1651

1. Adr: Andreas Arvidi <Stregnensis> – Aut: Sebastiananus Wirdig (Sacris magisterij honoribus: <quos>, /.../ decanus facultatis philosophicae /.../ Johannes Erici Stregnensis, philosoph. professor ordinar. et juris extra-ordinar. ut et Supremi Regij Judicij, quod est in Livonia, assessor, in Regia Gustaviana Adolphina Academia, quae Dorpati /.../ est /.../ die 16. Octobris anno 1651. publice /.../ conferebat /.../ Andreae Arvidi Stregnensi, Regij Stregn. Collegij phys. et logic. lectori /.../ quaevis fausta precantur Musae Embecciades. Dorpati Livonorum, <1651>: J. Vogelius)

UUB (def), [Tartu UB]

GRATULATIO

Haec exantlati sunt praemia pulcra laboris;

His ita Cultores ornat Apollo suos.

Ad majora dehinc natus; sterilescere noli;

Sed magis ingenium percole, Clarus eris.

Sebastianus Wirdig / Med. D.

et Profess. Publ. Academ. p.t.

RECTOR.

2. Adr: Andreas Arvidi <Stregnensis> – Aut: Laurentius Ludenius (cf. 1)

UUB (def), [Tartu UB]

GRATULATIO

M. ANDREAS ARVIDI:

Per Anagr.

ARDVA DEI MIRANS!

ARDUA facta DEI MIRANS! Miracula tota

Scrutaris: Mens arrecta est sub imagine rerum.

Erudiit Pallas, docuit sine fine fluentis

Materiae causas; sancti et qui limes Honesti est.

5 Eusebia edocuit Divini Numinis haustus,

Coelica formavit docilem Sapientia sensum.

Sit faustum et felix: Dici hinc consvesce Magister;

ARDUA facta DEI sis MIRANS, Clare Magister!

Quod animitus prec.

Laurentius Ludenius, Ph. et U.J.D.

Prof. Ord. et Reg. Acad. Bibliothecarius.

3. Adr: Andreas Arvidi <Stregnensis> – Aut: Petrus Caroli Undenius (cf. 1)

UUB (def), [Tartu UB]

GRATULATIO

In studiis multum est consumere dulcibus aevum,

Signaque Musarum prosperiora sequi.

Andrea, unde venit nitidissima Mitra, beata

Laurus, pacis honos effera bella fugans.

5 Carpe tuam dotem, docta virtute Magister,

Tempora jam Lauru cingit Apollo tua.

Quam, precor, ut tentas laudato nomine Laurum,

Dum Parcae ducent mitia fila tibi.

Sic cum mens fragiles rellinquet corporis artus,

10 Perpetuo in terris nomen honosque manent.

Claritate, Doctrina et moribus Politissimo Viro, Dn. Andreae

Arvidi Stregnensi, de novis Magisterij honoribus, in per-

petuae et infucatae recordationis tekm»rionhisce paucis

gratulabatur

M. Petrus Caroli Undenius,

Pastor Turmae pedestris Carelianae.

4. Adr: Andreas Arvidi <Stregnensis> – Aut: Israel Drysander (cf. 1)

UUB (def), [Tartu UB]

GRATULATIO

Euge viros claros dum fert Embecca Magistros,

Quos ornat pietas dexteritasque pia;

Mercurij Soboles illis et fausta precatur,

Optans ut vivant in probitate diu.

5 Ecce meum votum reliquorum carmine votis

Adjungens raptim corde repono pium.

O Decus, ANDREA, Panaceae et Pallados almae

STREGNENSIS, gentis pulcer ocelle tuae,

Sis multum felix; gesta cum laude corollam;

10 Et vigeat studiis Svecia terra tuis;

Svecia terra tuis! Clarus sis arte Magister;

Nestoris inque annos vive valeque diu.

Honoris et amicitiae E. apposuit

Israël Drysander,

Westman.

5. Adr: Andreas Arvidi <Stregnensis> – Aut: Petrus J. Berger (cf. 1)

UUB (def), [Tartu UB]

GRATULATIO

STREGNENSIS, quoniam lustrasti Pallados Artes,

Sedulus et doctos volvisti rite libellos;

Nunc cape sudoris pia praemia; Summus Apollo

Quae tibi nunc offert, Musis comitatus amicis;

5 Nunc Sophia clarum te nunciat esse Magistrum.

Euge o vive diu sospes, perdocte Magister,

Sentiat ex te quo dulcis tua Patria fructus.

Sic ex animo applaudit

Petrus J. Berger /

Nycop. SS. Th. Stud.

6. Adr: Andreas Arvidi <Stregnensis> – Aut: Andreas Hellenius (cf. 1)

UUB (def), [Tartu UB]

GRATULATIO

Mercurij soboles STREGNENSIS docte Magister,

Musarum Aonidum, Nobile Delicium:

Sic Embecciades, Christo duce et auspice, Musae

Componunt studiis digna brabea tuis,

5 Laurea suscipiunt nitidissima tempora serta,

Cinguntur meritae fronde virente comae.

Vive Deo felix, tibi cedant omnia fausta,

Omnipotensque Deus te sine fine tegat.

Amicitiae et fausti Ominis Ergo

ita Gratulatur

Andreas Hellenius,

Arosia Westmann.

7. Adr: Andreas Arvidi <Stregnensis> – Aut: Ericus J. Munthelius (cf. 1)

UUB (def), [Tartu UB]

GRATULATIO

Qvisquis ad Aonij sitienter prata Vireti

Scandere avet, Claria miles in arte Bonus:

Ille agrum magno veluti sudore Falerni

Excolat, et praeceps Pallados antra petat.

5 STREGNENSIS Clariae Panaceae et Pallados almae

Delicium, certa cognite Amice fide.

Tete DORPATVM gremio refovebat ad Embeck

Praeclarum Phoebi Thespiadumque Choro.

Hausisti et quoniam dulcem Parnassidos undam,

10 Continuo studiis invigilando bonis,

In Cathedra nostra Respondens quando stetisti,

Ex Cathedra nostra quando disertus eras;

Dorptica Musa gradum tribuit tibi, Fautor amande,

Musa dedit studiis digna brabeia tuis.

15 Gratulor ergo tibi, facilisque in vota resolvor,

Et precor ut cedas laudibus hocce Dei.

Accipe multijugo Doctum sudore Magistrum;

Sit felix honor hic; Fautor amande Vale.

Honoris, Amoris, et moris E. Amico et Fautori

suo apprime colendo, ita gratulari

voluit

Ericus J. Munthelius,

Westmann.

8. Adr: Andreas Arvidi <Stregnensis> – Aut: Andreas Windbergius (cf. 1)

UUB (def), [Tartu UB]

GRATULATIO

Sunt variae dotes hominum, diversaque dona,

Quae diversimode distribuere Dij.

Sunt variae dotes DOMINI, diversaque dona,

Quoslibet ut voluit participare Deus.

5 Hic rigidi gaudet dubio discrimine Martis,

Ille feris mira construit arte dolos.

Huic placet assumpta pharetra transfigere Cervos,

In gyrum ille acres ducere tentat Equos:

Ast tibi, STREGNENSIS, Sophiae perdocte Magister,

10 Pallados et Sophiae praemia pulchra placent.

Ergo ter foelix, Laurum, mi Candide Fautor,

Accipe; quam Musae, fronde virente, ferunt.

Sic tibi nomen erit nullo delebile seclo;[1]

Sic tua non Stygias fama subibit aquas.

Ita in veteris Amicitiae recordationem, Fautori et Amico

absenti, de novis Honoribus syncero ex animo

subnectebat

Andreas Windbergius,

Telga-Sudermannus.

9. Adr: Andreas Arvidi <Stregnensis> – Aut: Daniel Gruuf Nycopensis (cf. 1)

UUB (def), [Tartu UB]

GRATULATIO

Ode Lyrica.

En mente multum multivaga, satis

Et soepius proponit Homo sibi,

Ut moliatur mentis ardor

Impete dexter opus calenti.

5 Ast providentis cura Dei Patris

Disponit eventum, trepidos pedes

Quae ducit, ut possit Viator

Ad positam properare metam.

STREGNENSIS, almi Consilium DEI

10 Agnosce gratus, dum Patrios cupis

Dorpta Penates hinc adire,

Extera quo loca visitares.

Oris paternis restituens, tibi

Disponit eventum DEUS Arbiter,

15 Stregnesium clarum vocatum

Te retinet studio calentem.

Christus reducens te vocat ad locum

Charum paternum, Re Patriae tibi

Scholae suae fascesque mandat,

20 Ipse pedem retrahit Jehovah.

Haec grator e cordis penetralibus,

Adsint pia incrementa, dehinc precor;

Verum magis ti gratulor nunc

Flos studiose, pia Camoena.

25 Dum Virgines ter tres peramabiles

Nunc rite Magni stirpe Jovis satae

Junctim ferunt gressus ab alto

Culmine nexilibus choreis,

Ut te politum Piëridum decus

30 Doctumque multis artibus optimis,

Stregnensis, hoc digno brabeo

Nunc bene promeritum redonent.

Ut vergat in laudes tytulus datus

Summi Parentis nunc voveo pius,

35 Sic gaudium, corona pulcra,

Deliciosus Amor Bonisque.

Sic mente multum multivaga, quidem

Concludit et proponit Homo sibi

Vt moliatur mentis ardor

40 Impete dexter opus calenti.

Sed providentis cura Dei Patris

Disponit eventum placide optimum.

Salve, Vale, Stregnensis. En sunt

In manibus Domini! Valeto.

Versus Anni Index.

45 STREGNENSIS FaVtor, Verae SophIaeqVe VenVstas;

Foenore VIrtVtIs te DorptICa MVsa beaVIt.[2]

Ita M. Andreae Stregnensi, in Gymnasio Stregn. Physices

et Logicae Lectori Dignissimo, Amico veteri

Ðlokard…wjgratulabatur

Daniel Gruuf Nycopensis,

Sudermannia-Svecus.

10. Adr: Andreas Arvidi <Stregnensis> – Aut: Petrus J. Wichovius (cf. 1)

UUB (def), [Tartu UB]

GRATULATIO

ANDREA, Lector Physices Logicesque verende

Stregnensis; nostri pulcer ocelle soli;

Accipe jam sertum, tibi quod dat textile Apollo;

Fructus qui genij et dona perire negat.

5 Sit tibi prosper honos, Clarus sis arte Magister,

Svecia dum corylos, dum tenet amnis aquas.

Hisce Fautori et Promotori suo honorando

gratulari voluit

Petrus J. Wichovius,

Nerichia-Svecus.

11. Adr: Andreas Arvidi <Stregnensis> – Aut: Josias Josephi Fougdonius (cf. 1)

UUB (def), [Tartu UB]

GRATULATIO

Invigilat sanctis quicunque Laboribus; Inde

Ille coronatur, constituente Deo.

