1654
1. Adr: Olaus Nicolai Bergius - Aut: Gabriel Elvering (Sacris magisterii honoribus, quos /…/ decanus facultatis philosophicae /.../ Petrus S. Lidenius, log. et eth. professor ordinarius, ac /.../ SS. Theol. adjunct. /.../ in Regia Gustaviana Adolphina Academia, quae Dorpati Livonorum est /…/ die XIV. Decemb. an. M.DC.LIV. publice /.../ conferebat /…/ Olao Nic. Bergio, /.../ seqq. carminibus applaudunt patres civesque academici. Dorpati Livonorum, <1654>: J. Vogelius) Linköping LB, [Tartu UB]
GRATULATIO
En quod, mi Bergi, Parnassi culmina montis
Scandere summopere sollicitus fueris:
Nunc tua Phoebeis, cinguntur tempora sertis
Ad votumque cadunt jura Magisterii.
5 Gratulor ergo novos virtus quos tradit honores
Crescant hi, crescat virtus amorque boni!
Major sic tandem laus surget, gloria major,
Sic carus Patriae, carus erisque DEO.
Σύγχαρμα
SS. Theol. P.P.
2. Adr: Olaus Nicolai Bergius - Aut: Petrus Lidenius (cf. 1) Linköping LB, [Tartu UB]
GRATULATIO
BERGI Pieridum Cultor celeberrime OLAE
Dudum dignus eras, Tu, praemia queis Studiorum,
Ecce novenfilium ad nutum tibi Apollo Sororum,
Confert; praeclarum nomen Titulumque MAGISTRI.
5 Prosit honor! prosit! quam plurima commoda Jovae
Adferat in laudem! Patriae et dulce emolumentum!
Ita
cordicitus adgratulor vo-
veoque
Fac. Phil. Decanus.
3. Adr: Olaus Nicolai Bergius - Aut: Olaus Wexionius (cf. 1)
Linköping LB, [Tartu UB]
GRATULATIO
Dignus eras cingi dudum Doctissime Bergi;
Nunc igitur merito Laurea serta capis?
Serta capis merito, nec enim Te rectius alter:
Hinc patriae grator gratulor atque Tibi!
Sincero affectu, ut tumul-
tuarie, fudit
Polit. et Hist. Prof.
4. Adr: Olaus Nicolai Bergius - Aut: G(udmundus) L(idenius) (cf. 1)
Linköping LB, [Tartu UB]
GRATULATIO
Jam tua messis adest, non torpens namque cicada
Hactenus extiteras, jam tua messis adest.
Qui ferit aut cumulat quid, fructus tempore tandem
Redditur, expertus qui ferit aut cumulat.
5 Et documentum en Ti multum venerande Magister
Redditur, hoc tandem tempore proficuo,
Tempore proficuo en tibi redditur, hic studiorum
Optatus fructus, gloria honorque novus!
Applaudebat
5. Adr: Olaus Nicolai Bergius - Aut: Henricus Igelström (cf. 1)
Linköping LB, [Tartu UB]
GRATULATIO
Nec mea te poterit jam carmine Musa silere,
BERGI, quin tradat vota parata tibi.
Sicque Magistro (io!) tibi summus adesse Magister
In cunctis pergat: Sint rata vota mea.
Dn. Praeceptori suo ut fluxit
ita scripsit
Nobilis Liv.
6. Adr: Olaus Nicolai Bergius - Aut: Haraldus Igelström (cf.1)
Linköping LB, [Tartu UB]
GRATULATIO
Dante DEO BERGI merito Praeceptor amande,
Jamque tuum lauru cingit Apollo caput.
Sit faustum felixque Deus meditanda gubernet,
Atque sui in laudem, propositumque regat.
Nobilis Liv.
7. Adr: Olaus Nicolai Bergius - Aut: Gustavus Igelström (cf. 1)
Linköping LB, [Tartu UB]
GRATULATIO
Sic Praeceptori voveo de pectore toto
Prospera cuncta libens, quae dabit usque Deus.
Nobil. Liv.
8. Adr: Olaus Nicolai Bergius - Aut: Petrus Sporsoelius (cf. 1)
Linköping LB, [Tartu UB]
GRATULATIO
Tempus adest tandem, dum te studuisse juvabit,
Tempus adest virtus quo praemia digna reportet,
Tempus adest probitas tua ut instar lucis amoenae
Splendeat, et claros titulos et Nomina honoris
5 Gestes, hinc gaude mi nomine reque MAGISTER.
Honoris et amoris E.
sc.
9. Adr: Olaus Nicolai Bergius - Aut: Simon Theodori Hodensius (cf. 1)
Linköping LB, [Tartu UB]
GRATULATIO
Magna ex Marte venit virtutis adorea: sic et
Artis pulcher honor, non minor est meritis.
Artes Ingenuae quos dant OLAVE Triumphos
Nunc expertus ovas laetus honore novo.
5 Eusebiae et Sophiae, sic tandem incumbere prodest;
Nulli Cultori namque Minerva deest.
Prosit honor voveo, multum dilecte MAGISTER,
Praemia constanti digna labore cape.
Ita lubenti animo gratu-
labatur
10. Adr: Olaus Nicolai Bergius - Aut: Olaus Dalinus (cf. 1) Linköping LB, [Tartu UB]
GRATULATIO
Magister Olaus Nicolai Bergius Smolandia-
Svecus
ἀναγραμματιζόμενος.
Strenuus in bello Miles armis vagas, o gaudio accis.
Enodatio.
Strenuus in bello Miles ceu se gerit armis
Ambiguo passim pressus ab ense vagans:
Non contentus eo quod ducit ab hoste trophaeo
Semper in alternum gaudet abire decus.
5 Eusebiae studiis sic tu nec fraena remittis
Quae tuus ecce labor praemia larga dabit:
Tu quia Poeoniis mi BERGI docte Camoenis
Invigilasti et in his pergere semper amas.
Delius hinc augur, qui nervis temperat arcum
10 Servans Castalii flumina sacra vadi,
Texet odoratam vario de flore coronam
Offeret et meritis, debita serta comis.
Cum tibi legitima titulos ratione parasti
Dignos Philosopho laudis honore frui,
15 Praeprimis igitur tibi confert laurea serta
Almae virtutes quae meruere tuae.
Ex numero pulcro discedis honore Magister
Ex merito capiens praemia magna tuo.
Gaudio et hinc reliquos accis vigilare Camoenis
20 Educat Aonio quos Schola summa Thymo.
Hinc patriae acceptus fueris sic Charus Amicis
Quo fias major cresce vire atque, vale.
Uti moris, ita honoris E. gratu-
lari voluit anim. et calam.
11. Adr: Olaus Nicolai Bergius - Aut: Zacharias Johannis Colliander (cf. 1)
Linköping LB, [Tartu UB]
GRATULATIO
Quid labor et vigilans industria possit, OLAUS
Gloria vera venit si qua labore venit.
Tu Sophiae jungis docte decus artis honestum,
Et mores tinctas integritate geris.
5 Qui Studiis prodes simul exemplisque juventae,
Et juvat ingenua ponere in arte dies.
Ecce per ingenuas artes, BERGI caput effers,
Ecce capis fructus artis et ingenii.
Ita populari suo jucundissimo ani-
mitus gratulatur
Smol.
12. Adr: Olaus Nicolai Bergius - Aut: Erlandus Hiärne (cf. 1)
Linköping LB, [Tartu UB]
GRATULATIO
᾿Αναγραμματικῶς
i in e verso
Euge incola Orbis Salus.
Fortibus est aliquid rura exercere juvencis:
Praestat ubique Salus.
Sylvicolae est aliquid studia exercere Dianae:
Incola gaudia habet.
5 Est aliquid positos numerare in foenere nummos:
Orbis amat Simile.
Est aliquid Patriam numeroso Marte tueri:
Incola fidus adit.
Est aliquid placuisse Viris Magnatibus Orbis:
10 Sed ruit Orbis iners:
Ast melius clariis vitae dare tempora Musis:
Euge fidelis eris!
Euge, igitur faciles optans transmittere soles;
Invigiles studiis.
15 BERGI fide DEO, tandemque Salus erit Orbis:
Sic pia fata jubent.
Nominis e studiis meritam capiendo Salutem;
Euge Magister eris.
Dignus honore Magisterii hic, cui Pallas amica est,
20 Adsit ab axe Salus!
Congratulans f.
13. Adr: Olaus Nicolai Bergius - Aut: Nicolai B. Hagenius (cf. 1)
Linköping LB, [Tartu UB]
GRATULATIO
Gratulor o BERGI condignos carmine honores
Vere et condigne jam dudum quos meruisti;
Sintque precor Domino grati, tibi proficuique
Mi BERGI salve, salve mi Clare Magister
5 Exornes Patriam tanto charissimam honore.
Charissimo suo Fautori et Po-
pulari adpl.
14. Adr: Olaus Nicolai Bergius - Aut: Andreas A. Dryander (cf. 1)
Linköping LB, [Tartu UB]
GRATULATIO
Per Anagramma:
Addito S.
SUB LAURO MAGIS EST! GERIS.
Enodatio.
Sub lauro magis est; veluti sub messe coloni
Sudor in occulto est, exhibitusque labor.
Sub lauro magis est; veluti turgente sub arca,
Nummis, Propolae[1] multa pericla[2] latent.
5 Sub lauro magis est; veluti sub Militis hasta
exsuperata necis sors latet atra viri.
Sub lauro magis est; quam jam geris ecce Magister
BERGI, sub lauro sudor in arte latet;
Non latet, ast index laurus sudoris amari
10 Ipsa siet. Merito gratulor ergo tibi:
Et voveo, messis felix, tibi plenaque theca,
Hic labor eximius, Gloria magna, siet.
Quod gratulabundus addidit
15. Adr: Olaus Nicolai Bergius - Aut: Petrus Danielis Stenius (cf. 1)
Linköping LB, [Tartu UB]
GRATULATIO
Dante DEO, Doctis tandem reverentia habetur,
Dante DEO virtus quoque praemia digna reportat
Hoc expertus eris merito jam Docte Magister
Sis multum felix: Sis per pia secla[3] superstes,
5 Te DEUS omnipotens multos conservet in annos.
Devote apposuit
Petrus Dan. Stenius, Neric. Sv.
16. Adr: Olaus Nicolai Bergius - Aut: Laurentius C. Vocenius (cf. 1)
Linköping LB, [Tartu UB]
GRATULATIO
Clara Brabeja manu nunc fert excelsus Apollo,
quae merito actutum jungere vult capiti.
Hinc tibi surget honos surgent quoque praemia magna,
Praemia digna solo, praemia digna polo.
5 Salve igitur BERGI qui scandis culmen honoris,
Atque nites clara fronde Magisterii.
Insuper et voveo succedant singula laeta,
Sintque novo gradui fata benigna tuo!
Properanti calamo gratul.
17. Adr: Olaus Dalinus – Aut: Gabriel Elvering (Disputatio IV. ordinaria de Scriptura sacra continens quaestionem de ejusdem divina autoritate, quae /.../ publicae disquisitioni subjicietur praeside Gabriele Elvering, /.../ in Academia Gustaviana /.../ respondente Olao Dalino, /.../ ad d. < > Octobr. /.../. Dorpati Livonorum, 1654: J. Vogelius) Göteborg UB, [Tartu UB]
GRATULATIO
Ad Praestantissimum Dn. Respondentem
Amicum suum dilectum.
Principium fidei divino robore firmum
Unica Scriptura est sancto spiramine scripta.
Ast miserum, qui principium geminum sibi fingit!
Sed contra dogma hoc divinum degener ille
5 Papanus coetus conservat dogmata Papae
Impia, quae sacrae scripturae adversa repugnant.
Tantane vos vestri tenuit fiducia Papae!
Te doctum meliora manet mens, docte DALINE,
Sanior, aggredere hos hostes spolia ampla reporta!
Benevolent. E.
scrib.
P.P.
18. Adr: Olaus Dalinus – Aut: Ericus Holstenius (cf. 17) Göteborg UB, [Tartu UB]
GRATULATIO
DALINUS Domini Defendit Dogmata Docte,
Dissuadens Doctis, Dissona Dicta DEO.
