutet amorem
Nulla loci; fixus maneat sub pectore Sponsum.
Congratulabundus l. mque f.
S. S. Th. Stud.
21. Adr. Johannes Flügelius et Anna Wellingia – Aut: David Ertman (cf. 15)
EAB, [Tartu UB]
EPITHALAMIUM
Candide FLÜGELI quaeris velocibus alis
Virginis hospitium? Hocce placet? Nec displicet om<en>
Felix, qui gaudet simili, proverbia dicunt.
Ne tamen ignores, qui scire id forte requiris?
5 Nam lege Scripturae libros; quod sit Deus author
Conjugij: legis et non credis credere ne<quis>
Jungitur haec illi laudatis moribus uxor.
Ambo pares, ambo magna virtute decentes.
Sponse, facis recte pia nunc conamina laudo,
10 Dum (claro genere ambo estis,) similem tibi quaeris,
Accipiasque tuam Sponsam, Doctissime Sponse,
Praedita quae cunctis est moribus, atque pudica est.
Accipiasque tuum Sponsum, dignissima Sponsa,
Praeditus ingenio ac multis virtutibus ille est:
15 Amboque felicem per secula ducite vitam.
His finem faciam, vocesque rogabo Jehovam
Natorum laetos faciat vos cernere natos.
Sit fortuna comes constanter tempore longo
Omnibus in factis vestris semper Deus adsit
20 Servet in aeternum salvos tegat incolumesque
Atque opibus vestras et honoribus impleat aedes.
22. Adr: Johannes Flügelius et Anna Wellingia – Aut: Johannes Bruggemannus (cf. 15)
EAB, [Tartu UB]
EPITHALAMIUM
Cvm modo FLIGELIVM relliquit GALLICA terra
Pergere ad antiquos patre juben<te La>res;
Huic velut arridens tenerorum Mater amorum,
Nate, mihi fer in haec pectora, dixit, <ope>m.
5 Adfuit, et celeres depromens ille sagittas.
Natus, et haec postquam pectora fixit, ait;
Vana ruinosi juvat ecquid gloria mundi
Blanda voluptatum te nisi vita juvat,
Te nisi quaesitum, cum qua tuearis honorem
10 Accipiat tepido blanda puella sinu?
Sed ne sacra meae contemnas numina matris,
Quae trajecta tibi pectora sanet, erit:
Dixit, et ostendit forma praestante Puellam,
Qualis erat summo cognita Leda Iovi,
15 Illi corripuit subito nova flamma medullas,
Acrior inque vago pectore sedit amor.
Denique purpurea succensus amore puellae
Arsit, ut incensis Trinacris Aetna rogis.
Vtque sitit fessus gelidas ad fluminis undas
20 Cervus: Ita et castos ambiit ille thoros.
Virgo graves postquam Iuvenis cognovit amores,
Sacra tibi mecum foedera, dixit, erunt.
Sunt rata dicta, sacri celebrantur foederis actus:
Iam capies casti gaudia, Sponse, thori.
25 Gaudebis pulcris, quas David spondet, olivis:
Gaudebis grata posteritate domus.
Credere laeta DEO, durum lenire precando
Ne dubita, summi roboris instar erit.
Gratulor hinc tedam tibi tota mente jugalem,
30 Quam sotiet pietas, mutua parque fides.
Wenn ich Herr Bräutigam mein Vrtheil solt erzehlen/
So bleibet doch nicht wahr; das mehlen bringen quelen/
Vornehmlich itzt an Euch nach dem jhr seid errett
E<…> vnd befreyet auß Veneris Kett/
35 Ihr habt euch die erwehlt/ an der jhr euch ergetzet
Vnd nicht ewr zartes Lebn durch zanck vnd Neid verletzet/
Ihr habts getroffen woll/ das jhr auch die geliebt/
Welche mit gegen Lieb solchs wiedr an euch geübt.
Als habt jhr nun an euch diß Sprichwort vberwunden
40 Vnd nun an statt deß quehlen die recht Lieb erfunden.
Es hat so solln seyn/ es hat so Gott gefallen/
Daß Er euch die geschenckt/ welch euch gliebt vor allen/
Die auch von jhm herkompt; dieweil wir dieses Leben/
Dadurch von Hand zu Hand einander müssen geben.