Clare Vir, Affinis multum venerande, fuisti

In studiis Sophiae Nobilis, assiduus.

5 Ergo Coronaris; cinguntur tempora Lauru:

Hinc vivas Clarus Fronde Magisterij.

Ita Sororio suo dilecto applaudit

Josias Josephi Fougdonius.

12. Adr: Andreas Arvidi <Stregnensis> – Aut: Benedictus Nicolai Ekaeus (cf. 1)

UUB (def), [Tartu UB]

GRATULATIO

Fronde virente velut decoratur Miles in annis,

Pro Patriae charis qui gerit arma focis:

Addictos Musis sic dexter Apollo coronat,

Quaerunt qui Pindi gramina nata jugo.

5 Ingens sic est laus, didicisse fideliter artes,

Stregnensis Patrij gemma futura soli;

Hinc capias torquem viridi de fronde paratam,

Quam nunc attribuit magnus Apollo tibi.

Accipe praeclaros felici foenore fructus;

10 Praemia virtutis, serta Magisterij.

Quod superest, voveo sincero pectore votum:

Sis felix, Valeas dexteritate pia.

Dexteritate pia sis felix, Fautor amande;

Finio sic votum. Fautor amande, Vale.

Candoris et honoris ergo apposuit

Benedictus Nicolai Ekaeus,

Neric.

13. Adr: Andreas Arvidi <Stregnensis> – Aut: Olaus N. Oestenius (cf. 1)

UUB (def), [Tartu UB]

GRATULATIO

M. ANDREAS ARVIDI STREGNENSIS,

per Acrostich.

Musis	Macte	Magister,	Misse a	Mente	Minervae:
Artibus	Argutis	Ardens	Ascendis	Ad	Astra;
Astripotens	Ac	Altisona	Ars	Artus	Animabunt:
Subtilis	Sophiae	Sic	Solers	Semina	Spargis.

Honoris et amoris E. lubens appos.

Olaus N. Oestenius.

14. Adr: Johann Berg - Aut: Petrus Horn (Gedächtniß-Seule, Bey /.../ Leichbegängniß Des /.../ Johann Bergs, /.../ Obersten über ein Regiment zu Fuß; Erbgesessen auff Weissen-See, Pigand, Nurmiß und Lampertzhoff, etc. Welcher den 23. Martij des /.../ 1650. Jahres /.../ entschlaffen und den 22. Aprilis dieses /.../ 1651sten Jahres in Riga /.../ der Erden einverleibet ward, Auffgerichtet von guten Freunden in Dorpt. Dorpt, <1651>: J. Vogel) UUB, [Tartu UB]

EPICEDIUM

Ut puer incensam stillante bitumine tedam

Aut fovet, aut lapso coelitus imbre necat.

Momento sic Vita brevi pia robora sumit,

Mox vero in cineres, morte soluta, fluit.

5 Felix qui Coeli superas susceptus in arces,

Cum Christo aeternos transigit usque dies.

Condolenti animo adjecit

Petrus Horn /

Dabera Pom.

15. Adr: Johann Berg – Aut: Zacharias Koch (cf. 14) UUB, [Tartu UB]

EPICEDIUM

Gloria JOHANNES a BERGEN stirpis avitae,

Laudatae clarus Nobilitatis Honor;

Hostilis turmae per mille pericula victor;

Confugium oppressis praesidiumque viris.

5 Occubuit! Posuit ferali hoc membra sepulchro!

Sed mens coelestes incolit usque polos.

Condolentiae ergo apposuit

Zacharias Koch / Pritzwaldensis

Marchiacus.

16. Adr: Johann Berg – Aut: Hermannus Bauer (cf. 14) UUB, [Tartu UB]

EPICEDIUM

JOHANNES BERG:

Per Anag.

HABES IN REGNO!

Elaboratio.

Eheu: funerea mea Musa recincta Cupresso,

Luctisonos tristi Carmine funde modos.

Embecca et mecum Dorptae sub moenibus urbis

Crescentis luctus da Modo signa novi.

5 Ad tumulum luge heu tristis Bellona, Fidesque,

Gradivusque Pater, Militiaeque Cohors!

Militiae Ductor, JOHANNES BERGIVS, Heros

Mortis ab immiti falce resectus adest!

Quique alternantes multa vi praelia turmis

10 Fudit, et hostiles sustulit ense manus;

Dente venenato funestae Mortis ademptus

Corporis extendit frigida membra sui.

Heu! vos lanificae, saevissima Numina, Parcae

Dicite, num vestri meta furoris erit?

15 Ense cadens fortis succumbit Mortis Alumnus,

Vi lethi et pariter doctus inersque cadunt.

Omnes mutantur fragili de semine nati;

Mutatur quicquid cyclicus orbis habet.

Sed quid ago? et frustra convitia vana per auras

20 Aeoliis spargo disjicienda Notis.

Namque haec vis Mortis, Parcarum haec magna Potestas;

Omnia sub leges Mors vocat atra suas.

Haec etenim meruit primaevi culpa Parentis,

Dum sprevit magni jussa verenda Dei.

25 Sed solamen adest. Quod sint haec cuncta Supremi

Patris in arbitrio, qui regit astra Poli.

Hincce manent nimium felices, fine peracto

In Domino placide qui potuere mori.

Illis parta quies, illis super aurea longe

30 Sydera, coelestes fas habitare domos.

Ad vos hosce meos converto luminis auras,

Quos dolor hic nimia proximitate ferit:

Nunc vestras validis lacrymas inhibete capistris,

Mittite moerorem, mittite lacrymulas:

35 Militiae Ductor, JOHANNES BERGIUS, HEROS,

Coelesti IN REGNO Gaudia faustus HABET.

Quo nos, O JEsu, saturos da scandere vitae,

Dum venit extrema lege trahente dies.

Condolentiae testandae ergo scripsit

Hermannus Bauerus,

Riga-Livonus.

17. Adr: Johann Berg – Aut: Daniel Gruuf Nycopensis (cf. 14) UUB, [Tartu UB]

EPICEDIUM

Hic ego JOHANNES a BERG/ fortissimus Heros,

Cui virtus clarum nomen habere dedit;

CHRISTO dante, truces bene qui victricibus armis

Hostes prostravi, pectore, voce, manu;

5 Occumbo! Quem non vicit crudelior hostis;

Hunc dedit afflictum trux Libitina neci!

Quem senio et fessum Mors facto funere mersit,

Nunc gelidum loculus terraque tristis habet!

Donec ab aetherea, Judex Justissimus, arce

10 Judicium aequali sorte, redux peraget.

Qui me cum reliquis Sanctis conjunget Olympo,

Est ubi vera quies, est ubi certa quies.

Condolens scripsit

Daniel Gruuf Nycopensis

Sudermannia-Svecus.

18. Adr: Olaus Sunonis Dalinus – Aut: Daniel Gruuff Nycopensis (Oratio de pietate: quam /.../ in Regia Gustaviana Adolphina Academia, quae Dorpati /.../ est /.../ die 22. Decembris, anno 1651. publice /.../ enarrabat Olaus Sunonis Dalinus, /.../. Dorpati Livonorum, <1651>: J. Vogelius) UUB, Lund UB, [Tartu UB]

GRATULATIO

Humanissimo et Doctissimo

DN. PERORANTI.

O fficiosa valet PIETAS quid? id Ore sonor O

D ALINI narrat lingua diserta modo!

L aetior hac possis CHRISTI stare ante Tribuna L,

A c pia pro meritis praemia ferre tuis;

5 A ccipis hac fructus, in rerum rite ruin A

L aetior et cunctis casibus hacce manes.

U rge ausus, docto telam pertexe recurs U;

IN coeptis pergas, sic bene Doctus eris.

S tet licet aegra Silex praecisis undique saxi S

10 US que tamen stabilis praemia larga feres.

PRAECONIVM.

Publicitus pulcram PIETATEM promere pergis

Percelebris Phoebi pars pia, pulcra, proba.

Peccati poenam PIETAS propellere pergit,

Pactaque pro Populo ponere pulchra pio;

15 Percelebris PIETAS, placida prece, Porta Piorum

Propenso Patri perpetiendo placet.

Pulcra Poli placide PIETAS pia pulpita pulsat,

Poscit praecelsi pondera pulcra Poli.

Propterea puppi proraque, Polite PERORANS,

20 Praefultus; pergas prosperitate potens.

Perlaudabiliter PIETATEM promere pergas,

Pondere permagno praemia pulcra petes.

Praemia pulcra petes, Pars percharissima Phoebi,

Perstabis Patriae Portio pulcra piae.

25 Pallida potando Parcarum pocla[3] parata,

(Plaude) petes placide pulpita pulcra POLI.

Praeconio PIETATIS, publice PERORANTI

prosperitatem plurimam perlubens

Precatur

DANIEL Gruuff / Nycopensis,

Sudermannia-Svecus.

19. Adr: Olaus Sunonis Dalinus – Aut: Laurentius Haquini Calander (cf. 18)

UUB, Lund UB, [Tartu UB]

GRATULATIO

Est PIETAS virtus toti venerabilis orbi,

Est accepta POLO; Larga ministra Boni.

Haec quoque Cultori bene praemia grata rependit,

Illius possit ne rata fama mori.

5 Ergo ubi nunc laudas PIETATEM, Docte DALINE,

Ingenuis Studiis quae bene pectus alit:

Gratulor; et voveo tibi quaevis prospera, Amice,

Et precor ut pergas invigilare Libris.

Tempore sis omni Verae Pietatis amator,

10 Haec tibi sic Pietas praemia pulcra dabit.

Populari ac Fratri, usu familiaritatis conjun-

ctissimo, eleganter de Pietate decla-

manti, ita gratulabar

LAURENTIUS HAQUINI CALANDER

W-Gothia Svecus.

20. Adr: Andreas Flojerus – Aut: Sveno Bernhardi Tokelius (Disputatio philosophica de natura et constitutione scientiae naturalis; quam /.../ in Regia Academia Gustaviana, quae Dorpati /.../ est /.../ sub praesidio /.../ Johannis Erici Stregnensis, /.../ pro insignibus et privilegiis magisterij philosoph. consequendis, /.../ disputationis exercitio submittebat Andreas Flojerus, /.../ ad diem 19. Martij 1651 /.../. Dorpati Livonorum, 1651: J. Vogelius) H, [Tartu UB]

GRATULATIO

Quando virescentem tacita considero mente

FLOJERI vultum, spirantemque ardua frontem;

Hoc opus, o Deus alme, tuum est, tu perfice coeptum,

Esse ratumque jube, Pia laus sobolescat in aevum.

Incalescenti animo cantillatum ibat

SVENO BERNH. TOKELIUS,

Smalandia Svecus.

21. Adr: Andreas Flojerus – Aut: Jonas Bringander (cf. 20) H, [Tartu UB]

GRATULATIO

Magna pij Genij laus est, et vivida fama,

Dum studij florent candida signa tui!