Digna Dehinc Dominus DALINO Dona Daturus;
Ditescet Domini Dogmate, Dante DEO.
19. Adr: Olaus Dalinus – Aut: Haquinus Fredzbergius (cf. 17)
Göteborg UB, [Tartu UB]
GRATULATIO
Gratulor ex animo tibi mi Patriota DALINE
Quod studio pergas invigilare sacro.
Vnde animi plagis fomenta sacrata petendum
Quasque pius votis expetit orbis opes.
5 Quod studium gemmas quoque vincit honore nitentes,
Et superat precio cuncta metalla suo.
Sunt cursus coeli qui curant mente profunda
Scrutari ac summi lucida tecta poli
Ast tibi sit curae Christum cognoscere fontem
10 Justitiae, aeterni qui patris est suboles:
Non moriturus honor te laeta hinc sorte manebit,
Mulcet ubi Elysias aura beata rosas.
Sincerae affectionis E. Doctiss. Dn. Re-
spondenti, Fautori suo honoran-
do gratulari voluit
20. Adr: Johannes Andreae Dryander - Aut: Andreas Virginius (Sacris magisterii honoribus, quos /.../ decanus facultatis philosophicae /.../ Petrus S. Lidenius, log. et eth. professor ordinarius, /…/ ac SS. Theol. adjunct. /.../ in Regia Gustaviana Adolphina Academia, quae Dorpati /.../ est /.../ die XIV. Decemb. an. M.DC.LIV. publice /.../ conferebat /…/ Johanni And. Dryandro, /…/ seqq. carminibus applaudunt cives academici. Dorpati Livonorum, <1654>: J. Vogelius)H, [UUB], [Tartu UB]
GRATULATIO
Eximias alii virtutes, Clare Magister,
Decantent, dotes ingeniique tui:
Quod petis, en tibi do, cordis mea candida vota;
Votis hisce Deus pondus inesse sinat:
5 Semper honos vigeat, firma et laus posthuma constet,
In patriam reducem te faciatque DEUS.
Ita gratulabundus cecinit
SS. Th. D. et Prof. prim. nec
non p.t. Acad. GUSTAVIanae Rector.
21. Adr: Johannes Andreae Dryander - Aut: Petrus Lidenius (cf. 20)
H, [UUB], [Tartu UB]
GRATULATIO
Num messem optatam septem subjecta Trioni
Concedat tellus, brumali hoc tempore, multi
Et merito dubitant alio sub sole calentes,
Attamen optatam messem, mi Docte DRYANDER,
5 Profert bruma tibi, vide ager quem tu coluisti
Quam dulces profert fructus! tandem ergo laboris
Recte exantlati quantum meminisse juvabit!
Gratulor, o Patriae decus, in laudemque JEHOVAE
Vt cadat voveo haec messis! solamina multa,
10 Accedant precor inde tuis, Tibi et emolumentum.
Ita Populari et Hospiti meo
adplaudo
P.P. et h.t. Fac. Phil. Decan.
22. Adr: Johannes Andreae Dryander - Aut: Olaus Wexionius (cf. 20)
H, [UUB], [Tartu UB]
GRATULATIO
Carmine culto
Te celebrare
Mens peramica
5 Expetit. Ast cum
Tempus hoc Arctum
Id vetet; oro,
Accipe votum,
Quo precor ampla
10 Haecce Corona
Quam Tibi confert
Magnus Apollo
Prosit; Et alta
Tollat ad astra,
15 Perpetuandam
Nominis illam
Quam meruisti
Jam bene famam.
Sic erit ut Te
20 Jure salutet
Svecica nostra
Terra MAGISTRUM.
Festina manu, calido tamen affectu
scribebam
Polit. et Hist. Prof. Publ.
23. Adr: Johannes Andreae Dryander - Aut: Gudmundus Lidenius (cf. 20)
H, [UUB], [Tartu UB]
GRATULATIO
In patriam rediens quondam Laërtius Heros,
Nec Loti captus dulcedine nec Polyphemi
Faucibus absumptus nec iter remorantur iniqui
Sirenesque negat Circes gustare liquores,
5 Appulit in patriam felix facundus Ulysses.
Tu socium nostrum pars sic speciosa DRYANDER
Informas gressum, cautusque pericula vites
Quae struxit mundi fraus et malesvada voluptas.
Quid numerare refert? modo sis transgressus amice,
10 Nec minus optato studiis decoreris honore,
Conatum potius laudem et mea vota resolvam,
ut patriae decus almum sis, charisque propinquis
dum redeas felix, voveo, sis dulce levamen.
Sympatriotae et amico suo dilectis-
simo congratulabundus haecce
apposuit
24. Adr: Johannes Andreae Dryander - Aut: Petrus Sporsoelius (cf. 20)
H, [UUB], [Tartu UB]
GRATULATIO
Splendida sic virtus cingit tua tempora Lauro,
Nomen et eximium tibi dat nunc jure Minerva.
Post haec diceris Clarus praestansque Magister,
Dignaque sic Sophiae studiis jam praemia portas.
Quod congratulabundus
accinit
25. Adr: Johannes Andreae Dryander - Aut: Simon Theodori Hodensius (cf. 20)
H, [UUB], [Tartu UB]
GRATULATIO
Eusebiae felix cultor Sophiaeque Dryander,
Ingenio Musas splendidiore colis.
Ut decuit virtutis amor, vis Enthea mentis,
Adjungit Pallas serta verenda comis,
5 Macte novis titulis! Sint laeta encomia laudum,
Aeternum vireant serta Magisterii!
Ergo ter felix vivas mi Docte Magister
Et cedant votis cuncta benigna tuis.
Honoris et amicitiae infucatae
testificandae E. adjecit
26. Adr: Johannes Andreae Dryander - Aut: Olaus Dalinus (cf. 20)
H, [UUB], [Tartu UB]
GRATULATIO
Nuper in occursum venit mihi clarus Apollo,
Attulit et teneris, florida serta rosis.
Quaerito quo tendat? paucis ita voce profatus
Floribus ornatum pergo ait ille caput:
5 Ulterius rogito cujus jam tempora lauro
Cinges et viridis frondis honore comas?
Artibus ingenuis culti et virtute Dryandri
Respondit, cingent, Laurea serta caput.
Gratulor ecce tibi tales quod cernis honores
10 Quos tribuit Doctis, Cultus Apollo, viris.
Hinc addo svasor saltem, ne pergere cesses
Crescat ut in seros Gloria sera dies.
Paucula haecce Honoris et
Amoris E.
DorpatI pennIs LaetIs perarabat AMICo[4]
27. Adr: Johannes Andreae Dryander - Aut: Zacharias Johannis Colliander (cf. 20)
H, [UUB], [Tartu UB]
GRATULATIO
Ante perpessus fueras labores,
Ergo nunc dignos capias honores,
Inter et doctos residebis unus
Docte Magister.
5 Unde laetatus, Patriae, propinquis,
Et tuis charis genitoribusque
Et mihi, pleno, tibi, chare frater
Gratulor ore.
Et precor longum valeas in aevum
10 Tu diu clarus Sophia Dryander
Floreas semper velut ad fluentum
Quercus amoena.
Quod fratri ex animo lingva manusque vovent,
Tui
28. Adr: Johannes Andreae Dryander - Aut: Nicolaus B. Hagenius (cf. 20)
H, [UUB], [Tartu UB]
GRATULATIO
M. JOHANNES DRYANDER SMOLANDUS.
Per Acrost.
|
Ingenuos Doctrina Sol Studio |
Membrum Inter Juvenes Divum Dicit Sophiae Sic |
Maneas Mi Jamque Ire Diadema Sis Semperque |
Magne Magister, Juberis, Superstes! |
Votum.
5 Quo tua te virtus jubeat Doctrina Fidesque
Nomine praeclaro Docte Dryander eas.
Singula fausta tibi lauro redimite Magister
Ex animo laeto comprecor et voveo.
29. Adr: Johannes Andreae Dryander - Aut: Andreas And. Dryander (cf. 20)
H, [UUB], [Tartu UB]
GRATULATIO
Allegoria.
Aesonius Jason, dum Cholcida missus adiret
Duceret auricomum vellus ut in patriam
Plurima sustinuit terraque marique pericla,[5]
Mystica quae vatum dogmata commemorant.
5 Dum Bithyniacam, Saphiros, Symplegades atras
(Quae gravis esse solent puppibus interitus)
Transnatat et cautis in itinere ludit aplustris
Donec Cholcorum littora Cymba tenet.
Naribus efflantes vulcanum postea tauros
10 Jungit et arte domat, dentibus arva serens
Et clypeata seges dum mox exhorruit hastis
Viribus intrepidis sternitur ense viri!
Velleris excubias vigili peragente Dracone
Sopito, tandem vellera cara capit!
15 Quod tamen effecit Medeae doctus ab arte
Quae simul auxilium consiliumque dedit,
Hisce exantlatis tantoque labore periclis[6]
En redit in patrios vellere Iason agros.
Cujus ad accessum gratas plebs exstruit aras,
20 Aesone quo nati nomina sera manent,
En simili patriis oris ratione profectus
Vellera capturus clare Dryander eras.
Non tamen ad lucum convallem Martis; et artis
(Dorpta) locum celebrem te tua propra vehit.
25 Desidiae vitas Scopulos Vini Venerisque
Quaque decet juvenem dirigis arte ratem.
Aeripedes tauros, Affectus comprimis, Iram
Ipse domas, fraenas Bilis et Imperium
Atque trucem segetem, quibus ad tua laeta trophaea
30 (Quae laudem mereant) surgit in ore livor.
Hos animi patiens, prudens, depellis arena
Dum modice suffers verba maligna virum,
Et sopire potes spaciosum mole Draconem
Dum prece pervigiles aufugis insidias.
35 Quod Medea juvat, consilia tuta sequendo
Μῆδος consilium est quo pia facta regis.
Vellera, candidulis sunt aurea Lantea sertis
Quam tuus ingenii cepit in arte labor.
Hinc patriam rediens ut dives vellere Iason
40 Verticis in summo Laurea serta gerit.
Exstruit ergo tibi sociata Heliconia proles
Aras. Sudorum conscia turba litat.
Gratulor hinc patriae, genitoribus atque propinquis
Vellere de capto gratulor atque tibi
45 Sangvine fraterno perchare, et Clare Magister
In seros annos vive mihique fave.
Ergo.
|
50
|
Mascula Sic Druidum Consurgit Gloria Stirpis |
Sic Druidum Sobolis fulcrum fulcimen avitae |
Consurgit fulcrum pernobile germen |
Gloria fulcimen pernobile germen honoris |
Stirpis, avitae, germen, honoris, |
Quam
Novis fratris sui honorandi lubens addidit honoribus
30. Adr: Benedictus N. Ekaeus – Aut: Gabriel Elvering (Discursus theologicus de aeterna filiorum Dei ad vitam aeternam praedestinatione; quam sub praesidio /.../ Gabrielis Elvering, /.../ in Regia Dorpatensi /.../ Academia publico examini sistit Benedictus N. Ekaeus, /.../ auth. et respondens, ad diem < > Augusti an. 1654. /.../. Dorpati Livonorum, <1654>: J. Vogelius) UUB, H, EAB, [Tartu UB]
GRATULATIO
Eximio Dn. Respondenti, Amico meo
dilectissimo,
De PRAEDESTINATIONE dispu-
tanti
S. P. P.
Sic Benedictus eris, si dogmata sacra tueris
Quod non desidiae grande sed artis opus.
His bene munitus sacra fortis bella capesses,
Hosteque devicto, pulchra trophaea feres.
5 Sit tuus ille ratus conatus et utilis olim,
Cum sanctae plebis cura gerenda premet.
Quae nunc arma paras haec usibus opto futuris
Impendas, tandem sic Benedictus eris!
Scrib. Amoris mnemo-
synon
P.P.