45 Diß sind wie David sagt/ die wunderschonen Gabn/
Die Gott den Menschen giebt/ die jhn in Ehren habn.
O woll euch Herr Bräutigam/ hier ist kein ander Streit/
Als das erreget wird durch Liebe vnd Freundlichkeit.
Hiemit so lebet wol: Gott selbst wol euch allein
50 Erwünschten Beystandt thun/ vnd ewer drittman seyn.
Paucula haec testandi affectus
ergo adjecit
Curl.
23. Adr: Johannes Flügelius et Anna Wellingia – Aut: Martinus Masius (cf. 15)
EAB, [Tartu UB]
EPITHALAMIUM
Triplex Sponsorum species reperitur in orbe:
Multi soepe solent uxores ducere dextra
Vt sunt, qui cupiunt agros et virginis aurum,
Ast ipsam prorsus fugiunt temnuntque puellam.
5 Sic oculis etiam multi connubia poscunt.
Vt sunt, qui tantum spectant formamque manusque
Lacteolas, mollesque genas, et rubra labella,
Et decus externum quodque est mutabile semper.
Auribus ast etiam multi uxores sibi ducu<nt>
10 Vt sunt, qui prius agnoscunt, anne illa modesta
Sit satis, atque pia et casta, et virtutis amatrix.
Hanc speciem internam es jam tu, mi Sponse, secutus.
Ergo maritus eris felix semperque beatus.
Apposuit gratulabundus
Razeb. Saxo.
24. Adr: Johannes Flügelius et Anna Wellingia – Aut: Anonymus (cf. 15)
EAB, [Tartu UB]
EPITHALAMIUM
Cur te tam moestum video? nunc cur tua pallor
Inficit ora? rubor tibi tingit
Cur <…………>[11]
25. Adr: Gustavus Adolphus – Aut: Laurentius Ludenius (Immortalitas gloriosissimi fundatoris Regiae Gustavianae Ado<l>phinae Academiae, quae Dorpati /…/ est /…/ Gustavi Adolphi, /…/ Svecorum, Gothorum, Vandalorumque /…/ regis; /…/ cum in professorem juris, oratoriae et poëseos solenniter introduceretur, Dorpati /…/ 11. die Januarij, anno 1636. Aeternitati consecrata a Laurentio Ludenio, /…/. <Dorpati, 1636>: S.n.)[12] SKB, UUB, Växjö LB (def), [Tartu UB]
DEDICATIO
REX
ADOLPHUS.
Per Anagramma;
REX
AUGUSTUS
HAS DUPLO.
SS. Reg. Maj. tis Symbolum:
CUM DEO ET VICTRICIBUS ARMIS.
Gratia, Christe, tua est; Patriae Civemque Patremque
Quod gero, res Sancti curo quod Imperij.
Gratia, Christe, tua est; quo Res Victricibus Armis
HAS REX AVGVSTVS conduplicando DVPLO.
5 Christo Dante, mea Phoenix in prole renatus
? vivo: Deo Vivat Regia Progenies!
26. Adr: Johannes Jonae – Aut: Laurentius Ludenius (Oratio funebris in obitum /…/ Johannis Jonae Uplandia Sveci, pastoris quondam ecclesiae Svecanae, quae Dorpati colligitur, /…/ qui /…/ anno /…/ 1636 die 19. Februarij obdormivit; cujus quoque corpus eodem anno die 25. ejusdem mensis terrae demandatum fuit: /…/ in Academia Dorpatensi /…/ declamata a /…/ Nicolao Laurentii Nicopensi. – Dorpati Livonorum, 1636: Lit. acad.) UUB, [Tartu UB]
EPICEDIUM
In Tumulum.
Per Anag.
I, NAE, HONOS IN EA.
Dexter Apostolica praefulgens mente Sacerdos,
Aethereae fidei splendor, probitate coruscans,
Deditus aeterna Christo pietate, JOHANNES
JONAE, quem dederat cursum data vita, peregit,
5 I, NAE sanctus HONOS IN EA re. Maxima Pallas
Quem docuit, multaque insignem reddidit arte,
Cecropiae clarum studijs Latiaeque Minervae,
Occidit! in superas exivit spiritus auras.