Auspicio Christi, tu Musae Nobile lumen

Auges, et multo clarius esse facis.

5 Multi Livoris dentem, noctemque, geluque,

Perfregit genij vis radiosa tui.

Aurum et opes fragiles, dant ultima vota Parentum:

Quas parit ingenium, non moriuntur opes:

Invidiaeque licet te carpat inutile virus:

10 Ipse tamen meriti nomine, tutus eris;

Laus igitur tibi justa datur, veroque Bonorum

Consensu, in seclum[4] fama superstes erit.

Autori, Amico Fautori

singul. honorando, amando, ad contestandam

opellam syncero nitore adponebat

JONAS BRINGANDER, LL. Stud.

22. Adr: Andreas Flojerus – Aut: Johannes Megalinus (cf. 20) H, [Tartu UB]

GRATULATIO

Illa dies albo rediit signanda lapillo, (11. Mart.)

Dum nix et nimbi, vel quicquid terruit urbem

Diffugiunt; Veris praenuncia sidera surgunt.

Ipse Aries etiam pedibus relevatur in altum,

5 Per quem Sol radians nunc ad sua culmina scandit

Atque decus sylvis reparat, pratisque nitorem.

Illa dies eadem nitido signanda lapillo, (11. Mart)

Candida FLOJERI qua Virtus surgit in altum,

Quae studuit seros hyberni ad luminis ignes.

10 Illa Gradum exoptat, Sophiae mox culmina scandit,

Phoebeaeque parat decus immortale coronae.

Nonne eadem merito candenti digna lapillo?

Gratulor inde tibi, Popularis Fautor amande;

Spiritus ingenij vernat tibi, vivida lima

15 Hoc probat, et thesium praesens systema tuarum,

Naturae culta dum monstras arte tenorem.

Docta PROFESSORUM gratatur turba; Lycei

Et Studiosa cohors votis vota addere pergit;

Sidere quo fausto, tua candida fama decorem

20 Suscipiat, roseis scandens super Astra quadrigis.

Synceri Amoris Ergo, currenti calamo

deproperabat

JOHANNES MEGALINVS.

23. Adr: Daniel Gruuf Nycopensis – Aut: Andreas Erici Windbergius (Disputationum physicarum decima de coelo; quam, /.../ in Regia Academia Gustaviana Adolphina, quae Dorpati /.../ est /.../ sub praesidio /.../ Johannis Erici Stregnensis, /.../ publico /.../ examini subjicit /.../ Daniel Gruuf Nycopensis, /.../ ad diem < > Aug. anni 1651. Dorpati Livonorum, 1651: J. Vogelius) SKB, [Tartu UB]

GRATULATIO

Praestantissimum et Doctissimum Juvenem

DN. DANIELEM DANIELIS GRUUF/ Nycopensem;

Sympatriotam et Amicum suum svavissimum;

Expansum coelum, dum scriptis rite reponis,

Mi DANIEL, cordis portio grata mei:

Ipse DEus studium probat hoc STREGNENSIS honorat

Praeses, Clarorum Candida stella Virum.

5 Hinc specimen Sophiae praeclarum pandis in Arte,

Ingenij monstras judiciumque tui.

Inde feres tandem foecundae praemia Lauri;

Atque tuas cingent florida serta comas.

Moris et amoris ergo paucis hisce perlubens

honorat

Andreas Erici Windbergius,

Telga-Sudermannus.

24. Adr: Maria Elisabeth Kling – Aut: Laurentius Ludenius (Ultimo honori /.../ puellulae Mariae Elisabethae Klingiae, /.../ Zachariae Laurentii Klingii, SS. Theol. doct. eximij, et a SS. Reg. Maj. per Livoniam constituti superintendentis /.../ et Regiae Gustavianae Adolphinae Academiae, quae Dorpati /.../ est /.../ procancellarij magnifici, et Supremi ibidem Consistorij praesidis, filiolae /.../ quaecum die 21. Maji anno 1651. Nycopiae nata esset, ejusdemque 27. renata; Dorpati Livonorum 6. Septemb. anno eodem /.../ denata; et die 9. mensis ejusdem Dorpati in templo D. Mariae /.../ terrae concredita est: scriptum a condolentibus. Dorpati Livonorum, 1651: J. Vogel) SKB (def), [Tartu UB]

EPICEDIUM

Evsebiae Doctor, Procancellarie KLINGI,

Et Superintendens Orbis, Et Vrbis Honor:

Sic cui Nycopia attribuit pia tempora vitae,

Dorpati in CHRISTO Filiola emoritur!

5 Vitae Oculus Matri, Patri unica Cura Verendo;

Quorum jam lacrymis non caruere genae.

Vix ingressa fuit praesentis limina vitae,

Ut vidit variis omnia plena malis;

Obstupuit gravium discrimine turbida rerum,

10 Atque tulit retro transitione pedem:

Quam dederas, pie CHRISTE, Animam, tibi reddidit: illa

In coelis tecum consociata viget.

Felix Nata; sacro Baptismatis amne renata,

Transigit aeternos absque labore dies.

Inter lac. scrib.

Laurentius Ludenius, Ph. et U. J. D.

Prof. Ord. et Regius Academiae Biblio-

thecarius.

25. Adr: Maria Elisabeth Kling – Aut: Erasmus Pegau (cf. 24)

SKB (def), [Tartu UB]

EPICEDIUM

O Venerande Pater, Doctorum fama Virorum,

Praeses, Judicij devenerande sacri;

<C>ur sic Filiolae cita fata doles gemebundus?

Te cur in lachrymas mors inopina trahit?

5 <...>rius[5] an citius mortem properemus ad unam,

Nil ea cura facit, quam bene cura! satis.

<...>o[6] citius, tanto melius; sic nempe malorum

Quicquid erat, subito transit in omne bonum.

Para…n.

Nenniskiones tijdh löper fast bortt/

10 Och åhr uthi sigh sielf ganska kortt;

Hwarföre åhr thet tillbörlighit/

Om Saligheet achta medh stoor Flijt.

Debitae condolentiae et observantiae impulsu

tactus haec deproperavi

Erasmus Pegau,

Proto-Synedrij Livonici Adsessor,

et Pastor Dorpat.

26. Adr: Maria Elisabeth Kling – Aut: Elaus N. Tollenius (cf. 24)

SKB (def), [Tartu UB]

EPICEDIUM

Aurea purpurei ceu rident lilia campi,

Effert dum volucres gurgite Phoebus equos;

Sic ego quamprimum prodivi lucis in auras

Pandi diffusas Sole oriente comas.

5 Occiduas vero cum festinaret ad undas

Hesperus et fusco roscidus iret equo;

Occubui telo funestae Mortis adempta,

Et clausi nitidas, Sole cadente, comas.

Sed ceu floriferi redeunt dum tempora Veris,

10 Ornatur roseis planta renata comis;

Sic cum summa dies componet tempora Mundi,

Et mea fulgebunt corpora luce nova.

Idcirco nolite pij me flere Parentes,

Invida vere retro stamina Clotho nequit.

15 Et mihi nil subiti nocet inclementia fati,

Dum vitam Coeli reddit in arce DEUS.

Ultimi honoris, debitaeque Condolentiae causa

pauca haec moestus deproperabat

Elaus N. Tollenius,

Diaconus et Con-Rector

Dorpat.

27. Adr: Maria Elisabeth Kling – Aut: Petri Joh. Berg (cf. 24)

SKB (def), [Tartu UB]

EPICEDIUM

Colloquium.

Moestissimae Matris, et pie Defunctae Filiolae.

M. Quo nunc tam subito te confers, chara MARIA

ELISABETH? rutili an te tenet aula Poli?

Filia, te solam, mea spes, mea vita, petesso;

Nunc desiderio plena fatisco tui.

5 Ipsa ego quicquid ero cineres interque favillas,

Haud unquam potero non memor esse tui.

F. O multum semper mea dilectissima Mater,

Linque tuas lacrymas! linque tuos gemitus!

Cur te sic torques? conceptum pone dolorem,

10 Non gemitus possunt me revocare gradu.

Illa quidem rapuit me Mors puerilibus Annis,

Sed Domino visum! sic Domino placuit.

Optatam ad requiem perveni munere vitae

Defuncta, ante Dei sto maneoque thronum.

15 Hisce Vale, Mater longum dulcissima vive,

Ad JESVM Dominum nunc ego pergo meum,

Nunc ego pergo; meum Corpus requiescit in urna

Extremae expectans classica laeta tubae.

Spiritus interea rutila laetatur in aula;

20 Mater amanda Vale! Mater amica Vale.

Maestissimis Dn. Parentibus haec aliquale

Doloris lenimen exarabat animus

calamusque

Petri Joh. Berg Nycopensis,

Sudermannia-Sveci.

28. Adr: Maria Elisabeth Kling – Aut: Daniel Gruuf Nycopensis (cf. 24)

SKB (def), [Tartu UB]

EPICEDIUM

Mors pia, quo ocijor, eo securior a tempestatibus soevientis

hujus aequoris mundani existit.

Miserandam praesentis vitae conditionem penitius si animo excusseri-

mus, eam nihil aliud esse; quam perpetuum salum deprehendemus;

in quo miseriarum decumanae procellae ad praecipitem interitum

adigere minantur omnes, sive navigantes, sive innatantes. Quamvis jam

interdum in ipso sint Alcedonia, tamen non sunt durabilia. Dum enim

minime suspicamur, dum adhuc pellacia Ponti ridet, en horrida subit tem-

pestas. Et in vita humana soepe

—————— medio de fonte leporum

Surgit amari aliquid.