31. Adr: Daniel Flojerus – Aut: Petrus Lidenius (Sacris magisterii honoribus, quos /.../ decanus facultatis philosophicae /.../ Petrus S. Lidenius, log. et eth. professor ordinarius ac /.../ SS. Theol. Adjunct. /…/ in Regia Gustaviana Adolphina Academia, quae Dorpati /.../ est /.../ die XIV Decemb. anno M.DC.LIV. publice /.../ conferebat /.../ Danieli Flojero, /.../ seqq. carminibus applaudunt patres, civesque academici. Dorpati Livonorum, <1654>: J. Vogelius) Linköping LB, [Tartu UB]
GRATULATIO
DANIEL, eximios inter non ultime alumnos
Pieridum, Te nostra canet quoque carmine Musa:
Novimus in studiis quam sedulus usque fuisti,
Novimus egregium quam sit tibi mentis acumen
5 Novimus et Pietas quam sit tibi cordi et amoena
Quam probitas adamata tibi, jam praemia digna
Accipis ergo: tuum sit clarum in tempora nomen.
Ita suo amicissimo Dn. Populari
adplaudit
P.P. et h.t. Fac. Phil. Decan.
32. Adr: Daniel Flojerus – Aut: Olaus Wexionius (cf. 31) inköping LB, [Tartu UB]
GRATULATIO
Splendida Pieridum soboles Flojere adamande,
Nunc tandem studiis munera digna refers:
Quando auro textum cingit tua tempora sertum,
Exornat digitos annulus atque tuos.
5 Ingens sis patriae decus, hinc, et maxima Phoebi
Gloria: sic voveo! Clare Magister ave!
In honorem conterranei et amici sui perdilecti,
sincero affectu L. Mque fudit
Polit. et Hist. Prof. Publ.
33. Adr: Daniel Flojerus – Aut: M. G. Lidenius (cf. 31)inköping LB, [Tartu UB]
GRATULATIO
Improbi jam sat studij et Laboris,
sit satis noctes vigiles amaris
artium radicibus hactenus quod
contribuisti.
5 Ventum ad optatam est, Patriota, metam,
ventum et ad finem impigri, amice, cursus,
arduum emensus studium es, Polite et
docte Magister.
Ergo jam tandem meritum brabeum
10 sume, Flojere, et meritos honores
qui precor prosint! tibi semper et sint
omnia fausta.
Ex Animo voveo
34. Adr: Daniel Flojerus – Aut: Andreas Megalinus (cf. 31) Linköping LB, [Tartu UB]
GRATULATIO
Quam nectunt Musae tibi svavis Amice corollam,
Accipe tu felix et Laurifer esto Magister,
Hinc Coelum tanget DANIEL tua fama perennis
Atque tuos laudes dictura est posthuma pubes.
Eximio Dn. Candidato de honoribus Ma-
gisterij ita gratulatur
35. Adr: Daniel Flojerus – Aut: Andreas Hellenius (cf. 31) Linköping LB, [Tartu UB]
GRATULATIO
Sit felix Laurus quam confert docta Minerva
Nunc FLOJERE tibi! Sospes bene vive Magister.
Ita gratulabundus vovet
36. Adr: Daniel Flojerus – Aut: Petrus Sporsoelius (cf. 31) Linköping LB, [Tartu UB]
GRATULATIO
En! Caput exornat tuum, honoris pulchra Corolla,
Sic quae sunt Studio virtutis praemia digna
Accipis, hinc animo laeto sis Clare MAGISTER,
Omnipotensque DEUS, multos te sospitet annos.
Hoc in felix omen Fraterno suo amico gratula-
bundus apposuit
37. Adr: Daniel Flojerus – Aut: Simon Theodori Hodensius (cf. 31)
Linköping LB, [Tartu UB]
GRATULATIO
FLOJERE En facies coeli tibi candida ridet,
Aoniae splendes; dum summae frondis honore
Te doctae exornant Musae: dum Carmine Titan
Ipse hodie te ornat. Nihil est nam gratius ipsis
5 Musis. Dant Musae nomen post fata perenne.
Coelo Musa beat, famam quae obnoxia Letho
non est, conciliat debentur talia Musis.
Moris honoris et candoris
E. apposuit
38. Adr: Daniel Flojerus – Aut: Zacharias Joh. Colliander (cf. 31)
Linköping LB, [Tartu UB]
GRATULATIO
Cernere jam liceat DANIEL Clarissime cunctis,
Adest ut immenso Phoebus amore tui.
Tempora quae lauro digitos qui Cingit et auro,
Clarus ita in titulis hisce Magister eris.
5 Quae tamen assiduo meruisti dona labore,
Quo fueris studiis deditus Aoniis:
Gratulor ex animo, magno virtutis honori,
Gratulor auspiciis hisce Magisterij
Et votis pergo FLOJERE, ex mente serena
10 Vergat ut in patriae nunc decus hocce precor.
Sic Fratri suo svavissimo gratulari
voluit
39. Adr: Daniel Flojerus – Aut: Erlandus Hiärne (cf. 31) Linköping LB, [Tartu UB]
GRATULATIO
Κατ᾿ ἀναγρ.
Florens valide, i.
Quid tibi mi DANIEL FLOIERE est nominis omen,
Musarum castra sequendo?
Nonne? quod a teneris virtute atque artibus annis
Imbutus laude βραβεῖα
5 Tanta geras. Valide florens, fructumque tulisti,
Bene Pieria arte politum.
Terpsichores, Phoebique simul vel Vraniae amicae,
Valide Gnatus probus inde
Dicier usque cupis. Nam Lincopense Lycaeum
10 Fuerat tibi fida Magistra.
Ad DORPATENSES quare mox aptus ATHENAS,
Veniens exceptus es aeque
Hinc ob doctrinam LIDENIVS arte DECANVS
Cingit tua tempora Lauro.
15 Gratulor ergo tibi, FLOIERE o gratulor inquam,
Sic te invigilasse Camoenis!
Nunc ergo i, felix vivas in Nestoris annos!
Ita Mi valeasque Magister.
Gratulab. fudit
Svecus.
40. Adr: Daniel Flojerus – Aut: Johannes S. Lidenius (cf. 31)
Linköping LB, [Tartu UB]
GRATULATIO
Flores an FLOJERE tibi tua nomina condant
ambigo, sed flos es lectus et ingenuus,
Flores nam doctrina, et flores moribus aptis
Piëridum flores floribus egregiis
5 Namque renunciat en te clarus Apollo Magistrum
Hoc pulchro florens, flore, Magister ova.
41. Adr: Daniel Flojerus – Aut: Nicolaus B. Hagenius (cf. 31)
Linköping LB, [Tartu UB]
GRATULATIO
FLOJERE eximios inter numerande Magistros
Quid tibi pro meritis cantabo? haec accipe vota:
Sit Gradus iste tuus Jovae gratus patriaeque
proficuus, Tibi sit percommodus! hoc satis esto.
Dilectiss. suo Amico et Sympatriotae
adgratulatur
Smoland.
42. Adr: Daniel Flojerus – Aut: Petrus Scherling (cf. 31) Linköping LB, [Tartu UB]
GRATULATIO
Praestans o FLOJERE tibi docta arte Magister,
Quod sis Virtutis tanto condignus honore,
Gratulor et patriae, et tibi, amicis sangvine junctis:
Opto tuisque Deus studiis benedicat abunde
5 Vergere quo possint, in laudem cunctipotentis
In Patriaeque bonum, tuum et emolumenta tuorum!
Quod bonus ille Deus faxit semper benedictus.
43. Adr: Daniel Flojerus – Aut: Henricus Platzman (cf. 31) Linköping LB, [Tartu UB]
GRATULATIO
Laurifer en merito laurum tibi Phaebus opimam
Insuper et nomen tibi dat palmamque Magistri.
Vive, vigesce, vale, dignos nunc accipe honores,
Floresce et voveo Sophiae praeclare Magister.
Debiti honoris et faustae gratulationis
ergo l. mque apposuit
Svecus.
44. Adr: Daniel Flojerus – Aut: Sveno N. Alinus (cf. 31) Linköping LB, [Tartu UB]
GRATULATIO
Musa sibi pretium, doctrinae gloriam abunde
aeternum et sibi longa parat post secula nomen;
haec pietate gravem FLOJERUM extollit amicum,
aeternasque struit ventura in secula laudes;
5 Laurea serta tuo capiti jam nectit Apollo,
sic meritus tibi surgit honos; titulusque Magistri.
Astripotens faxit, tibi fauste haec omnia cedunt;
nec minus interea, patriam decorent tua facta,
hoc voto claudo, sis nomine reque Magister.
Faustae congratulationis E. haecce calamo
festinanti adjecit
45. Adr: Daniel Flojerus – Aut: Philippus Sebastiani Schmiedell (cf. 31)
Linköping LB, [Tartu UB]
GRATULATIO
Nunc igitur meritam capias mi Docte Magister
Messem, pro tantis exhibitis studiis:
Pierides quoniam psallunt modulamina laeta,
Cultorique suo carmina grata canunt.
5 Phoebus et imponet capiti de fronde coronam,
Et circum digitos aureus orbis eat.
Ergo te Phoebus tanto quod adornat honore
Gratulor ex animo, et pectore laetor ovans;
Opto diu vigeant virtus tua, laus tua, fama
10 Nominis; eveniant prospera quaeque tibi!
Sic animitus congratulatur
Philippus Sebastiani Schmiedell.
46. Adr: Daniel Flojerus – Aut: Olaus Iuncaeus (cf. 31) Linköping LB, [Tartu UB]
GRATULATIO
Ecce bonam quam sit per pulchrum attingere metam
En pulchrum Clarus quod sedulitate Magister,
efficeris, doctis sic invigilasse camoenis
Te juvat o felix, tibi honor sit pectore laeto
5 Exopto! tandem dici consvesce Magister.
Amoris contestandi E. apposuit
47. Adr: Daniel Flojerus – Aut: Andreas And. Dryander (cf. 31)
Linköping LB, [Tartu UB]
GRATULATIO
Fortis Eques veluti pendentem tangere cyclum
hasta qui norit, laeta Brabeia feret:
Sic Heliconiacis fortis luctator in arvis
FLOJERE Aoniis frondibus Ecce micas!
5 Accipis et dignos studio virtutis honores,
Clarus enim DANIEL tute Magister eris.
Sic doctrina viri, pietas, et candor in actis,
Emicat in titulis, tu quibus auctus ovas.
Nomine pro tanto tecum laetantur amici.
10 Et laudant sortem (quae satis ampla) tuam.
Inter et eximias laudes, tibi carmine laeto
quae mea mens agitat, solvere vota sine.
Ut felix vivas iterumque iterumque precabor.
qui bene cuncta regit, te regat ipse Deus.
L. mque reliquit congratulabundus
48. Adr: Daniel Flojerus – Aut: Laurentius Vocenius (cf. 31)
Linköping LB, [Tartu UB]
GRATULATIO
Qui cupiat canis Venerabilis esse capillis
perfundet lymphis aoniis animum.
quod DANIEL vigili servasti pectore semper,
Cultus Apollo igitur nomina magna dabit.
5 Nam tibi pro meritis pulcro compensat honore
qui nostris terris floreat et vireat.
Pectore pergrato gratatur carmine musa,
de tam praeclaris hisce tuis gradibus.
Salve mi DANIEL, salve mi clare Magister,
10 In pylios annos, vive vigeque diu.
Ita cum voto applaudet
49. Adr: Haquinus Fredzbergius – Aut: Gabriel Elvering (Disputatio V. ordinaria de Scriptura sacra continens quaestionem de ejusdem divina efficacia, quae /.../ publicae disquisitioni subjicitur praeside Gabriele Elvering, /.../ in Academia Gustaviana respondente Haquino Fredzbergio, /.../ ad d. 22. Decembr. /.../. Dorpati Livonorum, 1654: J. Vogelius) UUB, [Tartu UB]
GRATULATIO
Eximio Dn. Respondenti,
Amico suo dilecto
S. P.
Felicem quicunque piis sacra sensibus haurit!
Is sibi delicias quaerit, sibi gaudia poscit.
In dubiis sibi certa parat solatia rebus.
Haec animos curis solvunt, mala gaudia pellunt.
5 Te quoque felicem studiis, HAQVINE, vocamus.
Fundamenta locas artis rerumque sacrarum,
Pullulat hinc studii divina scientia sacri,
Sic potes esse DEI, sacrisque vacare, Minister.