I, NAE, sanctus HONOS IN EA re. Oracula Christi
10 Eloquio crevere; feros sermone recentum
Mutavit cultus hominum; alma tincta creavit
Corda fide; gravitate bonos et voce sonanti
Instruxit, dotesque pio cum pectore junxit.
I, NAE, sanctus HONOS IN EA re. Candida docti
15 Iam tum canicies animi, jam dulce docendi
Pondus, jam dociles sermo qui duceret aures.
I, NAE, sanctus HONOS IN EA re. Divite voto
Ceperat ante Aram sacrae solennia coenae,
Et fidei incrementa novae jam sumpserat; alta
20 Quando Animam ire jubet supremae ad gaudia vitae.
I, NAE, sanctus HONOS IN EA re. Candida, Salve,
Salve, Anima! Humanis Salve defuncta periclis.
H. c. f.
J. V. D. et Professor in Regia Acade-
mia Dorpatensi.
27. Adr: Nicolaus Olai – Aut: Georgius Mancelius (Sacris magisterii honoribus, quos, /…/ decanus /…/ Laurentius Ludenius, Ph. et J.U.D. juris, oratoriae et poëseos professor, in Regia Academia Gustaviana, quae Dorpati est /…/ 28. die Octobris anno 1636. publice et solenniter conferebat /…/ Nicolao Olai Calmariensi. – Dorpati Livonorum, 1636: Lit. acad.) H, Kalmar StB, [Tartu UB]
GRATULATIO
Nunc TIBI Philosophae[13] spectabilis ordo coronae
et titulum famae, et decus immortale Magistri
offert: nam junxti[14] virtutis et artis amorem.
O factum celebre! o clarus collega, Sophorum
5 Princeps, LUDENIUS, qui-ter-geminusque Professor
praemia persolvat (voveo) virtutis et artis.
Bonivol. et amoris e. scrib.
L. Acad. p. t. Rector.
28. Adr: Nicolaus Olai – Aut: Andreas Virginius (cf. 27) H, Kalmar StB, [Tartu UB]
GRATULATIO
Alciden quondam magnos tentasse labores,
Vere Maeonij Carminis ales ait:
Nec solum tentasse, sed et duxisse quadrigis,
Vt verbo veteri, laeta trophaea ferunt.
5 Et quoque TE varios quondam tentasse labores,
Inficias quinam, CLARE MAGISTER, eat?
Exantlasse tamen mente; favore Dei.
Hinc jam pro merito Musarum Praeses Apollo
10 Tempora ti circum laeta brabea dabit.
Gratulor ergo tibi; de fausto, pectore toto,
Successu coepti, gratulor ergo tibi.
ἐυφημίας ἕνεκα
l. mque apponebat
D. et ejusdem Professor Primarius.
29. Adr: Nicolaus Olai – Aut: Laurentius Ludenius (cf. 27) H, Kalmar StB, [Tartu UB]
GRATULATIO
Delicium Eusebiae et Sophiae, NICLAE, perenne,
Donec nascentis surgit decor integer aevi,
Et donec solidae certo stant robore vires,
Sic exercitijs juvet indulgere, peractum
5 Ferre datur pulcra quando mercede laborem.
Eusebia a teneris felix condiscitur annis,
Laetaris sancta de cognitione Tonantis
Insidet altum Evangelium bene sensibus imis.
A teneris gravior virtus tibi discitur annis;
10 Mox conjuncta suis formantur dogmata nodis,
Et rata tractantur clari praecepta Magistri.
Tincta creat dulci Phoebus tibi corda lepore,
Et Clarias docili jungit cum pectore dotes.
Roma, Palestina, et patrio tibi profluit ore
Seu juvet adstrictas in nodum cogere voces.
Eloquio poteris cito permulcere Senatum,
Exonerare pios, pariterque onerare nocentes.
Scis, velut ingenium Logices, det et explicet Artes,
20 Atque animis hominum nebulas abstergeat ipsas.
Scis, veluti concors gratas Symphonia mensas
Ornet, et affectus dociles atque excitet aures.