Felicem ergo illum, et terque quaterque beatum, cui ex vadosa hujus mundi

Charybdi, felicis aeternitatis portum attingere contigit. Ibi enim positus

est extra aleae jactum in pace; extra turbas in tranquillitate; extra miseri-

am in beatitudine. Et ne longius abeamus, felix nimiumque beata est, Sci-

tissima ac Tenerrima Puellula MARIA ELISABETHA KLINGIA,

cujus Exequiis hodierna pie dicata solemnitas. Quae cum tenerrima et sci-

tissima nata esset filiola Admodum Reverendi, Praeclariss. deque Ecclesia

CHRISTI optime meriti VIRI Dn. ZACHARIAE LAURENTII KLINGII,

SS. Th. D. eximij, a SS. Reg. Maj. per Livoniam constituti Superintenden-

tis Dignissimi, Regiaeque GUSTAVIanae ADOLPHInae Academiae, quae

Dorpati Livonorum est, Pro-Cancellarij Magnifici, etc. mox ex Aqua et

Spiritu Sancto, juxta Voluntatem Christi Renata est. Et cum CHRISTO esset

charissima, in primo statim vitae limine, superatis omnium adversitatum

tempestatibus, nunc in tranquillo beatitudinis sinu quiescit. Durum, me

Hercles, et asperum vulnus mox sub ingressum hujus provinciae Praecla-

rissimis Dnn. Parentibus inflictum, quod eorum deliciae, tam cito ad fata-

lem metam devenerint, et ultimum vitae actum expleverint! Sed quid: Gly-

cyrrhiza medetur tussi; Consolatio, animae. Profectum ab eo, cujus in ma-

nu et sortes nostrae, et vita morsque positae sunt. Summo rerum humana-

rum dispensatori non placuit diuturniorem vigorem stationemque Parvulae

huic filiolae impartiri. Placita enim erat ipsi anima ejus, propter hoc properavit edu-

cere illam de medio iniquitatum, ne malitia mutaret intellectum ejus, aut

ne fictio deciperet animam illius. Erigite ergo animum, et fortibus sola-

tiis lenite aegritudinem, cum non deceat infirmo desiderio et intempestivis

lamentis lugere ademptam. Non amissa, sed praemissa! Dies mane oritur,

moritur in nocte, et iterum resurgit in mane! Triticum terrae visceribus

concreditum reviviscit in germine, pubescit in herba, juvenescit in caule,

maturescit in fruge, et ad pristinam suam formam et speciem resurgit. Et

haec aliquando ad vocem Archangeli et tubae Dei excitata prodibit. Do-

loris ergo acerbitatem lenite, et pie Defunctae somnio favete. Tu vero

beatissima Anima, quae in mortalis hujus vitae stadio, Navigationis tuae por-

tum attigisti, et CHRISTO sponso tuo conjuncta es, Salve, et beatitudine

tua caelesti aeternum perfruere.

Praesens quam vita caduca!

Hominum quam gloria vana!

45 Nam cum quis vivere coepit,

Subita tumulabitur urna.

Lacrymis sub luminis auras

Primum, vah! nascimur omnes,

Lacrymis quoque vivimus udis;

50 Morimur lacrymisque profusis.

Messoris falce resecta

Pereunt ceu lilia campi

Cum Sol declinat Olympo

Salsisque immergitur undis.

55 Mortali semine nati

Pariter puerilibus annis

Pereunt; dulcissima vitae

Resecant ubi fila Sorores.

Corpus sub mole sepulchri

60 Positum per fata quiescit,

Pia donec buccina CHRISTI

Supera de nube Sonabit.

Sed Spiritus incolit arcem

Coeli, lue liber ab omni,

65 Sanctis sociatus Amice

Dum Coelum sydera pascet.

Supremum humanitatis officium pie defunctae

Praeclariss. Dnn. Parentum Filiolae

non sine lacrymis persolvit

Daniël Gruuf Nycopensis,

Sudermannia-Svecus.

29. Adr: Maria Elisabeth Kling – Aut: Josias Josephi Fougdonius (cf. 24)

SKB (def), [Tartu UB]

EPICEDIUM

Prosopopoeia Defunctae.

Ut veniente die floret Narcissus in agris,

Atque cadente die, falce resectus abit:

Sic ego blandidulus primis infantulus Annis

In primo aetatis flore resectus eo!

5 Longius et sperans me vivere posse, repente

Nunc jaceo in tetrica putre cadaver humo.

Discite Mortales fragilem contemnere vitam,

Atque pia vita quaerite regna Poli.

Discite quam nostrae fallax sit portio vitae,

10 Nam qui mane viret, vespere langvet homo.

Epigramma.

Plorabam cum natus eram, fuit ergo Voluptas

Nulla mihi nasci; cur doleo ergo mori.

Debitae observantiae et Christianae

condolentiae causa ap-

posuit

Josias Josephi Fougdonius,

Stregnesio-Svecus.

30. Adr: Maria Elisabeth Kling – Aut: Olaus Sunonis Dalinus (cf. 24)

SKB (def), [Tartu UB]

EPICEDIUM

Quid fossis arces, celsis quid moenibus urbes?

Quid multo villas numerosas aggere cingis?

Es propriis etenim peregrinus in aedibus hospes.

Exemplum sistit nobis scita haecce puella,

5 Quam subitae ante diem torserunt spicula mortis!

Jam vero in coelo, ceu laeti primula veris,

Floret, et in Christo nitidissima gaudia gaudet.

Ergo sit hinc planctus modicus, modica atque querela;

Marmorea placide jam dormit corpus in urna,

10 Judicis extremi donec pervenerit hora.

Pauca haecce condol. Ergo app.

Olaus Sunonis Dalinus,

Vest-Gothia Svecus.

31. Adr: Gudmundus Lidenius – Aut: Petrus Lindenius (Disputatio physica de forma; quam /.../ in Regia Academia Gustaviana Adolphina, quae Dorpati /.../ est /.../ sub praesidio /.../ Johannis Erici Stregnensis, /.../ pro summo gradu philosophico consequendo, publicae disquisitioni submittit Gudmundus Lidenius, /.../ ad diem 8. Octob. 1651. /.../. Dorpati Livonorum, <1651>: J. Vogelius) H, [Tartu UB]

GRATULATIO

Juveni, eruditione et morum humanitate

Praestantissimo,

Dn. GUDMUNDO SVENON. LIDENIO,

Smolando, Philosoph. Candidato pro gradu Magisterij

erudite disputanti:

Ne mulum, dicat, mulum scabere, invida turba,

Non laudo ingenium, Frater amande, tuum.

De Te Frater mihi, sed gratulor, optoque Jovae

laudi, ut conamen serviat, omne tuum!

5 Gaudio et hinc Nostris! charae Patriae emolumento!

atque tibi tandem, perpetuo decori!

Paucis hisce, occupationum tricis impli-

catus, Fratri meo germano, cordici-

tus dilecto applaudebam

Petrus Lidenius, Philos. M.

in Academia GUSTAVIana Log.

et Eth. Profess. Publ.

32. Adr: Gudmundus Lidenius – Aut: Johannes Megalinus (cf. 31) H, [Tartu UB]

GRATULATIO

Ad Fratris Clari gressum vestigia formans

LIDENI, Patriae dulcis alumne tuae.

Fraternum pariter quoque nunc imitaris honorem:

Formoso dignum carmine pandis opus.

5 Dum te de Formis Naturae arcana loquentem

Celsae Academiae Dorptica Rostra probant.

Informes Formans animos; Formosus ab alto

Christus erit studij candida Norma tui.

Hic tibi Formosum Formet firmetque decorem:

10 Firmaque sis docti Forma venusta Viri.

Populari suo dilectissimo gratulabundus accinit

ex AMORE

ORE

Joh. Megalinus.

33. Adr: Andreas Erici Lilonius – Aut: Daniel Gruuf Nycopensis (Uplandiae elogia: quae, /.../ in Regia Gustaviana Adolphina Academia, quae Dorpati /.../ est /.../ oratione solenni, die 21. Decembris, anno 1650. publice, /.../ enarrabat Andreas Erici Lilonius, /.../. Dorpati Livonorum, <1651>: J. Vogelius) (cf. 57)

SKB, UUB, Lund UB, H, [Tartu UB]

GRATULATIO

Humanissimo et Doctissimo

DN. PERORANTI.

ANDREAS ERICI LILONIVS.

kat' ¢n£gr.

I! IN ILLIS VERA DECORANS.

ANDREA, Clariae Sophiae Eusebiaeque Satelles,

L aurigeri vigilans et Heliconis Amor.

N unc tibi quid voveam? tibi quae nunc carmina fundam?

I ngenio docto quae bona verba precer?

5 D um natale solum meritis nunc laudibus ornas,

L ucem natalem quod tibi habere dedit;

R ectius haud unquam poteras tractasse Liloni,

O mni dum studio rura Paterna notas?

E logiis veris DECORANS Uplandica rura

10 N unc I! perfelix in pietate tua.

A urea difficili residens in vertice virtus

I lla tuis studiis digna brabe…a dabit.

S vavis ut Patriae fueris, bene charus Amicis,

US que inclarescet Nomen in orbe tuum.

Haec tibi, Liloni, nunc Moris, Amoris, Honoris

Dorpati Levonum signa Minerva dabat.

DANIELIS Gruuff / Nycopensis

Suderm. SS. Theol. Stud.

34. Adr: Louisa Charlotte – Aut: Arnoldus Mahlstede (Disputatio theologica anniversaria in Psalmum quintum Davidis selectissimas notas exhibens, publicae censurae subjicietur in Regia Academia Dorpatensi, praeside Andrea Virginio, /.../ respondente Arnoldo Mahlstedt, /.../ d. < > /…/. Dorpati Livonorum, 1651: J. Vogelius) (cf. 35-36) H, [Tartu UB]

DEDICATIO

Illustrissimae et Celsissimae Principi

ac Dominae,

DN. LOYSAE CHARLOTTAE,

Natae et Electorali Stirpe Marchionum Bran-

denburgiae, Borussiae, Juliae, Cliviae ac Montium; Stetini, Pome-

raniae, Cassubiorum, et Wandalorum; nec non Crossiae et

Jaegerndorfiae in Silesia, etc. Ducissae Livoniae, Cur-

landiae et Semgalliae,

Dominae ac Principi suae Clementissimae,

Vitam, Incolumitatem et Felicitatem

P.P.

Marchiacis Dea nata Diis, Celsissima Princeps;

Gloria Pieridum; Deliciumque meum:

Egregiis meritis tua constat fama per orbem:

Et celebrant Gentes Nomen ubique tuum.

5 Commoda Mercurij soboli fers jugiter omni,

Surgit et hinc toto Nomen in orbe tuum.

His ego permotus tibi nuncupo Scripta Sacrata,

Quae tenuis potuit nunc mea Musa dare,

Suscipe fronte bona: Felix quoque vive, diuque.

10 Conatum Musae tuque foveto meae.

Quod in felicissimum Anni Novi 1651.

Auspicium, et Gratiosae promotio-

nis spem,

Humilime dedicat et offert

Arnoldus Mahlstede /

Respondens.

35. Adr: Arnoldus Mahlsted – Aut: Georg Wittingius (cf. 34) H, [Tartu UB]

GRATULATIO

Honori et Amori Literatissimi

Dn. Respondentis.

Nectere ludenti gratantia Carmina versu

Si possem, et doctis Verba ligare modis;

Tunc tibi, Paeonij MAHLSTEDI fontis Alumne,

Ingenio prompto Metra cupita darem:

5 Pectore dum laeto sanctissima Biblia volvis

In pulchris studiis fertile pectus alens.

Sed quia Piërides me non fecere Poëtam,

Nec de Castalio fonte Poëta bibi,

Pro versu idcirco votum nunc corde reponam;

10 Sinceri Votum pectoris accipies.

Invigilare Sacris, MAHLSTEDI, perge Camoenis,

Sic tibi vera salus, sic tibi Nomen erit.

In terris tibi Nomen erit, sed gloria coelis.

Semper ubi aetherea sede superstes ovas.

Crena volanti has lineas duxit

GEORGIUS WITTINGIUS, Goldinga-

Curlandus, SS. Theol. Studiosus.