Perge modo, ut pergis, nec desere coepta, sed insta
10 Egregiis ausis! sic hos DEUS ipse secundet.
Testandae benevol. E.
s.
PRAESES.
50. Adr: Erlandus Jonae Hiärne - Aut: Gabriel Elvering (Lessus in /…/ beatum obitum ac abitum /…/ Erlandi Jonae Hiärne, Wermelandia Sveci, pastoris ac praepositi ecclesiae Neoviensis /…/ die V. Febr. anni MDCLIV. /.../ rebus humanis exempti: cujus exuviae in templo Neoviensium /.../ terrae d. < > Martij an. 1654. demandabantur. Ab amicis et condolentibus conscriptus. Dorpati Livonorum, 1654: J. Vogelius) Linköping LB, [Tartu UB]
EPICEDIUM
Dum, mi JERNE, Patri lugubria Carmina pangi
Solicitas, prodit cura, dolorque tuus.
Sed lachrymis satis esto datum, saevoque dolori:
Namque ferenda, jubet quae tolerare Deus,
5 Sic potius toleres, quicquid tolerare necesse est,
Et cave displiceant, quae placuere DEO!
Testandae condolentiae sc.
SS. Th. Prof.
51. Adr: Erlandus Jonae Hiärne - Aut: Ericus Holstenius (cf. 50)
Linköping LB, [Tartu UB]
EPICEDIUM
O Decus Ecclesiae, nitidissima Gloria Templi,
Quid modo, JERNE, precor Manibus ipse tuis?
Vera Salus animae, cineri requiesque relictis
Solamen firmum sit precor et voveo!
Quod inter Lacrymas animitus
vovebat
Prof. Ord.
52. Adr: Erlandus Jonae Hiärne - Aut: Petrus Lidenius (cf. 50)
Linköping LB, [Tartu UB]
EPICEDIUM
Ad beate defuncti Dn. Pastoris Filium, selectio-
rum studiorum cultorem laudatissimum.
Mortuum ita anne Patrem reputas, doctissime Hiärne?
Non reputa: namque huic vita data est gemina:
Vivit enim terris fama celeberrimus, idem
Vivit et in coelis, vera ubi vita manet.
5 Orphanus haud quaquam es, duo namque Patres tibi amoeni
In Patria vivunt, conditor et genitor.
Ergo confide, et moestas depone querelas,
Coelestis te non deferet euge; Pater.
Animi aegritudinem Amico meo perdilecto ut leva-
rem corpore aeger scribebam
53. Adr: Erlandus Jonae Hiärne - Aut: Olaus Wexionius (cf. 50)
Linköping LB, [Tartu UB]
EPITAPHIUM
Epitaphium.
|
5
10
15
20
25
30
35 |
HVMANAE VITAE SPATIVM, NON SECVS AC OLIM MONSTRAVIT SAPIENS IN ORBEM SE GYRANDO; TESTEM HEIC HABES O HOSPES DEVOTAE PIETATIS VIRVM, QVI POSTQVAM ANNOS JVVENILES IN MVSARVM PALAESTRA EXEGISSET, ET EX MERITO SACRIS ORDINIBVS INITIATVS, ECCLESIAM NEOVIENSEM FIDELITER DOCVISSET VERBA JEHOVAE IN PROVECTAE AETATIS CVRSV DIE V. FEBR. AN. MDCLIV. CVM ANNOS LIX. NVMERASSET PEDVM POSVIT: EXVVIAS HVIC MARMORI PREMENDAS TRADIDIT ANIMAM SALVTIS AVTHORI REDDIDIT, INQVE COELESTEM PATRIAM TRANSMISIT, QVAM NOS EXEMPLO EJVS ANHELO PECTORE PETEMVS: PROINDEQVE LVCTVM INTEREA MODERABIMVR ET SOLATIA EX VENTVRI AEVI DELICIIS QVAEREMVS. |
Pol. et Hist. Prof.
54. Adr: Erlandus Jonae Hiärne - Aut: Gudmundus Lidenius (cf. 50)
Linköping LB, [Tartu UB]
EPICEDIUM
Tandem tute vale terris dixisti, et ad alta
Conscendis Superum tecta, beate Senex,
Inde superstitibus dolor ingens, sed tibi magna
Gaudia, quae nullus sat memorare potest.
Paucula haec apposuit
55. Adr: Erlandus Jonae Hiärne - Aut: Olaus Nicolai Bergius (cf. 50)
Linköping LB, [Tartu UB]
EPICEDIUM
Pallida mors est certa, latet modus horaque mortis,
Horaque jam praesens, addocet illud opus.
Cogimur o omnes gelidam sic cernere mortem,
Mortali nulli parcere morta cupit.
5 Mens tamen in caelis vivit, corpusque quiescit
In tumulo, donec Judicis hora venit.
Condolenti animo apposuit
Phil. C.
56. Adr: Erlandus Jonae Hiärne - Aut: Samuel J. Förnbech (cf.50)
Linköping LB, [Tartu UB]
EPICEDIUM
Conquerar, an taceam? praesentia tempora moesta;
Vivere nunc durum est! flebile posse mori.
Inclinat lacrymisque replet nunc omnia mundus;
Et subito casu, quae valuere ruunt.
5 Hic dolor et fletus tristissimus occupat omnes;
Ah! fragilis finis, principio similis.
Praepositus praesens exemplum ponit ob oclos,[7]
Dum pius ingenio, doctus et emoritur.
Lugeat amissum civis nunc quisque fidelem,
10 Pastorem; Patrem defleat orba domus.
Sit Christus vobis solamen, in orbe relictis;
Ille at in Angelico, vivat ovetque choro.
Haec condolentiae contestandae
ergo apposuit
57. Adr: Erlandus Jonae Hiärne - Aut: Daniel Flojerus (cf. 50)
Linköping LB, [Tartu UB]
EPICEDIUM
O Mors! o tristis! qua non est Tristius ullum!
Fallaci gressu, tu tremebunda venis!
Id Casus docuit nuper quam stabilis iste:
O immane nefas! ah dolor! ah lachrymae!
Solatium:
5 Quod Domino placuit, nobis meritoque placebit:
Quae Dominoque placent, haec bene cuncta cadunt.
Impensissimi luctus contestandi
causa scripsit
58. Adr: Erlandus Jonae Hiärne - Aut: Olaus Dalinus (cf. 50)
Linköping LB, [Tartu UB]
EPICEDIUM
Erlandus Jonae VVermelandus Praepositus
et Pastor Neoviensium:
Per Anagr.
En mors est janua vitae, porta piorum, saepe
in duello serenus, nudus.
Venit homo Nudus terra desumptus aprica
Illius En iterum conteget ossa solum.
Divinus moritur, Mystas venerabilis arae,
Qui commissa sibi pectora salvificis
5 Dictis curavit, spargendo semina verbi
Coelestis, Christi vulnera, flagra loquens.
Vi vocis praestans et cultae flumine lingvae,
ERLANDUS JONAE, praeco Dei superi
Emoritur, summi tradens oracula Regis
10 Cui spinas inter ceu rosa verna viget:
Hinc poterit clarum Nomen delere vetustas
Nulla, sed hoc praestans tempus in omne manet.
Extinctum funus tu plange Neovia plange!
Prima sacerdotum gloria et Urbis honos,
15 Occidit ante diem Pastor tua stella coruscans,
Qui tibi nectarei jussa verenda Dei
Monstravit docte jam morte rapace jacebit
Extinctum funus plangite solliciti.
Sed melius maculas animis extergere tristes!
20 Quam lacrymis madidas semper habere genas.
Janua nam Vitae Mors est et Porta piorum
Quaque fruetur ovans mente serenus homo
Nonnulli ducunt in Mortis saepe duello
Quorum continue pectora moesta fremunt.
25 Pastor at hic Mundum placida cum morte reliquit
Dixit Discedens, hospita terra vale.
Felix o nimium felix novus incola coeli
Cujus et est capitis pacta corona poli.
Hinc Lacrymas oculis vestris prohibete tepentes
30 Liberi et agnati, tu vidua atque pia.
En viget ERLANDUS ludens ubi dulcia tempe
Mulcet et Elysias aura beata rosas.
Condol. animo celeri crena app.
59. Adr: Erlandus Jonae Hiärne - Aut: Nicolaus Garfluvius (cf. 50)
Linköping LB, [Tartu UB]
EPITAPHIUM
Epitaphium.
Hic ego Pastor, Oves qui pavi dogmate sacro,
Oblectansque pia dexteritate, meas:
Extinctus jaceo tollens ad sydera vultum,
Atque diem summum respicio ipse meum.
5 Tunc terra surgam, fulgens splendore perenni,
Haec mea praemia sunt, sangvine parta Dei.
Condolentiae ergo app.
60. Adr: Erlandus Jonae Hiärne - Aut: Andreas Kyander (cf. 50)
Linköping LB, [Tartu UB]
EPICEDIUM
Ultimus sermo Rev. Dn. Defuncti.
Vixi et coelestis Patris constanter honorem
Ex puris verbi fontibus asserui.
Nunc igitur laetus, Christum me ad se revocantem
Subsequor, et cunctis ultima vota dabo.
5 Vive, vale, Conjunx, charique valete Nepotes
Posteritasque Deum tu mea rite cole,
Optime, tu serva Patriam, liberosque Redemptor
Quodque relinquo tibi, Pastor Ovile tuum.
Hisce exiguis suum Reverendum Dn. Affinem
maesto animo prosequitur
61. Adr: Erlandus Jonae Hiärne - Aut: Micahel Wannius (cf. 50)
Linköping LB, [Tartu UB]
EPICEDIUM
Pie Defunctus.
Instruxi multos studio, summoque labore
Multis protuleram jussa verenda Dei.
Sed veluti metam cuncti properamus ad unam,
Non mihi ob id quidquam parcere fata volunt.
5 Te post me linquo Sociatam foedere lecti:
Vosque meos natos: Vivite quaeso pie.
Me non amissum sed praemissum esse putate:
Qua propter lachrymas fundere desinite.
In solatium maestiss. relictorum
tristi crena fudit
62. Adr: Erlandus Jonae Hiärne - Aut: Erlandus Erlandi Hiärne (cf. 50)
Linköping LB, [Tartu UB]
EPICEDIUM
Heu! cito luctus adest mihi! charus sangvinis author
Fato decessit, Spes mea, Vita, Decus.
O grave vulnus!
Indulget lachrymis Mater viduata Marito,
5 Quae quoque nunc solo sola relicta toro.
Sors inimica!
Fundimus et gemitus spoliati qui Genitore:
Quid juvat ast fletus; porrige Christe manus
Summe Patrone!
10 Ulterius lachrymae perfundentes mihi vultum
Scribere me prohibent: Hisce vale Genitor.
Adsis Iësu!
Flens haecce fundeb.
pie Def. Filius.
63. Adr: Erlandus Jonae Hiärne et Magnus Duraeus – Aut: Andreas Flojerus (Solatium coelicum Himmelsk Tröst Aff then 91. Konungh Dawids Psalms 14. 15. 16. Verser Framstält åhr 1654. then 3. Martij. Tå /.../ Erlandus Jonae Hiärne Wermlandia-Svecus, Prowest och Kyrckioherde i Nyens Stadh, i Ingermanlandh, /.../ ther sammestädes bleff begrafuen aff Magno Duraeo, Eccl. Neov. Comm. Dorpt, 1654: J. Vogel) SKB, EAB, [Tartu UB]
EPICEDIUM
Honori,
Duorum in vinea DOMINI fidelissimorum
operariorum:
Unius jam sancte defuncti; Alterius vero labores
vocationis naviter exantlantis.
Servus ut iste bonus lucratus rite talentis
Est: ita et ERLANDVS, foenore in eximio,
Hiärne / talenta sua exposuit; laetusque proinde
Intravit DOMINI gaudia magna sui.
5 Sic quoque Tu DVRAEE facis: pergas pede fausto
Vt coepisti, eadem gaudia teque manent,
Nec non post obitum, Te gloria lausque manebit,
Laus manet in terris, gloria in arce Poli.
Scripsit
Sch. Neoviensis Rect.