Scis, Geometra velut solers illa Arte profunda
Evolvat terras et agros, et dividat aeque
25 Inter sangvineos et proximitate propinquos.
Sidera pulcra notas tacito labentia coelo,
Arcturum, pluviasque Hyadas, geminosque Triones,
Et velut obliquus signorum ille ordo recurrat.
Scis rerum causas: scis, ceu Natura perennet;
Venti; distentus quid et Eurus flamine captet.
De Sophia, et loqueris tu de Virtute, verendi
Socratis aut Senecarum aut summi more Catonis.
Quod felix faustumque velit Deus esse Deorum,
Quam neque frigoribus Boreas, neque Sirius urat
Aestibus, aeterno sed veris honore triumphet.
I bene, quo tua te virtus vocat, i pede fausto:
Et sancto dici titulo consvesce MAGISTER.
Ferre datur merita et pulcra mercede laborem.
Sic gr. applaud.
Prof. et pro t. DECANVS
30. Adr: Nicolaus Olai – Aut: Nicolaus Nycopensius (cf. 27)
H, Kalmar StB, [Tartu UB]
GRATULATIO
Nil est, a teneris ut Mercenarius annis,
Vulnera consuescat servitiumque Pati.
Nil est, quod subeat manifesta pericula Miles
Dum cava terrificis ictibus aera tonant.
5 Multum est, in studijs consumere dulcibus aevum
Signaque MVSARVM prosperiora sequi,
Vnde venit Mitra, et sequitur, NICLAE, beata
Laurus, pacis honos; et fera bella fugans.
Carpe Magisterij hinc te dignos semper honores,
10 Accipe jure bono; publicus ornat honos.
Carpe tuam dotem, docta virtute, Magister
Quam doctus Phoebus, contulit Ecce tibi.
Macte Magisterij insigni, NICLAE, brabeo,
Ad majus studium quod tibi calcar erit.
15 Perge bonis avibus; tibi nil Natura negavit,
Ingenio clares, Laude et honore vales.
Sic Patriam in terram fructu meliore redibis
Quae tibi pro meritis premia digna dabit.
Honoris et gratulationis ergo apposuit
31. Adr: Nicolaus Olai – Aut: Petrus Andreae (cf. 27) H, Kalmar StB, [Tartu UB]
GRATULATIO
Surgit Musarum glomeratim turba Novena,
Suscipit et Spartae munia quaeque suae.
Prosilit in primo culta ordine Calliopea,
Heroum libris carmina dia gerens.
5 Clio gesta dehinc transactis tempora reddit,
Nuncia praeteriti temporis acta ferens.
Dein Erato svavis modulatur amabile carmen,
Quam vocat omnis amans in sua vota, Deam.
Et cantat calamis Euterpe instructa sonoris
10 Cujus plus aliis fistula dulce canit.
Melpomene tragicos mutat dulcedine cantus,
Svavia pro tristi carmina voce sonat.
Cantibus et numeris Polymnia dulcibus aures
Occupat, et signat pectine plectra lyrae.
15 Terpsichore Citharam pulsat, ducitque choreas
Hanc nam Sirenas progenuisse ferunt.
Nostra Thalia dehinc (qua vates Daphnide lauru
Exornat) properat digna brabea ferens.
Vraniaque gradu postremo et in ordine surgit,
20 Haec vitae variis usibus apta docet.
Quare conveniant (quaerat quis) turba Novena
Quarum ter triplici nomine nomen erit?
In promptu res est: Doctus qui serta meretur
Inter adest doctos; taleque nomen erit.
25 NICLAUS Proles Gotthorum Calmariensis,
Sacra virorum inter nomina nomen habet.
Hujus in artis opes, bifidi sub vertice montis
Myrtum cum lauru turba Novena legat.
Queis possint merito redolentia nectere serta,
30 Quae tribuant ipsi jura Magisterij.
Nectite Pierides, properanter nectite flores,
Et decorate virum, postulat almus honos.
Ergo quisquis es, hos noli temerare viator
Flores, quin tu, quos Phoebus amavit, ames.
35 Nunc tu candoris cultor, doctissime Amice,
Sume tibi quas fert culta Minerva rosas.