36. Adr: Arnoldus Mahlsted – Aut: Johannes Megalinus (cf. 34) H, [Tartu UB]

GRATULATIO

ARONIS veluti florida virgula,

Quae quondam, mediis Sacris

Pernoctans, dederat dulcia praemia:

Sic faelix Juvenis pius,

5 Qui libat Domino tempora florida

Ac sanctis studiis dies

Et noctes gelidas pectore transigit

Laeto, nec timet improbos

Hostes, insidias; aut rabiem Noti,

10 Quod pulchre monet Entheo

Psaltes hic placido a Numine percitus.

Haec dum nunc meditaberis

Quam faelix fueris quam sapiens quoque

O MAHLSTEDIADES nitens

15 ARONIS veluti florida virgula!

Fortunet DEUS arduum

Hoc, et plura dabit prospera singula

ARON MAHLSTEDIUS bonam

Sic metam feriat pectore comprecor

20 Et laetus vireat diu.

Sic permagna feret praemia candidus

Pertractans sacra, splendicans

ARONIS veluti florida virgula!

Haec pauca Amico suo svavissimo gratulabundus

apposuit

JOHANNES MEGALINUS.

37. Adr: Andreas A. Malmenius – Aut: Daniel Gruuf Nycopensis (Disputatio philosophica de philosophia in genere; quam /.../ in Regia Academia Gustaviana, quae Dorpati /.../ est /.../ sub praesidio /.../ Johannis Erici Stregnensis, /.../ pro summo in philosophia gradu, /.../ censurae committit Andreas A. Malmenius, /.../ ad diem 27. Junij 1651. /.../. Dorpati Livonorum, <1651>: J. Vogelius)

SKB, UUB, H, [Tartu UB]

GRATULATIO

ANDREAS MALMENIUS:

Per Anagr. duplex

1. LUMEN AMES RADIANS,

2. ADAMANS LUMEN ERIS.

Gemmula Piëridum, MALMENI Sympatriota,

Ingenij laudem quaerere rite clues.

Intrepidus Cathedram conscendes omine fausto,

Docta defendens dexteritate Theses.

5 Macte tuis studiis! Tandem potieris honore,

Quem petis, et clarum Nomen Apollo dabit.

LUMEN AMES vitae his RADIANS, Popularis amande,

Sic ADAMANS nostrae LUMEN ERIS Patriae.

Haecce vovet charo Patriotae Musa canendo

Dorpati Levonum Danielis Gruuf Nycopensis.

38. Adr: Andreas A. Malmenius – Aut: Zacharias Kling (Sacris magisterii honoribus: quos, /.../ decanus facultatis philosophicae /.../ Johannes Erici Stregnensis, philosophiae professor ordinar. et juris extra-ordinar. ut et Supremi Regij Judicij, quod est in Livonia, assessor, in Regia Gustaviana Adolphina Academia, quae Dorpati /.../ est /.../ die 16. Octobris, anno 1651. publice /.../ conferebat /.../ Andreae A. Malmenio, Sudermannia-Sveco: quaevis fausta precantur Musae Embecciades. Dorpati Livonorum, <1651>: J. Vogelius) SKB, UUB, H, [Tartu UB]

GRATULATIO

Praestantissime Dn. MALMENI,

Amice honorande,

Ex quo in notitiam meam pervenisti, quae maximope-

re in Te commendo, duo cumprimis non sine summa

animi loeticia animadverti. Ex quibus singularis et

rara illa Eruditio tua familiam ducit, cujus egregium

toties in Academia GUSTAVIana Specimen Te dedisse observavi,

ut vices alias mille praeteream, quoties PHILOSOPHIAE CANDI-

DATOS, aliosve eximios ejus Cultores ex Cathedra publice di-

sputantes audivi; ut, qui accuratam et exquisitam disserendi ra-

tionem in Te desiderat, non illum veram Logicam, sed vix ejus

skleton, seu umbram tenere, citra omnem controversiam asse-

verare non dubitem; vel ex mera invidia, aut fastuosae filaut…aj

praesumptione omne illud despicere et vituperare, quod asse-

qui ipse nequit. Quemadmodum etiam Principia rerum, earumque

affectiones et quaecunque praeterea Amplissima Philosophia complecti-

tur, ad ungvem calles, res ipsa tam evidenter loquitur, ut meis

opus non sit verbis. Unde Veneranda Facultas Philosophica, sum-

mos illos, quos PHILOSOPHIAE CANDIDATIS conferre solet HO-

NORES Tibi propediem meritissimo consecrat. Alterum, quod

commendatione dignissimum judico, est pulcherrima illa Mo-

rum concinnitas, qua elegantissime es exornatus: Praeterquam

enim quod PIETATIS sis totus, Superiores reverentia, pares hono-

re, Inferiores autem singulari quadam humanitate ita comple-

cteris, ut omnes in tui et admirationem et amorem allicias atque

trahas. Et hoc est, quod ille ait:

——————— Didicisse fideliter ARTES,

Emollit mores, nec sinit esse feros.

Gratulor proinde Tibi Praestantissime Dn. Candidate de donis

tam eximiis et praeclaris! Gratulor PATRIAE nostrae Charissimae

et quidem inprimis Inclutae Dioecesi STREGNENSI, quod Te Virum

Literatissimum simul et Politissimum in sinum suum recipiat!

Et certe aeqvum est, illam ipsam jucundissimos Studiorum tuo-

rum fructus ferre, in cujus Florentissimo Gymnasio omnis Eru-

ditionis tuae prima fundamenta haud infeliciter posuisti! Ut

LABORES et HONORES tui in Divini Nominis gloriam, Reipubli-

cae Literariae Salutem, inque tuum, tuorumque emolumentum

unice vergant, Velit Misericors noster Deus, in Secula laudan-

dus! Cujus BENEDICTIONI quam fidelissime Te commendo,

Vale! Dorpati, VII. Id. Octobr. An. M DC LI.

Eximiae T^aePraest.^iae

addictissimus

Zacharias Klingius, SS. Theol. D.

per Livon. Superint. Acad. Dorpat. Vice-

Cancell. et Proto-Syn. Praeses.

39. Adr: Andreas A. Malmenius – Aut: Sebastianus Wirdig (cf. 38) SKB, [Tartu UB]

GRATULATIO

Nempe Magisterij quod Clarus honore superbis,

Hoc labor et studia hoc promeruere Tua.

Gratulor hisce TIBI! crescat TVA Fama quotannis!

Crescat, Amice, TVA hinc Gloria! crescat honor!

Sebastianus Wirdig/ Med. D.

et Profess. Publ. Academ. p.t.

RECTOR.

40. Adr: Andreas A. Malmenius – Aut: Andreas Virginius (cf. 38) SKB, [Tartu UB]

GRATULATIO

En, quae virtuti non ullo tempore desunt,

Jam tu, MALMENI, praemia digna capis,

Et merito! Quis enim Musas Sectetur et artes,

Virtutis studium ni comitetur honos?

5 En meritos igitur felici sidere honores,

Addit Apollo tibi, pervigil atque labor.

Quod superest, quaecunque dedit tibi dextra benigna

Numinis, haec eadem servet, et aucta velit.

Honoris et benevolentiae ergo apposuit

Andreas Virginius SS. Theol. D.

et Profess. primar.

41. Adr: Andreas A. Malmenius – Aut: Laurentius Ludenius (cf. 38)

SKB, [Tartu UB]

GRATULATIO

M. ANDREAS MALMENIVS:

Per Anagr.

DA, RE SIM LVMEN AMANS.

Luce Magisterij, veneranda Clarus et Arte;

DA Deus, ut RE SIM divite, LUMEN AMANS!

Quod animitus prec.

Laurentius Ludenius, Ph. et U.J.D.

Prof. Ord. et Reg. Acad. Bibliothecarius.

42. Adr: Andreas A. Malmenius – Aut: Petrus Caroli Undenius (cf. 38)

SKB, [Tartu UB]

GRATULATIO

Gaude e corde pie; donat tibi munera Phoebus,

Contextam Laurum signa Magisterij.

Applaudunt Musae! pars plurima carmina dicit!

Res ut pro voto nunc eat, ipse precor.

5 Interea expectant reditum Charites, cupiuntque

Accipias studiis praemia digna tuis.

Praestantiss. Dn. Andreae Malmenio, infucatae amicitiae ergo,

et in fraterna recordationis tekm»rion, paucula

haecce lubens reliquit

M. Petrus Caroli Undenius,

Pastor Turmae pedestris Carelianae.

43. Adr: Andreas A. Malmenius – Aut: Andreas Koßkull (cf. 38) SKB, [Tartu UB]

GRATULATIO

Perlustrant alij mundum per Saxa per ignes;

Et plenum tolerant asperitatis iter;

Ut pascant variis (sat laute) rebus ocellos,

Illis quas offert semita longa viae:

5 Transcendunt alij Neptuni Regna tremenda,

Aeolus et duro suscipit hospitio;

Vt bona corradant; fiat per fasque nefasque;

Postea quae perdant filius atque Nepos.

Sunt quos delectat Bellonae victima: Jani

10 Et quibus est cordi semper aperta domus.

Sed tibi MALMENI, sunt haec, ut Nausea, cuncta;

Delectent alios; vana, profana putas.

Te juvat in docili Musas coluisse juventa,

Pegasidumque libris implicuisse manus:

15 Deliciumque tuum, discursus dulcis in Arte;

Rectum construere, et destruere inde strophas.

Hinc te quae maneant, novisti, praemia pulcra;

Quae conferre solet docta corona Virum.

Gratulor ergo tibi, quod tu, doctissime Amice,

20 Dulce Magisterij concipis inde decus.

Perge pie: sic te multo majora sequentur,

Quae placide tollent nomen ad astra tuum.

Ita Affectum declarare voluit

Andreas Koßkull.

44. Adr: Andreas A. Malmenius – Aut: Gustav Koßkull (cf. 38) SKB, [Tartu UB]

GRATULATIO

MALMENI, ex animo meritos tibi grator honores:

Eveniant coeptis commoda cuncta tuis.

Festinanti calamo, Amico suo gratulari

voluit

Gustavus Koßkull /

Nob. Svec.

45. Adr: Andreas A. Malmenius – Aut: Daniel Mårgonstiärna (cf. 37)

SKB, [Tartu UB]

GRATULATIO

Magna Mavortis juvenum caterva

Certat in bello sine fine telis,

Ensibus strictis: pugil atque pugnat

Tempore belli.

5 Strenuus Miles patriam tuetur:

Fortiter pugnans varie beatur,

Cumque fit praestans Equitum Magister,

Nobilitatur.

Sicque, Malmeni, patriota dulcis,

10 Rite certasti: Charites Magistrum

Te creant; dicunt meruisse docta

Pallados arte.

Namque constabat; Juveni polito

Hanc in haud molli Sophiam jacere

15 Lectulo; Verum Sophiam manere

Artis amantem.