64. Adr: Erlandus Jonae Hiärne et Magnus Duraeus – Aut: Zacharias Austrelius (cf. 63) SKB, EAB, [Tartu UB]
EPICEDIUM
Vita qui populo Solers et voce praeivit,
Qua ratione DEUS, quave colendus Homo;
Funere mersus obit, Praestans ERLANDUS IONAE.
Quam saevum imperium mors truculenta tuum!
5 Tu facis, ut careat Pastore Ecclesia fido,
Collegamque Sacer lugeat ordo virum.
Tu facis ut plangat proles orbata parente
Conjugis et conjux fata inopina fleat.
Ast hoc solatur, fuit haec divina voluntas:
10 Illi nec quidquam fata nocere queunt.
Spiritus en! coeli per semper florida Tempe,
Coelitibus mistus, gaudia mille capit.
Condolenti animo celeri crena
adposuit
O-Gothus.
65. Adr: Simon Theodori Hodensius – Aut: Petrus Lidenius (Disputatio III. ordinaria de Scriptura sacra continens quaestionem de usu principiorum rationis, quam /.../ praeside Gabriele Elvering, /.../ in Academia Gustaviana /.../ publicae disquisitioni subjicit Simon Theodori Hodensius, /.../ ad d. < > Aprilis, /.../. Dorpati Livonorum, 1654: J. Vogelius) SKB, UUB, Växjö LB, [Tartu UB]
GRATULATIO
Qvi nimium in rebus Divinis dat rationi,
Is demit verbo salvifico nimium.
Et qui plane nil tribuit rationi in iisdem,
Is statuit brutum, non hominem, esse hominem.
5 Hoc ergo medium nostri tenuere beati
Doctores, hic quod, Sympatriota, tenes,
Asseris et quod sub praeclaro Praeside; Laudem
atque decus paries sic aliquando Tibi.
Praestantissimo Dn. Respondenti, populari
amico et p.t. Auditori suo dilectissimo,
ita gratulatur
Petrus Lidenius, Philos. M. et P.P.
R. Fac. Theol. Adjunct. et Coll. Philos.
p.t. Decanus.
66. Adr: Benedictus Anderae Humble – Aut: Petrus S. Lidenius (Disputatio ethica de magnanimitate et modestia, quam sub praesidio /.../ Petri S. Lidenii, /.../ publicae /.../ ventilationi committit Benedictus Andreae Humble, /.../ ad diem < > an. 1654. /.../. Dorpati Liv., 1654: J. Vogel) SKB, Växjö LB, [Tartu UB
GRATULATIO
Praestantissimo egregiisque studiis addictissimo
Juveni,
Dn. Benedicto A. Humble/ Smolandia-Go-
tho, Populari, Amico et p.t. Auditori suo longe
dilectissimo.
Omnis honos onus est; onus est etiam esse inhonorus
Pulchrum onus at prius est; turpeque posterius.
Ergo prius recte succollandum, ut decet esse,
Hoc discursu, mi Sympatriota, doces.
5 Quis nam ergo dubitat, quin pulchro dignus honore
Sis? Patriae et fias lux peramoena tuae?
Ita Lmque adgrat. PRAESES.
67. Adr: Andreas G. Kyander – Aut: Olaus Wexionius (De virtute morali in genere, discursus ethicus. Quem in Academia /.../ Gustaviana sub directione /.../ Petri S. Lidenii, /.../ placido /.../ examini submittit Andreas G. Kyander, /.../ ad < > Maji anni /.../ 1654. /.../. Dorpati, <1654>: J. Vogelius) Växjö LB, [Tartu UB]
GRATULATIO
Quae natura siet Virtutis dicere multi
Tentarunt multis Philosophi celebres;
Quorum vel sequeris vel pulchris passibus aequas
Conamen; Virtus quam placet ut doceas!
Praeclarae indolis juveni, doctissimo Dn. Respondenti
ita paucis applaudebat
M. OLAUS WEXIONIUS, Polit. et Hist.
Prof. Publ.
68. Adr: Laurentius Ludenius - Aut: Zacharias Klingius (Propemptica in /…/ patriam coelestem migrationem, /…/ Laurentii Ludenii, philos. et J.U. doctoris /.../ poëtae laureati et philologi /.../ professorisque primum in Gryphiswaldiensi, postmodum in Gustaviana Dorpatensi Academiis /.../ nec non bibliothecarij regij, /…/ qui an. M.DCLIV. XXI. Aprilis, aetatis suae LXII. in Christo /…/ obiit, Dorpati, XXX. ejusdem mensis die, in templo cathedrali /…/ sepultus. Ab amicis, collegis, aliisque /.../ scripta. Dorpati, <1654>: J. Vogel) SKB, Linköping LB, H, [Tartu UB]
EPICEDIUM
PIE VIVENTIS ET PIE MORIENTIS
In CHRISTO dormit CELEBRIS LUDENIUS olim
Annos quam plures qui vixit, quique LABORES
Sustinuit MULTOS, Summa cum LAUDE Superstes!
Multa tulit, laetus quod sic PATIENTIA VINCAT!
5 Pacis totus erat, Pacem veneratus amantes:
Nec non CANDORIS totus, simul et PIETATIS!
Letho sublatus licet is vitale reliquit
Lumen, at intravit melioris lumina VITAE:
Appulit ad veram Portam, Portumque SALUTIS!
In perpetuam perquam Laudabilis
Viri memoriam
f.
Zacharias Klingius, SS. Th. D.
per Livoniam Superint. et Reg. Acad.
Dorpat V. Cancellarius.
69. Adr: Laurentius Ludenius - Aut: Andreas Virginius (cf. 68)
SKB, Linköping LB, H, [Tartu UB]
EPICEDIUM
DOCTOR LUDENIUS multos praecelluit arte,
Functus et est jugis munere rite suo.
Ergo dignus erat, longam qui duceret auram,
At placeat nobis, quod modo fata jubent!
5 Terra fovet gremio, quod erat mortale, benigno;
Inque sinu Christi Mens pia semper ovat.
Hic vitae in studio scopus est, haec meta laborum;
Quisquis ad hanc cursum dirigit, ille sapit.
Sic Viro p. m. Consultissimo et Excellentissimo
Dn. D. Ludenio amico et Collegae suo plur.
honorando justo persolvere voluit
et P.P.
70. Adr: Laurentius Ludenius - Aut: Gabriel Elvering (cf. 68)
SKB, Linköping LB, H, [Tartu UB]
EPICEDIUM
LVDENI, quis non justos meditetur honores
Spectatis meritis, quae nostra Academia sensit?
Semper honos nomenque tuum laudesque manebunt.
Doctor eras celebris Sophiae, clarusque Poëta
5 Virtutis monumenta tuae solidamque gemelli
Notitiam juris te decedente canemus!
Nunc tandem senio fessus multoque labore
Oppetis; ast moriens animam committis Iövae;
Corporis exuvias terrae cineresque relinquis.
10 Orbis ad interitum pars haec ac illa quiescet:
Sed tandem suprema dies utramque ligabit.
Sic tua mors non mors, sed iter quod ducit ad illam
Aeternam Patriam, quae meta suprema malorum,
Quae nos fixa manet, quorsum nos tendimus omnes.
In honorem Consultissimi Dn. Collegae ad
meliores translati deproperabat
71. Adr: Laurentius Ludenius - Aut: Heinricus Hein (cf. 68)
SKB, Linköping LB, H, [Tartu UB]
EPICEDIUM
Aethera dum scandit meritis venerandus et annis
LUDENIUS, Sophiae Mysta, Dicaeque decus,
Musarum lumen, coetus primaria docti
Gloria, Dorptensis pulchra corona Scholae,
5 Cui Pietas, cathedrae Rostra et prudentia rerum
Sciverunt ullum vix reperire parem:
Ingentem passa est, heu nostra Academia cladem
Et modo flet sortis tristia damna suae.
Avertat Deus afflicto graviora Lycaeo,
10 Cui cura est populi paxque salusque sui.
Dn. Collegae, fraterno amore sibi devinctissimo,
luctu et desiderio plenus adp.
Profess. Ord. et Dicasterij Regij
Adsessor.
72. Adr: Laurentius Ludenius - Aut: Sebastianus Wirdig (cf. 68)
SKB, Linköping LB, H, [Tartu UB]
EPICEDIUM
Tandem, tot studiis illustribus exantlatis,
CLARE VIR, in summo jam requiesce DEO.
In summo requiesce DEO, VIR CLARE, laborum
Annorumque satur, vive, quiesce, DEO.
et P.P.
73. Adr: Laurentius Ludenius - Aut: Ericus Holstenius (cf. 68)
SKB, Linköping LB, H, [Tartu UB]
EPICEDIUM
Plangite Pierides, Clario dicata Juventus
Luge, et tristitiae da nova signa tuae.
Doctor LUDENIUS docti Decus Ordinis, Orbi
Delicium, Phoebi Gloria, nunc obiit!
5 Occubuit! viridi et tumulatur cespite terrae;
At fama celebris, dum manet Orbis, erit.
Veri doloris contestandi, ultimique honoris pie defuncto
exhibendi gratia haec posuit
Hebr. et Graec. Ling. Profess.
74. Adr: Laurentius Ludenius - Aut: Ericus Lidenius (cf. 68)
SKB, Linköping LB, H, [Tartu UB]
EPICEDIUM
EPICEDION.
Sta non nihil Viator, heic LUDENII
MAGNI Cubile. Marmor hoc parvum capit
magnum illud Orbis eruditi et splendidum
SYDUS. Vide! quam parvo is arctatur loco,
5 qui lumine Eruditionis maximae
Complevit universa Regna Europica.
Imo Poli utram vis Domum pulcherrima
qui nominis fama replevit: (Numine
sic annuente maximo) cujus Jubar
10 ingentis eruditionis haec Loca,
cumprimis illustravit annos plurimos.
postquam Rosetum illud Megapolis, dehinc
Almam Gryphiswaldum, ejus illustris, calor
Splendorque Doctrinae, fovere coeperat,
15 feliciterque suscitarat pectora
multorum ibi, ad praeclara quaeque. En! occidit
jam Sydus illud orbis eruditi, ea
perpulchra Fax Scholarum et hujus inclytum
Lumen Lycaei. O casus asper Literis!
20 O Fata dura! Quis dabit LUDENIO
Quemquam parem vena Pegasia? cui
tam purus atque argenteus fluit Latex
Sermonis Albani? Sed ista lege Nos
accepimus Virum hunc Beatum, caetera
25 qua Nobis heic caduca contingunt bona:
ut nempe eo tandem careremus. Proin
jam coelicus civis, LUDENI, facte, ave!
et plurimum salve! tuoque gaudio
Laetus fruiscere, o DECUS magnum Poli!
30 suspiriis ingentibus quivis vovet
Temet sequi, quando Deus vocaverit!
Paucula haec Viri supra laudes immortabili
memoriae litab.
M. PETRUS LIDENIUS, Log. et Ethicae P.P.
R. Fac. Theol. Adjunctus et Colleg. Phil. p.t.Decanus.
75. Adr: Laurentius Ludenius - Aut: Olaus Wexionius (cf. 68)
SKB, Linköping LB, H, [Tartu UB]
EPICEDIUM
Summus Vir nostro vere admirabilis aevo.
LVDENIVS, Themidos et Sophiae, ille, decus:
Quem jactare suum quondam Gryphosylva solebat,
Quem nuper Dorpat dixerat esse suum,
5 Post exantlatos ingenti Laude labores
Immensos mea quos dicere Musa nequit.
In Patriam revocante Deo, concessit, ut ampla
Praemia conciperet victor in arce Poli!
Iccirco praesens queis est discessus acerbus,
10 Solamen praebet, quod fruitur gemina,
Heros ingenij, vita, nam tecta Sionis
Excipiunt animam, hic sed pia fama manet.
Inscriptio Sepulchri.
|
15
20
25
30
35
|
Hoc Marmore tegitur corpus, Magni Illius Juris consulti, Philosophi, Poëtae, Oratoris et Philologi, ad miraculum eruditi; Qui cum Academias, Gryphswaldensem per annos XVII. Dorpatensem vero hanc continuos XX. Professor Juris et Philosophiae illustrasset, Perplurimaque ingenij sui monumenta Posteritati consecrasset, Placide et in Domino Die XXI. M. Aprilis AN. MDCLIV. exspiravit. Annos natus ferme LXII. Tu, qui haec legis, siste, et aeternitatem cogita! |
sc.