Jura Magisterij quae confert doctus Apollo,
Sume, etenim assidui haec signa laboris erunt.
Quod superest, minime Dryadas, Cereremque vocatam,
40 Non harum comites in mea vota volo.
Sed te, CHRISTE voco, qui alti flammantia coeli
Templa tenes; torques, quidquid et orbis habet.
Aspira coeptis his et conatibus; alto
Numine tuque hujus dirige, quaeso, viam.
45 Ut Domino, Patriae, sibi sit, decorique patronis
Aonidum, peperit quos sibi dulcis amor.
Sit laus, imperium Patri sit et aequa potestas
Gnato cum sacro Flamine fiat, Amen.
Gratulabundus fudit
M. PETRVS ANDREAE Arbogia-Wesmannus
32. Adr: Nicolaus Olai – Aut: Petrus Turdinus (cf. 27) H, Kalmar StB, [Tartu UB]
GRATULATIO
Hoc est quod dixi: toleravit soepe labores
NICLAVS varios, queis captet splendida dignus
Dona MAGISTRII quae contulit arte MINERVA.
Ergo non hoc passus amor, nec prona voluntas
5 Vt jam abeat nostris inhonorus versibus; Ille
Nam senior, qui dignus erat, quem carmine PHOEBVS,
PAN calamis, fidibusque LINVS modulantibus ORPHEVS
Concinerent, atque acta Viri, laudesque sonarent:
Accipe jura MAGISTERII hinc, quae MVSA probatis
10 Confert; et studiis praeclaris praemia digna,
Accipe praemia, quae gemmas et munera regum
Vincunt, quidquid in OCEANO quoque nascitur amplo.
Vtere collatis, percinctus honoribus hisce,
Vt Domino, ut patriae, ut gratus tu sisque patronis.
Amico suo singulari posuit
M. PETRUS TURDINUS Sch. Conrector.
33. Adr: Nicolaus Olai – Aut: Jacobus Balccius (cf. 27) H, Kalmar StB, [Tartu UB]
GRATULATIO
Qui bene certavit Miles, sua jure reportat
Praemia; laetatur conditione rata.
Tu bene certasti, decus immortale Camoenae;
Praemia transacto digna labore refers.
5 Vive, vige, et longum crescant hi frondis honores:
Ingenio felix, clare Magister, AVE.
Sic app.
densis Pomeranus
34. Adr: Nicolaus Olai – Aut: Ebberus Olai (cf. 27) H, Kalmar StB, [Tartu UB]
GRATULATIO
Ingenii proferre decus, licet esse decorum,
Et validis humeris tollere honoris opus.
Dona Ceres renuit sua nigris abdere Sirrhis,
Damnari tenebris, jure negavit, opes:
5 Fax adamas auro; Doctrinae laurea fax est,
Indita quantumvis fax sua cuique nitet.
Aurea Phoebaei fax esto corolla peculi:
Arteque demulsum cinge tiara caput.
Atque manum nitido facilem tu clare Pyrope
10 Annule cinge: apta sede quiescit honos.
ALIVD.
Fertur honos an onus? quid? Mitra, corolla, Pyropus
Mole gravant? Saxis ter magis illa gravant.
Majori auricomus quia lumine Cynthius ardet,
Syderibus reliquis ter magis ergo volat.
Moris et honoris ergo apposuit
35. Adr: Nicolaus Olai – Aut: Ambrosius e Palma (cf. 27) H, Kalmar StB, [Tartu UB]
GRATULATIO
Gratulor extructi redolentia serta Trophaei,
Quae digne summo dantur honore tibi.
Gratulor optatam, NICLAE, tibi esse Tiaram,
Quam dederat Clarij splendida fama Chori.
5 Hanc meritam merito de more teneto Corollam,
Auspicijs felix sit, precor, illa tuis.
Haec tibi grator ovans, et vitae tempora longa
Felicis; nec non praemia plura precor.
Non tam moris, quam amoris e. fudit
LL. Studiosus.
36. Adr: Nicolaus Olai – Aut: Carolus Valeriani (cf. 27) H, Kalmar StB, [Tartu UB]
GRATULATIO
Ingenij propter dotes et amabile donum,
Assolet AONIDVM munera ferre chorus:
Sic, NICLAE bonus (dat PHOEBVS praemia digna)
Commeritum carpis, dignus honore, decus.