Clare Malmeni, tibi nunc honores

Conferunt dignos Sophiae Sorores.

Laetor, et quantum valeo precabor,

20 Sint tibi fausti.

Et precor posthac bene; tuque vivas

Lauriger felix; valeasque sospes,

Atque sis prosper veniens in aevum,

Clare Magister.

Uti moris, ita honoris ergo, haec apponere

voluit

Daniel Mårgonstiärna /

Nob. Svecus.

46. Adr: Andreas A. Malmenius – Aut: Petrus J. Berger (cf. 38) SKB, [Tartu UB]

GRATULATIO

Te ne poeniteat MALMENI dulcis Amice,

Angustum pedibus gressum trivisse Minervae,

Neve diu Clarias coluisse hic gnaviter artes.

Nam titulos veros, qui dignus honore Magistri,

5 Deportas; nunc inde graves tibi dantur honores;

Praemia virtutum qui dulcia sunt ut et ampla.

Gratulor inde Tibi tantos de pectore honores;

Det Deus Omnipotens, qui fons et origo bonorum,

Ut pius, incolumis, tanto splendore fruaris.

10 Theulogiaeque decus valeas adjungere semper.

Sic Populari atque Amico suo longe dilecto

comprecatur

Petrus J. Berger /

Nycop. SS. Th. Stud.

47. Adr: Andreas A. Malmenius – Aut: Andreas Hellenius (cf. 38) SKB, [Tartu UB]

GRATULATIO

Ite nunc Musae, cito Convenite

Nunc tubis cantateque vos honoris:

Nuncque clamate o Charites beatae

Carpite flores.

5 Ferte nunc laurum meritam labore,

Ferte nunc Sertum Capiti decorum,

Quod labor multus potuit mereri,

Praeside Christo.

Sit Magistralis tibi faustus hicce

10 Semper Ornatus, decus usque crescat,

Prospere vivas Pyleique in annos

Clarus honore.

Ita animitus gratulari voluit

animus et Calamus

Andreae Hellenij,

Arosia Westmann.

48. Adr: Andreas A. Malmenius – Aut: Andreas Windbergius (cf. 38)

SKB, [Tartu UB]

GRATULATIO

Est merito felix, est dextro sidere natus;

Qui Virtute decus, qui simul Arte, parat.

Musa Juventutem fovet, aegram Musa senectam,

Et Canam aspergit laudis honore Comam.

5 Ingenij illustrat decus et praeclara peracta,

Ut nequeant stygias facta subire rates.

Ergo felicem quis te neget atque beatum,

MALMENI, Aonij gloria pulcra Chori.

Dum tua te Virtus juvat, exornatque beate;

10 Atque tuum Lauro cingit Apollo caput.

Applaudit populus, dulci modulamine Musae

Coelituum Regi Vota precesque Litant.

Perge bonis avibus, spirans virtutis ad arcem;

I, tibi qua pietas inclyta monstrat iter.

15 Sic tua sublimem vivens pulsabit Olympum

Gloria, Lethaeam non aditura ratem.

Honoris et syncerae amicitiae testificandae gratia,

ita ex animo gratulabatur

Andreas Windbergius,

Telga-Sudermannus.

49. Adr: Andreas A. Malmenius – Aut: Daniel Gruuf Nycopensis (cf. 38)

SKB, [Tartu UB]

GRATULATIO

Explorant adversa viros, perque aspera duro

Nititur ad laudem Virtus interrita clivo.

Via, ad peramoena Musarum roseta, cum non sit Regia et plana, sed

angusta, aspera, multisque praegrandibus obsita dumis; ingentem sane et

vere Herculeum laborem (fateamur necessum est) illis esse devorandum,

qui eo aspirant, Sophiaeque laude inclarescere volunt. Non Hercle verbis

exprimi potest tantum, quod in studiis est incommodum. Uti nescit, quid

mali praeterierit, qui nunquam mare ingressus rapidis commisit carbasa Ven-

tis; ita ars non habet osorem nisi ignorantem. Is enim, cui virtutem sequi

ductricem mens est; Murciam et Vacunam spernens, in utramvis au-

rem non dormiet; nec palmari stomacho velificans, cibariis opipare instru-

ctis, saccaroque et Embammate incrustatis sese infarciri, vinoque ad ambas usque

aures ingurgitari sinet. Non oblectaverit se in amoenis rosariis, nec sede-

rit in culcitra plumea; sed multis magnisque laboribus se frangere, sudoribus

enervare, et concatenatis curis emacerare necessum habuerit, juxta illud

Horatij,

Multa tulit fecitque puer, sudavit et alsit,

Abstinuit Venere et Baccho etc.

Virgil. de Nam via Virtutis dextrum petit ardua callem,

litera Y. Difficilemque aditum primum spectantibus offert.

Hinc si Augusta velis, quaeras angusta necessum est;

Armat spina rosas, mella tuetur apes.

Nucleus in duro servatur cortice dulcis,

Corticulam frangat, qui cupit esse nucem.

Ne autem animum despondeamus, quod tantis difficultatibus clara illa Vir-

tutis et Eruditionis possessio comparatur; optimo jure pia Patrum sanxit

Antiquitas, precium fideliter strenueque in castris Musarum militanti tribu-

endo, ut tam dignitas ejus clarius elucesceret, quam mortalium animi, alias

ad ignaviam et Voluptatem proni, a vitiis retraherentur; et spe amplissimi

hujus praemij allecti ad virtutem, eruditionemque sedulo sectandam incende-

rentur: Non aliter ac priscis temporibus Romani militibus, strenuam in

bello operam navantibus pro exantlatis laboribus dona militaria dare soliti

sunt. Hinc, Praestantissime Dn. MALMENI; Te ab ipsis incu-

nabulis Gratias literis initiasse non temere ominor; sedulam bonis literis na-

vasti operam, ut nunc humi repere, aut per dumeta et spineta amplius reptare

non necessum habeas; sed fortiori alarum remigio ad altiora te elevare queas.

Pieridum sacraria, et sapientum placita diligenti rationis indagine rima-

tus, inertiae illecebris inescari te non passus es.

Nunc cape multijugo meritum sudore brabe‹on.

Vicisti Draconis, hortos Adonidum custodientis, vigilias; Tauros aeneos

ad aureum vellus vigilantes superasti; Hi licet indefessa et invariabili

oculorum acie ad fores vigiles agerent excubias, ne quisquam involaret au-

reaque surriperet poma; ea tamen Tu, ut virtutis praemium et insignia victo-

riae nunc sedula reportasti manu. Parata tibi nunc Corona laurea, titulusque

Magisterij honorificus. De quo cordicitus tibi gratulor, precorque ut vergat

haec laudis adorea in Dei ter Opt. Max. aeviternam laudem; in militantis,

sub extrema Mundi canitie, seraque Vespera, Ecclesiae exaedificationem; In-

clytae hujus Regiae Academiae honorem; tibique, Novelle Dn. Magister, in

sempiternum commodum. Et quia Patrios tibi proposuisti invisere Lares,

suscipiendo tuo itineri quaevis prospera precor. Te Angelus excubitor Raphaėl,

sociusque Tobiae; incolumem ad Patrium ducat solum. Iter sit faustum, ti-

bique commoda larga eveniant. Sic amore, more, ore, re, Dorpati Livono-

rum precatur Die 14. Octobris,

ANNO

ANDREA, DORPTAE, VIrtVtIs serta CapessIs;

55 O faVstVs gesta! VIVe VIreqVe DIV.[7]

Melpomene	Mea	Musa	Melos	Modulabere	Mota;
Accipit	Andreas	Ab	Apollinis	Acer	Amore
Munera;	Musa	Melos	Modulabere;	Mota	Moveto:
Sit	Salvus,	Stabilis,	Sincerus!	SVECIA	Salve.

Tuus sincerus et perpetuus

Amicus et Sympatriota

Daniel Gruuf Nycopensis,

Sudermannia-Svecus.

50. Adr: Andreas A. Malmenius – Aut: Josias Josephi Fougdonius (cf. 38)

SKB, [Tartu UB]

GRATULATIO

Sic Sophiae docto veneranda scientia pulchre

Infixa est Cerebro? Multo Conamine eandem,

MALMENI, refoves: hinc diceris esse Magister,

Ut meruit virtus. Sunt praemia digna labore.

5 Vive igitur felix, et Claro nomine gaude:

Hoc precor ac opto; votis Deus annuat ipsis.

Ita gratulatur

Josias Josephi Fougdonius.

51. Adr: Andreas A. Malmenius – Aut: Johannes Megalinus (cf. 38)

SKB, [Tartu UB]

GRATULATIO

Magister Andreas Malmenius Sudermannia Svecus:

¢nagram. s in i con.

Jamne ter reddas signa Annuli vera? Summas; en Musica![8]

Annulus Pyrrhi est celebris Manarchae,

Qui novem Musas referebat ultro

Inter has ludens medio sedebat

agmine Phoebus.

Alex. ab Alex. l. 2. c 1. Cardans.

Subt. 7. Plin. Hist. Nat. l. 17. c. 1. De miro Achate nativo Musas et Phoebum repraesentante.

5 Splendidum est hoc: sed magis o Metallum

Jam tuum longe nitet arte clara,

Docte MALMENI, studiis probate

Clare Magister.

Jamne ter reddes pariterque Signa

10 Annuli vera? Est data Mitra: Sumas

Annulum; Claro es nitidus decore,

Comptus Honore.

Prima dum celsum en, Adytum revisis

Signa monstrasti melioris artis

15 Disputas docte referens Secunda,

Tertia Cursu.

TER SIGNA NUPER DEDIT.

1. Examine,

2. Disputatione,

3. Lect. Curs.

En Viro laudes celebres sonate

Voce mellita, nitidae Sorores;

Culta facundum resonare pergas

20 Musica Carmen.

Ita gratulatur

Johannes Megalinus.

52. Adr: Andreas A. Malmenius – Aut: Benedictus Nicolai (cf. 38) SKB, [Tartu UB]

GRATULATIO

Egregium titulum sequeris, praeclare Magister!

Accidit haud multis, ni pia Musa regat.

Paucos Musa beat. Contingit adire Corinthum

Perpaucis etiam, ni bene Phoebus amet.

5 Phoebus amat studiis qui nocte dieque laborant,

Quique sacras Musas concupiere sequi.

Hinc pauci tali possunt cognomine dici;

Aoniis Musis digne Magister Ave!

Tu, pie MALMENI, remoras superaveris omnes,

10 Vsque favent Musae, clarus Apollo favet.

Hinc merito a doctis diceris, Clare Magister:

Quo titulo dignum Gloria ad astra vehet.

Cunctipotens faveat coeptis, tibi sitque benignus;

Semper et eveniant dexteriora bona.

Honoris et amoris causa, apposuit

Benedictus Nicolai,

Nericia Svecus.