Polit. et Hist. Prof.
76. Adr: Laurentius Ludenius - Aut: G. Lidenius (cf. 68)
SKB, Linköping LB, H, [Tartu UB]
EPICEDIUM
Dixisti pugnans: Vincam mea fata precando;
Jam victor, Vici, dicere jure potes.
Ad beate Defuncti Symbolum alludens,
paucula haec appos.
77. Adr: Laurentius Ludenius - Aut: Andreas Windbergius (cf. 68)
SKB, Linköping LB, H, [Tartu UB]
EPICEDIUM
Plangite BECCIADES, suffundite lumina rore,
Castaque nunc palmis tundite corda Piis.
Barbita ter clangant queritantia tresque sorores,
Totaque Musarum lugeat alma cohors!
5 Heu nimium propero nam funere raptus obivit
LUDENIUS, Sophiae, Doctor et Eunomiae,
Quem labor et pietas et flecti nescia Virtus,
Candor et integritas inseruere peplo.
Ille novenarum Decus immortale sororum,
10 Laus Patriae, et nostri gloria summa chori,
Sedulus hospitij per amoena rosaria vestri
Lustravit, coluit vestra vireta frequens.
Charus erat Musis vates: dulcedine mira
Fundebat variis carmina bella metris.
15 Omnibus is gratus, nulli gravis, omnibus idem
Praestitit officij munera prompta sui.
O fatum infelix, o Parcae haud laedere parcae!
Sic rapitis dignum perpete luce Virum?
Sed fuit in fatis: Voluit Divina voluntas,
20 Spes illi in Christo certa salutis erat.
Ossa tegit tellus: coelo mens alta recepta est,
In nostro et mundo fama superstes ovat.
In debitum honorem, ultimumque amoris monumentum Praecellen-
tissimi Laurentij Ludenij Ph. et J.U.D. Celeberrimi, Historici
versatissimi, Oratoris tersissimi, Poëtae lepidissimi, Theologi pi-
entissimi, Senioris Venerandi, Praeceptoris quondam de-
sideratissimi, haec suprema justa non sine Lacrymis
persolvit
78. Adr: Laurentius Ludenius - Aut: Olaus Dalinus (cf. 68)
SKB, Linköping LB, H, [Tartu UB]
EPICEDIUM
Doctor Laurentius Ludenius Holsatus, Acade-
miae Dorpatensis Professor quondam et Poëta Coronatus
celeberrimus.
Per Anagr. et Acrostich. simul.
Luctibus incedit Studiosa Juventus! pulsata flet, quaeso parcas,
nonne addas de rore rosas, mors moerore hoc tempore.[8]
Enodatio.
Luctibus incedit Dorptae Studiosa Juventus,
L uctus adest, luctus copia larga Sonat!
A h querulo querulae, luctu procedite Musae,
U mbras namque pius cessit ad Elysias,
5 V ir grege Pierio vere patris instar amandus
D e meritisque bonis innumerabilibus.
R ore decet merito suffundere lumina largo,
Et nae pullata nos redimire toga.
E heu luctus adest, Spectacula tristia cerno;
10 Nam flet processu tota corona virum.
N onne fuit quondam cedo lauriger ille Poëta?
I n tumulo recubans jam bene marmoreo
T erra petit corpus, vapor igneus aethera scandit,
V ult nam quodque suo semper inesse loco.
15 I ngemo nunc tristi funebria carmina metro
S. cribens, ex oculis decidat imber aquae.
U t Deus hoc nobis deflendo tempore parcas
D. E tenui quaeso, corde precorque meo.
S. ic moerore rosas tandem sine vivimus inter,
20 A. ddas nosque tibi coelo ubi Mors aberit.
Prosopopoeja pie defuncti ad viduam relictam
moeliss.
Chara Marita
Huncce perita
Linque dolorem
Propter amorem
25 Numinis almi;
Ente Supremo
Omnia remo
Sic moderante
Atque volente
30 Quis remoratur;
Cedis; ita inquis:
Terrea linquis
Coelica anhelas
Postque querelas
35 Gaudia vera
Gaudia sumis
Dissita fumis
Dissita ventis
Gaudia sentis
40 Tempus in omne;
Ergo Maritae
Dico Peritae
Pergito mecum
Sic ego tecum
45 Vivere possum;
En sine cura
Vita futura
Est et amoena
Haecce Serena
50 Tempore quovis;
Hic sine morte
Vivito sorte
Rite beata
Atque parata
55 Omne per aevum;
Ecce caducis
Degere fucis
Non cupit ille
Gaudia mille
60 Qui sapit alta;
Hic benedicti
Patris amicti
Vestibus estis
En ero testis
65 Semper in albis.
Ah! dolor ingens
Deficit haerens
Dicere plura
Vox peritura
70 Ergo Valete.
Ad condolentiam contestandam haecce
DorpatI eX Crena tenVI ConsCrIpsIt OLAVS
ACtIbVs aC trIstIs VIXerat ante DALINVS.[9]
79. Adr: Laurentius Ludenius - Aut: Erlandus Erl. Hiärne (cf. 68)
SKB, Linköping LB, H, [Tartu UB]
EPICEDIUM
Fvnus adornare hoc, cunctos Heliconis alumnos
Carminis obsequio, Magnus Apollo jubet.
Idque haud immerito, fuerat nam gloria Vatum;
Dulce cui famae stat sine morte decus.
5 Caesaris auspicio, de rupe bivertice Pindi,
Musarum e manibus laurae serta merens.
Finxit ab ingenio fluitantia carmina ludens,
Et quasi de Pharetra carmina culta bona
Deprompsit. Liquidi eloquij gravissimus hicce,
10 Velatus ramis Palladis, arte fuit.
Aonium caetum prope bina decennia Dorptae
Ingenue instruxit sedulitate sua.
Ore, manu, vita cupiit prodesse cuivis,
Innixus uni speque fideque DEO
15 Cum decies senos geminosque peregerat annos,
Conatu assiduo viribus aeger erat.
Numinis imperio lumen vitale reliquit,
Nunc vero aeternae gaudia pacis habet.
Debiti obsequij ergo
80. Adr: Johannes O. Luth - Aut: Gabriel Elvering (Sacris magisterii honoribus, quos /.../ decanus faculatatis philosophicae /…/ Petrus S. Lidenius, log. et eth. professor ordinarius, ac /.../ SS. Theol. adjunct. /.../ in Regia Gustaviana Adolphina Academia, quae Dorpati /.../ est /.../ die XIV. Decemb. an. M.DC.LIV. publice /.../ conferebat /…/ Johanni O. Luth, /…/ seqq. carminibus applaudunt patres civesque academici. Dorpati Livonorum, <1654>: J. Vogelius) Linköping LB, [Tartu UB]
GRATULATIO
Ad Eximium Virum
Facult. Philos. Adjunctum.
Vndique circumstans me copia reddit egenum,
In laudes quando lintea pando tuas.
Optima spes Patriae, Mi LUTH nova fama Minervae,
Et nostrae fulgens gemma futura Scholae.
5 Judico si quicquam, me judice, digna capessis
Serta Magisterii, summa brabea Sophωn.
Si dabis et sacris quod te confido daturum
Tantum olei, tanges culmina Theulogiae
Perge ita paulatim et felici emergito cursu,
10 Gratia namque DEI plura brabea dabit!
Gratul. scrib.
S.S. Theol. P.P.
81. Adr: Johannes O. Luth - Aut: Ericus Holstenius (cf. 80)
Linköping LB, [Tartu UB]
GRATULATIO
Mercurii Suboles Sophiae Praeclare Magister
JOHANNES, docti Fama Decusque Chori.
Vive novo felix Titulo, Patriaeque Tibique
Commoda fer gnavus, sicque Magis-ter eris.
Ita Amico suo suavissimo gratulari
voluit
et Graec. Ling. Prof. Ord.
82. Adr: Johannes O. Luth - Aut: Olaus Wexionius (cf. 80) Linköping LB, [Tartu UB]
GRATULATIO
Doctrina clarus dum praemia clara reportas,
Quae meruit pridem (signa Magisterii).
Virtus et Pietas tua LUTHI, mi peramande:
Te voto tali prosequor: ac voveo.
5 Sit Patriaeque DEOque et cunctis gratus amicis,
Qui tibi confertur clare MAGISTER honos!
sc.
Polit. et Hist. Prof.
83. Adr: Johannes O. Luth - Aut: Andreas Hellenius (cf. 80)
Linköping LB, [Tartu UB]
GRATULATIO
Eximie et Praestantissime Dn. Candidate
Fautor et Amice plurimum honorande,
Ita tuae Eximiae Praestantiae Novos
honores gratul.
84. Adr: Johannes O. Luth - Aut: Andreas Windbergius (cf. 80)
Linköping LB, [Tartu UB]
GRATULATIO
Clare JOHANNES LUTH, magni en gestamen honoris,
Offert nunc merito Dorptica Musa tibi.
Exornant frontem Phoebaeae germina frondis,
At digitos aurum, pileolusque Comam.
5 Libris oblatis, ardenteque luce, Decani
Per vocem magna laude Magister ovas.
O felix nimium felix: Post funera vivet,
Et fulgebit honor nominis iste tuus;
Huic ergo grator lauro peramande Magister
10 Quam tibi virtutes progenuere tuae.
Gratulor et Patriae, Patriis Templisque Scholisque,
Ulnis quae excipient te pariterque suis.
Inter honoratos Clarum caput effer ad annos
Nestoris et felix incolumisque mane.
Sic Amico suo infucato, in debiti honoris et
fraternitatis recordationem, tenui Tha-
lia gratulabundus adplaudit
85. Adr: Johannes O. Luth - Aut: Josias Josephi Fougdman (cf. 80)
Linköping LB, [Tartu UB]
GRATULATIO
Praemia Doctrinae, quae confert Dorptica Musa
Sympatriota Tibi, merito sunt digna labore.
Gratulor ex animo: nec non laetantur Amici,
Optatam studeas quod sic contingere metam,
5 Et nostram Patriam sic condecorare adamandam
Fido propterea nunc opto pectore, Christus
Vt studia et posthac tua semper prospera reddat.
Quod in infucati amoris signum Sympa-
triotae suo dilect. app.
86. Adr: Johannes O. Luth - Aut: Ericus Holsteen (cf. 80)
Linköping LB, [Tartu UB]
GRATULATIO
Tuus
87. Adr: Johannes O. Luth - Aut: Olaus Dalinus (cf. 80) Linköping LB, [Tartu UB]
GRATULATIO
Carmina deberem plaudentibus edere Musis,
Atque modis metricis cogere verba suis;
Conspicuo juveni nam laurea serta parantur,
Pulcris facta rosis, floribus ac variis:
5 Cui sunt Pieridum felicia dona sororum,
Aonii et nostri portio magna Chori.
Carminis inventrix quoniam sed docta Minerva,
Quae facit aeterno carmina grata DEO;
In vatum renuit me doctum ponere censum
10 Ingeniis quorum turba novena favent.
Carminibus laudes celebrent quibus adsit Apollo
Versus dum tentant ore movere suo.
Pro versu votum tacitum de corde repono
Sincero, paucis prospera cuncta precans:
15 Felix ter faustus nunc IANNES arte Magister
Vive valeque diu, quo tibi crescat honor.
VIVIto feLICI saLVVs sVb sIDere, CVnCta,
Aethera DIffVgIant Ita, seCVLa, nIgra, VaLeto.[10]
Praestantissimo Dn. JOHANNI LUTH, cum
Phaebaea Dorpati Livonorum co-
ronaretur, sincero ex animo exaravit
Svecus.
88. Adr: Johannes O. Luth - Aut: Benedictus Nicolai Ekaeus (cf. 80)
Linköping LB, [Tartu UB]
GRATULATIO
Musarum decus et Sophiae praeclare Magister,
Gratulor Ingenium, non latuisse tuum:
Verum imberbem te Juvenem tantos ad honores,
Hac aetate tua quod vehit, in vegeta.