5 Vtere nunc (tota voveo quod mente) MAGISTER,
Sertis, quae texit DORPATA docta tibi.
Vtere; vergat opus Divini in Nomine amplas
Laudes, et patrij commoda magna Soli.
Praeceptori suo honorando posuit
37. Adr: Benedictus Oxenstierna – Aut: Laurentius Ludenius (Oratio de modestia, quam /…/ in Regia Academia Dorpatensi /…/ 27. die Februarii anno 1636. /…/ publice habebat Sveno Magni Hagelstenius. – Dorpati, 1636: Typ. acad.)
UUB, SKB, Växjö LB, [Tartu UB]
DEDICATIO
Celse Gubernator Levonum, Dux Militiai
Illustris, Baro Illustris, BENEDICTE, Potentum
Oxenstiernorum Decus Immortale Virorum:
5 Estis consiliis, vexilligerasque phalanges
Ducitis, Illustres meritisque, Togaque, Sagoque:
Magnifici et nostri Proceresque Patresque Lycei;
Et Dorpatensis nitidissima fulcra Senatus:
Et delectorum Juvenum Generosa Corona;
10 Adsitis. Sic vester Honos, Nomenque coruscant.
Vestram J. G.
V. M. R. A. et C.
V. H.
Humilime,
Observanter,
et officiose colens
LAURENTIUS LUDENIUS Ph. et J. U. D.
Prof. Juris, Orat. et Poës.
38. Adr: Christophorus Pegius – Aut: Ericus Littorius (Oratio de castitate, /…/ in Regia Academia Dorpatensi, /…/ die 25. Maij, anno 1636, /…/ publice et memoriter recitata, a Christophoro Pegio, /…/ - Dorpati, 1636: Typ. acad.) SKB, [Tartu UB]
GRATULATIO
Literis et moribus Politissimo,
amico suo singulari.
Λογογρῖφος
PEGIUS
PES. PIUS. JESU.
Qvae Tibi sunt cordi, virtutis fulcra decorae,
Horum conveniens omina nomen habet.
Junge caput caudae: jam jam PES subditur aptus,
Quo Tibi virtutum dulce geratur onus.
5 Si medium tollas: PIUS ilicet ibis honore,
Sed JESU (dempta est frons mediumque) Duce.
Festine gratulabatur
39. Adr: Christophorus Pegius – Aut: Jonas Nicolai Nycopensis (cf. 38)
SKB, [Tartu UB]
GRATULATIO
Illicitae, est felix, Veneris qui munia nescit,
Ad casti properans jura probata boni:
Huic merito laudes venturas dixerit omnis,
Quoque jubent Musae, vita beata feret.
5 CHRISTOPHORVS studio sequitur meliore, quod optat
Mens casta, atque animus castus in orbe jubet;
Inde suum munus cum dexteritate subibit,
Atque feret studio praemia digna suo.
Castos casta decent: castis Deus annue coeptis;
10 Casta sit et felix vita futura, precor.
Intimo suo Dn CHRISTO. PEGIO, de Castitate per-
oranti, animo lubenti haecce adposuit
40. Adr: Christophorus Pegius – Aut: Emundus Johannis Lynaeus (cf. 38)
SKB, [Tartu UB]
GRATULATIO
Nulla persistit sapientiae laus
Abditis mentis latebris repostae,[15]
Castitatis ni radio refulgens
Sit velut oestro.
5 Vivet extento inde Josephus aevo, et
Notus ad coelos animus Susannae:
Hos aget penna metuente solvi
Fama superstes.
Impio autem Sardanapalum amori
10 Deditum, exurit; meliore fato
Laetus Arbaces, reparatque regnum,
Dignior illo.
Te quoque aeternum sequitur perennis
Fama; Virtutem teneris sacram dum
15 Mentibus suades: bene perge; coeptis
Adsit JESUS.