53. Adr: Andreas A. Malmenius – Aut: Olaus Sunonis Dalinus (cf. 38)

SKB, [Tartu UB]

GRATULATIO

ANDREAS MALMENIVS:

'AnagrammatizÒmenoj,

EMANVEL DANS MIRAS.

A onidum coetus turritae moenia Dorptae

M irantur, quare et causa subesse potest:

N ubila namque inibi crescendo petentia celsa

A c docta et vigili Pallados arte bona.

5 D elius hinc texit facili sub pollice serta

L aurea, quae meritis digna gerenda viris:

R eddit sic merito tibi munera digna labore,

M almeni, docto connumerande choro.

E MANVEL justus DANS omnia pectore justo,

10 E n honor inque foro, Pieridumque choro!

A h dicam MIRAS tibi in omni tempore laudes

N actus quod titulus dicitur hincce novus.

S it faustum pelago, quod iter susceperis, opto,

I n portum placidum cymbula teque vehat,

15 A. rmis sic claram poteris tu invisere Gentem,

VS que Vale Dico. Candide Fautor, Ave.

Chronodistichon annum exhibens una cum voto.

I faVstIs aVIbVs, nostrI haVD pars InfIMa CoetVs,

En tV honor InsIgnIs sIs PatrIaeqVe tVae.[9]

Honoris, amoris, moris et fausti ominis E. ita lubenti animo

ac calamo accinere debuit ac voluit

Olaus Sunonis Dalinus,

W-Gothia Svecus.

54. Adr: Andreas A. Malmenius – Aut: Olaus N. Oestenius (cf. 38) SKB, [Tartu UB]

GRATULATIO

ACROSTICHIS

In Sacris Magisterij honores

M. ANDREAE MALMENII.

Moribus insignis, Sophiaeque decore Polite

M ALMENI, Clarij portio pulchra Chori.

A onias vigili coluisti pectore Musas,

A urea te virtus concomitata fuit.

5 N unc igitur virtutis praemia pulcra capescis,

L aurus dum cingit fronde virente caput.

D ante Deo, largo Stregnesia faenore solvet

Mercedem, felix cum Patriae Hospes eris.

R ite docentem te reddet nunc Dorptica Musa,

10 E xcipient sacrae te Sophiaeque Scholae.

E rgo bonis avibus, Musarum fervide Cultor,

N unc statuis Patrios Hospes adire Lares.

A h Deus, incolumen navem, ventumque secundum

I mmittas pelago, prospera cuncta cadant!

15 S ic per Castalias doctum caput exeris artes,

US que et pro meritis culta brabeia feres.

Quam Fautori suo gratulabundus reliquit

Olaus N. Oestenius.

55. Adr: Daniel Olai Mårgonstiärna – Aut: Daniel Gruuf Nycopensis (Sveciae elogia: quae, /.../ in Regia Gustaviana Adolphina Academia, quae Dorpati /.../ est /.../ oratione solenni, die 20. Decembris, anno 1651. publice /.../ enarrabat Daniel Olai Mårgonstiärna, /.../. Dorpati Livonorum, 1651: J. Vogelius)

SKB, UUB, H, [Tartu UB]

GRATULATIO

NOBILISSIMO ET PRAESTANTISSIMO

DN. PERORANTI.

Amico et Populari suo sincere dilecto.

D ante Deo, SVECIAM verbis dum jugiter ornas,

O DANIEL, nostri portio pulcra Chori,

A ppositis metris, mentis penetralibus imis

L aetor; et hisce tibi prospera cuncta precor:

5 N estoreos vivas annos Pietatis amore,

A c pulcris studiis fertile pectus alas.

I psa tibi dulcis rata praemia SVECIA spondet,

I ndolis egregium dum bene pandis opus.

E t cinctae surgunt Musae Parnasside Lauro,

10 U na quae mecum voce precantur idem.

L audibus hinc SVECIAM coeptis extollere pergas,

M årgonstärniadum laus eris. Hisce VALE.

Ita animitus gratulatur

DANIEL Gruuff / Nycopensis;

Sudermannia-Svecus.

56. Aut: Adr: Ericus Axelii Oxenstierna – Aut: Johannes Erici Collenbergius (Genethliacum in salutiferam nativitatem Domini et Salvatoris nostri Jesu Christi: die 25. Decemb. anno 1651. devote consignatum a Johanne Erici Collenbergio, /.../. Dorpati Livonorum, <1651>: J. Vogelius)

SKB (def), UUB (def), Lund UB, [Tartu UB]

DEDICATIO

Illustrissimo et Magnificentissimo Heroi

ac Domino,

DN. ERICO Oxenstierna/

AXELII F.

Comiti in Södra Möhra/ Lib. Baroni in Kimi-

tho/ Domino in Fyholmen/ Tydhöön/ Wyby et Giörwälen/ etc.

Ducatus Esthoniae Gubernatori; Arcis Revaliensis Toparchae

Generali, Judicijque Provincialis Praesidi Inclyto:

Domino suo Gratiosissimo:

Vitam, Incolumitatem et Felicitatem perpetuam p.

Pectore dum grato benefacta verenda revolvo;

Maxima, Celse Heros, sunt benefacta tua.

Si mihi suppeterent auri numerosa talenta,

Non possem meritis digna referre tuis.

5 Fecero quod potero, cum sit mihi curta supellex,

Atque premat multum, me mea pauperies.

Accipiat placidis animis Clementia scriptum hoc;

Et vivat Musae sancta medela meae.

In Anni Novi 1652. felicissimum Auspicium,

Inque humilimam speratae spem promotionis,

devote et reverenter

Dat, D. D.

Johannes Erici Collenbergius,

O-Gothia Svecus.

57. Adr: Ericus Axelii Oxenstierna – Aut: Andreas A. Lilonius (cf. 33)

SKB, UUB, Lund UB, H, [Tartu UB]

DEDICATIO

Illustrissimo et Celsissimo Heroi

ac Domino,

DN. ERICO Oxenstiern/

AXELII F.

Comiti in Södra Möhra/ Lib. Baroni in Kimi-

tho/ Domino in Fyholmen/ Tydhöön/ Wyby et Giörwälen/ etc.

Ducatus Esthoniae Gubernatori; Arcis Revaliensis Toparchae

Generali, Judicijque Provincialis Praesidi etc.

Vitam, Incolumitatem et Felicitatem perpetuam p.

Reginae Augustae et Regni Divine Senator

OXENSTIRNIADUM stemmate Celse Comes:

Illustris Regni e summis Primatibus Heros,

Delicium Charitum, Praesidiumque meum:

5 Esthoniaeque Gubernator nitidissime Gentis,

Salve Pierij portus et aura Chori.

Summa dies jam Festorum est, qua desinit Annus,

Anni et puncta Novi jam novus Annus adit.

Hinc Animo Celso non admiratio surgat,

10 Quod Patriae Historiam scripto animoque dico.

Nam fuit antiquis mos Optatissimus Annis,

Anni in principium munera ferre novi.

Ast ego quid dedero, quae qualia misero dona,

Res angusta domi munera ferre negat.

15 Ortum Uplandorum ac urbes totam historiamque,

Praesens haec monstrat pagina parva mea.

Suscipias placide Comes hoc Celsissime donum:

Et maneas Musis firma Columna meis.

Sit Novus adveniens hic felicissimus Annus

20 OXENSTIRNORUM floreat usque Domus.

Domino suo Gratiosissimo,

In Anni Novi 1652. felicissimum Auspicium,

humiliter

Dat, D. D.

Andreas E. Lilonius.

58. Adr: Ericus Steenbock – Aut: Erlandus Erlandi Hiärne (Genethliacum in salutiferam nativitatem Domini et Salvatoris nostri Jesu Christi: quod /.../ Erico Steenbock, /.../ S. R. Maj. regnorumque Sveciae excellentissimo senatori: et per Ingriam, Kexholmiam, Narvam et Alentakiam etc. generali gubernatori, /.../ in Novi Anni 1652. /.../ auspicatum /.../ dat D. D. Erlandus Erlandi Hiärne, /.../. Dorpati Livonorum, <1651>: J. Vogel) SKB, [Tartu UB]

GENETHLIACUM

O mirum! o magnum! o dictu mirabile factum!

O nova non ullis aut visa aut cognita seclis![10]

Fit veneranda Parens a nullo tacta Puella;

Natura est rerum conversa hoc ordine, Mater

5 Virgo manet partu! cognoscite mira, stupenda!

Rex Regum, Dominus Dominantes, Maximus, inter,

A Patre digressus, miserans incommoda Gentis

Humanae, assumit moribundi corporis artus,

Et venit o Hominum tristes invisere sortes,

10 Ac culpas abolere, fores et pandere coeli.

Exiguo natus teneros constringitur artus

Linteolo; exili exilis deponitur Infans

Praesepi, et stipulas et stramina corpore perfert,

Qui rerum est Opifex ac Instructabilis Author,

15 Cui coelum est sedes, cui parvum est terra scabellum,

Qui nutrit quicquid vitali vescitur aura:

Qui tegit atque fovet coelumque Solumque Salumque,

Exiguum bibit ipse suo lac JEsulus ore:

Vili in praesepi velamine tectus habetur,

20 Melliflua et durum patitur per corpora frigus.

O merita! o bonitas! o mira, et maxima dona!

O Divum Soboles! Salve, o Salve Inclyta Proles!

Solvimus usque tibi quas mens capit intima grates,

Donec mors anima gelidos deduxerit artus.

25 Salvator JESU, sanctae Pietatis origo;

Sis facilis placidusque tuis Nitidissime JESU,

Conserva sacri Munus venerabile Verbi;

Augustam Regni Reginam CHRISTE tuere:

Et defende bonus Patriae Proceresque Patresque

30 Qui doctas animis curant Clementibus Artes:

Ad fascesque Scholae quos patria cura Senatus

Ire jubet, serva, JESU Moderator Olympi.

Tandem post vitae magnos et mille labores

Ad loca transporta coelorum, ubi summa Venustas,

35 Qualis non oculo cuiquam percepta nec aure,

Nullum ubi morborum genus est, et nulla fatigat

Cura animos; sed ubi coelesti sede locamur.

Votum.

Sic Novus exoritur coelo Millesimus Annus,

Sexcentesimus, hinc et quinquagesimus atque

40 Ille secundus: Eat, rogo, felicissimus Annus.

Corpore sit sanus Comes Illustrissimus; Heros

A Stenbock; vivat longum nitidissima secla.[11]

Illustris laetos vovat Comitissa per Annos,

Felici multum per tempora sorte beata.

45 Illustris vivat Soboles, Spes Celsa Parentum,

Atque una incolumis traducat molliter Annos.

Omnipotens faxit, plures feliciter Anni

Ut veniant vobis, longum redeantque per aevum.