5 Proficui Tibi sint tanti, mi Fautor honores!
His DEUS optatis pondus inesse jube!
Χαῖρε διδάσκαλε τῆς σοφίας, καὶ φίλτατ᾿ ἀδελφὲ,
Λάμβανε νῦν τιμὴν σοι μάλα εὐπερεπέα.
Sic debiti amoris et honoris ergo, Ma-
gisterio sui honorandi Fautoris gratu-
lari voluit
89. Adr: Johannes O. Luth - Aut: Detlaus Kölner Hindrichsson (cf. 80)
Linköping LB, [Tartu UB]
GRATULATIO
Armipotens ut Mars subeuntibus aspera belli,
Offert Virtutis praemia grandia: sic
Piërides haud Cultores levioribus, almae,
Donis afficiunt muneribusque, suos.
5 Strenue Musarum sectator, Clare JOHANNES
Es LVTH, Exemplum non leve cumque aliis:
Te nam frondis honore ornant cinguntque corona;
Num Juveni id laus est? Ah Decus eximium!
Laudi perge sacris studiis hinc Cunctipotenti,
10 Vtilitati et, quae te genuit, Patriae.
Quid dicam! Genitores, quam gratantur Amici,
Tangere te metam, multa ferendo, bonam.
Dulcisono sileam nunc ore effundere laudes?
O Cognate tibi; qui unus ab his quoque sum,
15 Ecce precor regat hinc conatus Rector Olympi
Actus ac omnes rexit ut usque tuos.
Hisce paucis cognato suo dilectiss.
gratulabatur
90. Adr: Johannes O. Luth - Aut: Henricus Platzman (cf. 80)
Linköping LB, [Tartu UB]
GRATULATIO
Omine fertur
Huicce Magistro
Aonio nae
5 Numinis aura,
Nobilis atque
Enthea laurus
Sedulitate.
Omine fausto,
10 Laude perenni,
Accipe honores,
Jova secundet!
Lauriger arte
Usque vireto,
15 Tuque faveto
Haec properanti.
Ita amico infucato infucate
cecinit
Svecus.
91. Adr: Johannes O. Luth - Aut: Gustavus Erici (cf. 80) Linköping LB, [Tartu UB]
GRATULATIO
Gratulor ex animo tibi nunc, Praeceptor amande
Quod studiis tandem digna brabea feras:
Hinc precor, eximii, qui jam tribuuntur, honores
In laudem vergant Numinis ac Patriae.
Paucis hisce Praeceptori suo observ.
de novis honoribus gratul. voluit
92. Adr: Daniel Oeslovius – Aut: Gabriel Elvering (Justa /.../ Dn. Danieli Oeslovio, SS. Theol. et philosophiae, in alma Academia Dorpatensi studioso /.../ nec non Regiae ibidem Scholae collegae /.../ qui 12. Maji an. 1654. /.../ ex aerumnosa hac valle discessit; /.../ terreum autem ejus quod fuit, terrae matri in templo Mariano Dorpatensi /.../ commendatum est, ejusdem a praeceptoribus et commilitionibus soluta. Dorpati Livonorum, <1654>: J. Vogelius) Linköping LB, [Tartu UB (def)]
EPICEDIUM
Horrida mors iterum fractis bacchatur habenis
Et rapit ingenuum contumulatque Virum.
Te quoque febris edax, Oeslovi, invadit et igne
Ustulat. Heu nostrae flamma nociva Scholae!
5 Ingenium dederat praestans natura quod ipsum
Ornavit probitas assiduusque labor.
Optima quaeque manu rapit inclementia mortis,
Implentur numeris deteriora suis.
Sed Te felicem, Daniel, quod ardua certam
10 Cum morerere fide stravit ad astra viam.
Nos quoque Te, Oeslovi, nec erit mora longa sequemur,
Propitius si nos jusserit ire Deus.
Ultimum defuncto honorem exhi-
biturus fecit
SS. Theol. Prof. Ordin.
93. Adr: Daniel Oeslovius – Aut: Ericus Holstenius (cf. 92)
Linköping LB, [Tartu UB (def)]
EPICEDIUM
En jacet Mortis jaculo furentis
Ictus hic, primo melioris aevi
Flore, doctarum DANIEL sororum
pulchra propago.
5 Ille dum vixit pius atque promptus
Muneris partes obiit, probosque
Inter is luxit, velut inter astra
Luna, minora.
Sed DEO visum revocare justum,
10 Angelos inter locitare coelo et
Nunc fuit; moesti lachrymas proinde
Mittite tristes!
Παραμυθίαςἕνεκα ἔθηκε.
Hebr. et Graec. Ling. Profess.
94. Adr: Daniel Oeslovius – Aut: Petrus Lidenius (cf. 92)
Linköping LB, [Tartu UB (def)]
EPICEDIUM
Euge illum cursum, mihi quem fixit Deus ipse,
absolvi properans, optima metaque adest.
Certavique brevi, certamina, tempore, multa,
hostes devici multiplicesque meos.
5 Victor ovans igitur victricia pono trophaea,
in pacis requie degoque victor ovans.
Inque lucro posui mea quantulacunque talenta,
sic reddens Domino, quae dedit ipse mihi.
Ergo me servum, Dominus sua gaudia amoena
10 nunc intrare jubet, se finit atque frui.
Jo! me felicem! Jo! terque quaterque beatum!
enarret quisnam gaudia tanta mea?
hisce describendis τῷ νῦν ἐν ἁγίοιςcalamum
meum accommodavi
Profess. publ. et Colleg. Phil.
Decanus.
95. Adr: Daniel Oeslovius – Aut: Olaus Wexionius (cf. 92)
Linköping LB, [Tartu UB (def)]
EPICEDIUM
Dorpatum queritur, moeret Smolandica terra,
Oeslovium subito sic cecidisse suum.
Solatii moestis igitur quid promere fas est
Desinat ut questus mensque quieta siet?
5 Hic paucis dicam. Lector modo concipe mentem
Obtutum Lacrymis atque levato tuum;
Nam coelo Oeslovius noster maturus obibat
Quem canum virtus fecit et alma fides!
sc.
Polit. et Hist. Prof.
96. Adr: Daniel Oeslovius – Aut: Gamaliel Bergh (cf. 92)
Linköping LB, [Tartu UB (def)]
EPICEDIUM
Dum terrena virent Majano germine rura,
Tu vireas coeli cespite sydereo!
Salve flos coeli! Salve tu germen olympi!
Germen olympiacum vive vireque diu.
Hisce exuvias Beatissimi sui conterranei
prosequitur moerens
Past. ad D. Georgij.
97. Adr: Daniel Oeslovius – Aut: G. Lidenius (cf. 92)
Linköping LB, [Tartu UB (def)]
EPICEDIUM
Monstrarat quando Danieli Jova Prophetae,
Omnia quae secum mundi tractura ruinam
essent, mox inquit: Daniel charissime tandem
Tute cubile tuum tumulum intrato, requiemque
5 capta, exire queas redivivus ut inde dierum
in fine, et laetus caelestia tecta subire.
Te Daniel, Dominus, mundo minitante ruinam,
jam quoque abire jubet, placidumque intrare cubile,
Donec erit tandem redivivus ut inde resurgens,
10 corpore juncto animae, subeas coelestia tecta.
98. Adr: Daniel Oeslovius – Aut: Olaus Bergius (cf. 92)
Linköping LB, [Tartu UB (def)]
EPICEDIUM
Praeteriere hodie tres hebdomades fere, abinde
quo rexit cantum DANIEL OESLOVIUS, ast nunc
proh dolor! ante oculos nostros jacet in libitina;
unde videre licet, quanta inconstantia vitae,
5 Humanae: Idcirco reverenter caelipotentem
Supplicibus votis noctesque diesque rogemus,
semper adesse velit nobis cum flamine sancto,
quo tandem placide ex hoc orbe migrare queamus.
Condolenti animo apposuit
Ph. C.
99. Adr: Daniel Oeslovius – Aut: Petrus Nicolai Virgander (cf. 92)
Linköping LB, [Tartu UB (def)]
EPICEDIUM
Nunc cadis, Oeslovi, miserandum et flebile corpus,
Candidiore mihi jure sodalitij
Qui fueras junctus! miserum me, Parca fidelem
Et Charum fratrem cui rapit ante diem!
5 Sic pietas, probitas, juvenis sic gratia, vultus,
Mortem festinam flectere non potuit;
O mors crudelis; O cito tu rapis illum,
qui multos annos vivere dignus erat!
Sed quid multa queror, sedet en Oeslovius arce
10 In superum laetus, gaudia mille capit;
Salve ergo Daniel civis nove coelice salve,
Salve iterum atque iterum perpetuoque Vale.
Ultimi honoris et debitae condolentiae,
contestandae E. scripsit
Smolandia Svecus.
100. Adr: Daniel Oeslovius – Aut: Petrus Sporsoelius (cf. 92)
Linköping LB, [Tartu UB (def)]
EPICEDIUM
Heu, heu! quam varios casus, quot dira pericla[11]
Specto! nam lethi saevit ubique furor.
Imperio cujus fortis non Simson abivit,
Non Sapiens Salomon, nec Cyrus ille pius.
5 Quem Juvenem Daniel sapiens in perfide princeps
In Susis docuit numen amare Dei.
Et magno domuit victum satis agmine Craesum
Assyriis tulerat, qui furibundus, opem
Oeslovius Daniel nunc heu, popularis amandus
10 Spe citius terram linquit et astra petit,
Parte sui meliore petit stellantis moenia coeli,
Terrea pars, terra matre tegenda jacet.
Omnia sic fragili pendent mortalia casu,
Et subito motu quae viguere ruunt.
15 Sistite sed lacrimas querulos superate labores
degit nam DANIEL noster in arce poli.
Funus et exequias digno comitemur honore,
Solventes socij debita justa, rogo.
Inter lugentes app.
Calm.
101. Adr: Daniel Oeslovius – Aut: Daniel Flojerus (cf. 92)
Linköping LB, [Tartu UB (def)]
EPICEDIUM
Decurrunt ut aquae loca per declivia multum,
Et cito veloci transitione fluunt:
Sic Hominum subito cunctorum labitur aetas,
Et transit praesens tempore vita brevi.
5 Experientia sic fieri jam Comprobat ipsa,
Horaque jam praesens, addocet illud opus.
Mutarunt vitam instabilem cum morte beata
Tres Studiosi sic, ante dies aliquot.
Smolandi miseram Studiosi plangite sortem!
10 plangite! Nam Cogit Parca rigare genas.
Ante diem occubuit, violentia morteque caesus
Oeslovius, charus Sympatriota meus,
Corpus humo tegitur, vivit mens incola Coeli,
Et Canit aeterno carmina grata DEO.
Moestissimus scripsit
102. Adr: Daniel Oeslovius – Aut: Simon Theodori Hodensius (cf. 92)
Linköping LB, [Tartu UB (def)]
EPICEDIUM
Jure ego nunc doleam Sincero orbatus amore,
Oeslovij fidi, quem mihi Parca rapit,
Me patriis oris vexit quando huc celer auster:
Tu comes inque via mite levamen eras.
5 Tuque dehinc Socius, frater, lepidusque Sodalis,
Conjunctus studiis ut manus altera eras.
Atque Sodalitij pars antiquissima nostri
Non magis in terris! tu mihi talis eris!
Fallunt vota viros! sunt inconstantia cuncta,
10 Te sequerer: verum ut res modo fert faciam.
Tu laetus fruitor coeli splendore corusco;
Nos quos liquisti condimus exuvias!
In ult. honorem sodalis sui, moestus
app.
103. Adr: Daniel Oeslovius – Aut: Johannes And. Dryander (cf. 92)
Linköping LB, [Tartu UB (def)]
EPICEDIUM
HOMO.
104. Adr: Daniel Oeslovius – Aut: Olaus Dalinus (cf. 92)
Linköping LB, [Tartu UB (def)]
EPICEDIUM
Defunctus ad Viatorem.
Siste viator iter, subitos gressusque retarda
Admoneo, tibi nil quit nocuisse mora.