Honoris et amoris
ergo apposuit,
41. Adr: Nicolaus Prytz – Aut: Petrus Andreae (Oratio de jurisprudentia; quam, /…/ in Regia Academia Dorpatensi /…/ 2. die Septembr. anno 1636. /…/ publice habebat /…/ Nicolaus Prytz /…/ - Dorpati Livonorum, 1636: Lit. acad.) SKB, H,[Tartu UB]
GRATULATIO
Praestantissimo ac Humanissimo Ju-
veni- Viro,
Orationem de Jurisprudentia, solennem et con-
cinnam enarranti, haec paucula, ut Amico suo longe
charissimo, adjecit,
M. PETRUS ANDREAE, Arbogiensis.
Annales, Fastos, si tentes volvere cunctos,
Tempora sique velis mundi scrutarier orta;
Jura, scies, justo simul et sint condita iniquo.
Iura aequa patriae dispensant cuncta bilance,
5 Iura dabunt, vigeat Res-florens-publica quaevis.
Iura hominem incultum primum sylvestribus antris
Eliciunt, purgant et iniquo secula victu.
Utilibus rectum suadent praeponere jura
Communes sequier leges, injustaque nunquam.
10 Permittunt fieri socio, nec jurgia civi.
Haec propter colimus leges, animosque ferarum
Exuimus. Plenis haec quisquis sensibus hausit,
Irruet intrepidus flammis, hyberna secabit
Aequora, confertos hostes superabit inermis.
15 Hinc Themidos tu potor aquae, NICLAE Magister,
Aequi quod satagis narrare encomia; laudo.
Laudo, et nomen erit virtus, multosque per annos
Florendo tua fama, fides pietasque manebunt.
Quod superest: Supplex Divum sacra Numina posco.
20 (Non Dryades Nymphae sint in mea vota vocandae)
Vt felix abeas, redeas quoque pectore salvus.
I bene; Iter coeptum disponat JOVA supremus.
42. Adr: Matthias Vermerus – Aut: Georgius Mancelius (Disputatio theologica de augusto Salvatoris nostri testamento, sive sacratissima Domini nostri Jesu Christi coena, /…/ in Academia Regia Dorpatensi /…/ sub praesidio Andreae Virginii, /…/ publicae, /…/ inquisitioni /…/ 24. Augusti, /…/ submissa a respondente Matthia Vermero /…/ - Dorpati Livonorum, 1636: Lit. acad.) EAB, [Tartu UB]
GRATULATIO
Ornatiss. et Doctissimum Virum-Juvenem Dn.
nia-Saxonem,
De COENA DOMINI pie et erudite disserentem.
Qvis sit divinae Cibus, et qvae Pocula mensae;
qvi sint Conviva; prava usurpatio Coenae
qvae sit; VERMERE, ad clarum tu ostendere Solem
non dubitas ex VERBO, ad qvod delirat acuti
5 virga Mathematici, Sophies et acumen hebescit.
Missa tuo adspiret coelo fortuna labori.
Sic honoratum ire voluit sub meditationibus
sacris a. d. V. 8br. 1636
GEORG. MANCELIUS Semgallus, SS. Th. Lic.
Pastor, Professor, Praepositus, et Proto-Synedrii,
qvod in Livonia est, Adsessor, Academiae Dor-
pat. p. t. Rector.
[1] Dorptenses pro Dorpatenses U metri causa
[2] Idem 1643.21, 1644.4, 1645.13, 1646.4, 1647.17, 1648.13, 1649.16, cum variatione 1648.12. Cf. 1642.11, 22-24, 1643.19-20.
[3] Textus corruptusT
[4] vide v 14: NIL UNA LANGVES /…/
[5] cf. 1638.140.9 Perge Novenarum Decus Immortale Sororum, 1639.28.1 Heini, cor Themidos, decus immortale sororum.
[6] fortasse illa venit
[7] fortasse sancte seu macte
[8] fortasse notas seu novis
[9] fortasse seductum seu deductum seu eductum
[10] fortasse celeres salutas
[11] Finis deest.
[12] Idem 1643.46-47, 1644.15, 1645.47, 1646.19, 1647.37, 1648.24, 1649.22.
[13] Philosophae pro philosophiae edd metri causa
[14] junxti pro junxisti edd metri causa
[15] repostae pro repositae S metri causa