Cernatis Sobolem florentem; Praeside Christo, et

50 Natos Natorum, hinc et qui nascentur ab illis.

59. Adr: Sveno Bernhardi Tokelius – Aut: Daniel Gruuf Nycopensis (Disputatio theologica anniversaria in Psalmum septimum Davidis selectissimas notas exhibens, publicae censurae subjicietur in Regia Academia Dorpatensi, praeside Andrea Virginio, /.../ respondente Svenone Bernhardi Tokelio, /.../ d. < > /.../. Dorpati Livonorum, 1651: J. Vogelius) H, [Tartu UB]

GRATULATIO

Literatissimo et Humanissimo

Dn. Respondenti.

SVENO BERNHARDI

Per Anagr. h. neg.

IN RORE BEANDUS!

Omnis amans Christum Coelesti IN RORE BEANDUS:

Hoc facis: Ergo sacro RORE BEANDUS eris.

Vel:

Pectore plaude pio, Phoebi pulcherrima Proles,

Perpetui prati pabula pulchra petis;

5 Pectore plaude pio, Phoebi pulcherrima Proles,

Prospera pocla[12] petis, praemia pulchra petis.

Perge pari posthac passu, Pietate propinqua;

Parnassi potis pectora pasce pia;

Perfer perpetienda, parit patientia palmam,

10 Praestat perpetuo praemia pulchra pio.

Perge pio passu Patriae prodesse politae,

Perstabis pulchri plantula pulchra Poli.

Chronodistichon Annum habitae Disputationis

insinuans,

AVspICe nVnC, FLatV, SVENO, pars aVrea PhoebI

CoLLVstra pVLChrIs artIbVs IngenIVM.[13]

Ita cum Voto applaudebat

DANIEL GRUUF NYCOPENSIS,

Sudermannia-Svecus, SS. Th. Stud.

60. Adr: Benedictus Olai Vegrelius – Aut: Daniel Gruuf Nycopensis (Disputatio physica de voluntate; quam /.../ in Regia Academia Dorpatensi /.../ sub praesidio /.../ Johannis Erici Stregnensis, /.../ pro summo gradu in philospohia obtinendo, publicae /.../ disquisitioni submittit Benedictus Olai Vegrelius, /.../ ad diem 1. Octob. 1651. /.../. Dorpati Livonorum, 1651: J. Vogelius) SKB, UUB, H, [Tartu UB]

GRATULATIO

Nomen amicum

Literis et Virtute Ornatissimi

DN. RESPONDENTIS

Quod est

BENEDICTUS OLAI VEGRELIUS,

Per 'AnagrammatismÕn

I! REDITUS BENE COLLIGE UVAS.

Docte Novenarum Cultor, BENEDICTE, Sororum,

Cur Cathedrae nostrae limina docta premis?

Fungeris officio cur Respondentis, Amice,

Num clariae doctus Pallados igne cales?

5 Scilicet ut scateat Phoebaea cognitione

Ingenium, Studiis praemia digna feras.

I felix! uvas reditus bene collige svaves,

Laudibus occurrit dum tibi Musa bonis.

Non contentus eo quem nuper ab hoste triumphum

10 Duxisti; sitiens addere plura studes,

Macte tuis studiis, labor haud mercede carebit,

Mox etenim studiis digna brabe‹a feres.

Benevolentiae et fraterni amoris

ergo faciebat

Daniel Gruuf Nycopensis,

Sudermannia-Svecus.

61. Adr: Benedictus Olai Vegrelius – Aut: Olaus N. Oestenius (cf. 60)

SKB, UUB, H, [Tartu UB]

GRATULATIO

Eusebiae charitumque decus, BENEDICTE VEGRELI,

Ingenium docta dexteritate probas.

Dum properas cunctas pervadere Pallados artes,

Ut referas Sancti Serta Magisterij;

5 Quae tua sic meruit Virtus Probitasque, VEGRELI,

Dum solvis dubias re meliore Strophas.

Perge piis porro conatibus ire per alta;

Nec dubita, quin tu pulcra brabeia feras.

Gratulor ergo tibi: Sudermannia gaudet honore;

10 Gaudet honore tuo, Patria terra novo.

Ita fervidi amoris et debiti honoris

E. app.

Olaus N. Oestenius.

62. Adr: Andreas Erici Windbergius – Aut: Daniel Gruuf Nycopensis (Processus judiciarii disputatio secunda de foro competenti; quam in Regia Academia Dorpatensi /.../ proponit /.../ Johannes Erici Stregnensis, /.../ respondente Andrea Erici Windbergio, /.../ ad diem <8.> Septembr. 1651 <1655.> /.../. Dorpati Livonorum, 1651 <1655>: J. Vogel) H, [Tartu UB]

GRATULATIO

Suo

Ad aras usque Amico,

Praestantissimo et Humanissimo Juveni,

DN. ANDREAE ERICI VVINDBERGIO,

in Jure de Foro competente Respon-

denti;

A uree Piëridum flos, ANDREA, Patriot A

VV INDBERGI, nostri portio pulcra chori;

N unc bene praeclarum sectaris pectore nome N,

I ngenuas artes dum pietate colis;

5 D ifficile est, fateor, Musarum castra sequi; Se D

N e cures, studiis pulcra Corona venit;

R adix difficilis; Virtutis at inclytus ardo R

D ulcis, dans fructus transitione bonos.

E nascens quamvis spina aspera pungat acut E

10 B landa tamen flores dat rosa nata bonos.

A NDREA, dilecte, fide mihi cognite ver A,

E t socius longae rite comesque viae:

S ors eadem nobis: unus Praeceptor et hospe S,

R ector Magnificus semper et unus erat;

15 E t Levonum intrasti mecum Terpatica Temp E,

G estastique pari conditione jugum.

R odens Paupertas, miserandaque vita sequentu R

I llos, qui vino nocte dieque madent!

I ngenio solers hinc scandas culmina Pind I,

20 U t tandem laetus Commoda larga feras;

C ommoda larga feras, tibi quae dat noster APOLLO; aC

S emper inoblita laude vehendus eris.

I foelix coeptis! animus sic dicit Amic I,

Quod rogat excipias dexteritate; VALE.

Distichon Annum habitae Disputatio-

nis exponens.

25 VVINDBERGI IVrIs bene bIna VoLVMIna anheLas;

Et tIbI VIrtVtIs sVrget et ArtIs honor.[14]

Haec

Prosfwn»sewjloco lubenti venula

acclamabam

Daniël Gruuf Nycopensis,

Sudermannia-Svecus.

63. Adr: Andreas Erici Windbergius – Aut: Johannes Megalinus (cf. 62)H, [Tartu UB]

GRATULATIO

Viniferi colles, qua Rhenus littora lambit,

Regnaque culta nitent, solisque cubilia Gades,

Mox autumnales gravibus dant vitibus uvas.

Castalidum colles Embeccae ad littora cernis,

5 Dorptaque culta nitet, Phoebique sedilia clarent,

maturos semper pergunt proferre labores

PRAESIDE sub CLARO. Windberg tu fertilis uvas

atque autumnales parili fers sorte decores,

Quando reserta Ceres gravidis inclinat aristis.

10 Gens armis celebris, Gens enutrita Gradivo

insternat celsis cur ni? sua corpora cippis:

Sed te Dive Themis, te laudat dexter Apollo,

Nata Jovis redamat, Doctae plauduntque Sorores;

Publica digna Foro juris pia dogmata tractas;

15 Publica dona ferens, te publica fama loquetur.

Hunc igitur Themidos promptus decurre laborem,

Aulaeata domus Procerum tibi praemia condet,

Viniferi collis plures modo necte racemos!

Ita Politissimo Dn. Respondenti

gratulari voluit ac debuit

amica mens et manus

Johannis Megalini.

64. Adr: Georg Wittingius – Aut: Daniel Gruuf Nycopensis (Disputatio theologica de prot-evangelio ex Genes. 3. v. 15. /.../ in Regia, quae Dorpati /.../ est, Academia publice proposita et ventilata praeside Andrea Virginio, /.../ respondente Georgio Wittingio, /.../ d. < > anno 1651. Dorpati Livonorum, 1651: J. Vogelius)

H, [Tartu UB]

GRATULATIO

GEORGIUS VVITTINGIUS:

Per Anag. n in e mut.

EGREGIO JUSTUS VIGUIT.

EGREGIO VIgVIt IVstVs PIetatIs honore,

QVanDo sInCere VIXIt In AEDe DeI.[15]

Daniel Gruuf Nycopensis.

65. Adr: Georg Wittingius – Aut: Johannes Megalinus (cf. 64) H, [Tartu UB]

GRATULATIO

Fama erat; in Danaën Jovis aureus irruit imber,

Atque anguem tumidum dexter Apollo ferit:

Herculei pariter consveti ad fortia pugni

Hydram atque Aeripedes monstra superba domant.

5 Haec non aeternam spectant figmenta salutem;

Mundanis pascant usibus illa licet.

Ast melior resonat praenuncia concio vitae:

CHRISTVS in humana carne Redemptor ovat,

Dum Colubri Stygij fracta cervice triumphat

10 Spemque animumque diis laetitiamque dedit.

Prot-Evangelium hoc deductum ex ore Tonantis,

Solamen nobis tempore mortis erit.

Hoc ”Ergon Triados meditaris, Amice GEORGI;

Non leve terrenum sed grave mentis opus!

15 Fertur Eques vastum superasse GEORGIVS Angvem;

Tu studio monstras maxima bella tuo.

Hinc tibi, quod splendes Studiis, mi CandideWitting /

Gratulor ingenium non latuisse tuum.

Candida, ne dubites, cape praemia digna labore:

20 Hinc Honor; hinc humeris candida palla tuis.

Honoris, Moris et Amoris gratia

exaratum a

Johanne Megalino.

[5] <…>erius S textus corruptus : corr Serius; cf. Ov. Met. 10.33-34.

JOHANNES BERG:

Eheu: funerea mea Musa recincta Cupresso,

Mortis ab immiti falce resectus adest!

Sic cui Nycopia attribuit pia tempora vitae,

Dorpati in CHRISTO Filiola emoritur!

O Venerande Pater, Doctorum fama Virorum,

Doloris lenimen exarabat animus

calamusque

Miserandam praesentis vitae conditionem penitius si animo excusseri-

Felicem ergo illum, et terque quaterque beatum, cui ex vadosa hujus mundi

Praesens quam vita caduca!

Hominum quam gloria vana!

Lacrymis sub luminis auras

Messoris falce resecta

Pereunt ceu lilia campi

Cum Sol declinat Olympo

55 Mortali semine nati

Pariter puerilibus annis

Corpus sub mole sepulchri

Sed Spiritus incolit arcem

Fortunet DEUS arduum

Via, ad peramoena Musarum roseta, cum non sit Regia et plana, sed

Virgil. de Nam via Virtutis dextrum petit ardua callem,

Ne autem animum despondeamus, quod tantis difficultatibus clara illa Vir-

Andreas

Apollinis

SVECIA

Inter has ludens medio sedebat