En vegeto quondam florebam corpore laetus
Pierii ac castris, Marte probatus eram;
5 Numinis et metuens superi metuensque parentum,
Utraque ceu pietas postulat ecce sui!
Mors properata mihi disrupit licia vitae,
Nil profuit pietas obsequiumque mihi.
Vita beata tamen, me coelo, longa manebit
10 Hoc profuit pietas obsequiumque mihi.
Disce timere DEUM, simul et parere parenti,
Aeternaeque tibi regna salutis erunt.
Perge viator iter quo se tua semita flectit,
Evenit, restat, quod mihi morte, tibi.
Haecce lugenti animo
app.
105. Adr: Daniel Oeslovius – Aut: Johannes Lidenius (cf. 92)
Linköping LB, [Tartu UB (def)]
EPICEDIUM
Sic dubios hominum casus nos cernimus omnes!
Sic agitant miras aspera fata vices!
Nunc emersus iter DANIEL quod restat eundum;
Quis scit quem nobis proximus ordo capit!
App.
106. Adr: Daniel Oeslovius – Aut: Petrus B. Tochelius (cf. 92)
Linköping LB, [Tartu UB (def)]
EPICEDIUM
Plangite! Spes Patriae, Soboles nitidissima Phoebi
Discessit fratrum, deliciumque bonum!
Rara fides hominis cunctis bene nota sepulti
Sincera famae nomina digna feret.
5 Cum te fata volunt pulchra redimire corona
Vive DEO laetus! fama superstes erit!
sc.
107. Adr: Daniel Oeslovius – Aut: Zacharias Colliander (cf. 92)
Linköping LB, [Tartu UB (def)]
EPICEDIUM
OESLOVII exuvias mersit mors invida terris,
Nixa fides animam, vixit ad astra DEO,
Quae capit Abrami in gremio secura quietem,
Dum migrat positas rursus in exuvias.
5 Vere obiit raptus, non vere raptus: abivit
Ut vere aeterno laetior huc redeat.
Hoc tumulo charos, juxta jacet ille sodales
Vnica qui viduae spes genitricis erat.
Sed bene habet namque est factus coeli novus hospes,
10 Exultat ubi ovans atque DEO fruitur.
In piam memoriam convictori,
affini et fratri suo jucundissimo
haecce moestiss. reliquit
108. Adr: Daniel Oeslovius – Aut: Petrus Liung (cf. 92)
Linköping LB, [Tartu UB (def)]
EPICEDIUM
Qvi Studiosorum ceu splendida stella cohortem
Ornavit nuper DANIEL, en obiit!
Cui modo vernavit vitae florentior aetas.
Ver agit in Coelis perpetuum atque viget.
109. Adr: Daniel Oeslovius – Aut: Erlandus Hiärne (cf. 92)
Linköping LB, [Tartu UB (def)]
EPICEDIUM
Divino Auspicio Nova et Ille En Lampas Olympi Est
Sic Laetatur Ovans ac Vult Ibi Vivere Semper.
Tristissimus scripsit
110. Adr: Daniel Oeslovius – Aut: Georgius Hoffmann (cf. 92)
Linköping LB, [Tartu UB (def)]
EPICEDIUM
Daniel Oeslovius tumulo tumulatur in isthoc,
Qui dante vixit dignus amore fuit.
Jam vita in coelo fruitur, vereque beatus
<vir> in aeternos absque dolore dies.
Haec condolentia E.
app.
Smalandus.
111. Adr: Daniel Oeslovius – Aut: Nicolaus B. Hagenius (cf. 92)
Linköping LB, [Tartu UB (def)]
EPICEDIUM
Quatuor sunt causae quas nos perpendere fas est,
Forma et materia, hinc finis et efficiens.
Forma quid est hominis, nisi mens mala, vana voluntas?
Principium quodnam Materiale? Nihil.
5 Materiam cum forma igitur ne suspice; Solus
Finis et efficiens respiciendus erit.
112. Adr: Daniel Oeslovius – Aut: Andreas Almelinus (cf. 92)
Linköping LB, [Tartu UB (def)
EPICEDIUM
D esistant igitur Mea fata dolere camoen AE
A spicio miris Astra notata modi S!
N unc mihi pro tristi Gemitu pia jubila Coe LO!
I nque pater blando Nos tenet ipse sin U!
5 E ia vale munde, en Iam celsa cacumina coel I
L ustro; Laudo DEUM, qui sine fine bon US!
Quod inter lachrymas
scribebat
113. Adr: Daniel Oeslovius – Aut: Benedictus Andreae Humble (cf. 92)
Linköping LB, [Tartu UB (def)]
EPICEDIUM
D um te noluerant in terris vivere parc AE
A ccepit palma cum meliore Deu S
N uminis et summi nunc splendens ante tribuna L
I n coelo acceptus coelicolumque ChorO.
5 E xuviasque tuas volumus nos condere vi VI
L aude feret famam postea quisque bonUS.
SiC ego quI quonDaM te convictore fruebar
Aspera fata doLens, solVere justa volo.[12]
114. Adr: Daniel Oeslovius – Aut: Philippus Schmidel (cf. 92)
Linköping LB, [Tartu UB (def)]
EPICEDIUM
Qvid canet in gemitu, quid proferet et mea Musa
Cum te mors Daniel praecoce falce rapit!
Hoc ego quid videram lacrimans Epicedia canto
Sed nil sunt lessus, nilque juvat lacrimae!
5 Gratulor ast tantos fratri contingere honores,
Quos illaesa hominum lumina nulla ferant.
Nosque aliquando etiam Dominus sociabit amantes,
Et <secla> faciet prosperitate frui.
115. Adr: Daniel Oeslovius – Aut: Sueno Alinus (cf. 92)
Linköping LB, [Tartu UB (def)]
EPICEDIUM
<...> petis coelos, vernant quando omnia terris;
<Per>petuum degas ver Paradisiacum.
sc.
Smol.
116. Adr: Daniel Oeslovius – Aut: Olaus Juncaeus (cf. 92)
Linköping LB, [Tartu UB (def)]
EPICEDIUM
In terris mihi nulla quies, ast irrequieto,
Jactabar valde terribilique mari.
Hic sed ago vere vernantia tempora vitae,
Atque meum cingunt florida serta caput.
5 Hic hic cuncta virent, hic hic nova temporis aetas,
Hic hic lucescunt tempora laeta poli.
Et cumque post mortem, nos tali vita fruamur
<…> lacrimas idcirco omnes patriotae.[13]
Festinante calamo
scripsit
Calmariensis.
117. Adr: Daniel Oeslovius – Aut: Anonymus (cf. 92) Linköping LB, [Tartu UB (def)]
EPICEDIUM
Fluminis, ecce hominis cita vita resolvitur instar
Flumen, amare mare ut; sic petimusque mori
Ortu <…>[14]
118. Adr: Petrus Laurentij Arbogensis – Aut: Gabriel Elvering (Sacris magisterii honoribus, quos /.../ decanus facultatis philosophicae /…/ Petrus S. Lidenius, log. et eth. professor ordinarius, ac /.../ SS. Theol. adjunct. /.../ in Regia Gustaviana Adolphina Academia, quae Dorpati /.../ est /.../ die XIV. Decemb. an. M.DC.LIV publice /.../ conferebat /.../ Petro Laur. Arbogensi, /.../ seqq. carminibus applaudunt patres civesque academici. Dorpati Livonorum, 1654>: J. Vogelius) H, [Tartu UB]
GRATULATIO
Praestantissimo Viro
Hactenus ingenuas mentem formare per artes
Ac vigili tentare manu, quae forte Sophorum
Phoebus Aristoteles Genij monumenta reliquit.
Te Praeceptores viderunt tempore longo.
5 Nunc palmam Tibi, Victor, habe, monumenta labore
Accipe digna tuo, Sophiae cape latus honores.
Et nunc et quondam praestans lucrabere nomen.
Animitus gratulatur
P.P.
119. Adr: Petrus Laurentij Arbogensis – Aut: Ericus Holstenius (cf. 118)
H, [Tartu UB]
GRATULATIO
In terris celsum, nunc Marte vel Arte paratur
Nomen, et est celebris Martis et Artis honos.
Martis ament nomen Bellonae dedita corda,
PETRE sed Arte tibi gloria parta placet.
5 Quod placet ecce datur, dum diceris Arte Magister,
In Mundo et docta clarus ab Arte clues.
Sit quaeso faustum tibi nomen ab Arte paratum,
Et vivas Patriae clarus ab Arte, tuae.
In felix omen gratulab.
apposuit
Heb. et Gr. Ling. Prof. Ord.
120. Adr: Petrus Laurentij Arbogensis – Aut: Petrus Lidenius (cf. 118) H, [Tartu UB]
GRATULATIO
Artis utrum vel Martis honor, multi dubitarunt
praecellat? Dico: Laus sua utrumque manet.
Hostes debellat Mars externos, populosque
Subjugat: Ars mores subjugat indomitos
5 Fortior est qui se quam qui fortissima vincit
Moenia nec virtus altius ire potest
Dixere Antiqui: quicquid sit: non minor est laus
Artis quam Martis quilibet ingenuus
Dicet. Non igitur Te, perdocte ARBOGIENSIS
10 quod sis sectatus Castra Heliconiadum
Jam piget: Ecce Tibi pulcerrima laurea serta
Ipsa parat Pallas, signa Magisterij
Artis honos sic Teque manet nomenque decusque
sint haec fausta Tibi! Macte Magister ova!
Occupatissimus sed lubens ex animo
adgratulor
P.P. et h. t. Decanus.
121. Adr: Petrus Laurentij Arbogensis – Aut: Olaus Wexionius (cf. 118)
H, [Tartu UB]
GRATULATIO
Fortiter ut miles pugnans, qui strinxerit ensem,
Virtutis testem fulgentem soepe coronam
Loetus ovansque referre solet; sic Palladis arma
Induerit quisquis, Musarum ductus amore:
5 Quo pugnet donec procul hinc pellatur ab illo,
stultitia et quaecunque nocens inscitia mentis;
Hic merito pulchra seraque coronide dignus,
Praeignavis cluit atque a Doctis magnus habetur.
Talis qvum fueris vere pugil optime PETRE
10 Nostris in castris jam magna laude recedis,
Egregius victor, clarus tituloque MAGISTRI.
Hoc igitur decus ut firmum siet atque perenne,
Concedat summus coeli terraeque Monarcha!
L. Mque sc.
Polit. et Hist. Prof.
122. Adr: Petrus Laurentij Arbogensis – Aut: G. Lidenius (cf. 118) H, [Tartu UB]
GRATULATIO
Conspicitur portus, tibi jam dulcissime amice,
ducere in quem tuto jam potes ipse ratem,
Hoc fruere, et dulci requie fruere, optime PETRE,
Anchora et ad Petram sit tua fixa! vale.
Amico meo sincere dilecto
appl.
123. Adr: Petrus Laurentij Arbogensis – Aut: A(ndreas) M(egalinus) (cf. 118)
H, [Tartu UB]
GRATULATIO
Becciades Musae cordas pulsate sonantes
Laetitiae et magnae subito date signa Camoenae
Et nobis aderit Petrus Virtute Magister
Arbogiae natus quemque ornat pulchra corona
5 Quam meruit pietas ardens studiumque laboris
Continuusque dedit sudor geniumque Minervae
Haec cernens laetor voveo et felicia quaevis
Laurigero nostro cui dignos grator honores.
Hisce novo Dn. Candidato
Felicia quaevis optat
124. Adr: Petrus Laurentij Arbogensis – Aut: Andreas Hellenius (cf. 118)
H, [Tartu UB]
GRATULATIO
Surgite nunc Musae laeta conscribite vena
Carmina, cum Pallas jam praemia digna datura est
Illi qui in castris Phoebi sudavit et adsit.
Vive Deo felix Doctissime PETRE Magister,
5 Sint precor et fausti tibi nunc qui dantur honores.
Ita animitus vovet
125. Adr: Petrus Laurentij Arbogensis – Aut: Petrus Sporsoelius (cf. 118)
H, [Tartu UB]
GRATULATIO
Laurea serta gerit praeclarus in arte Magister,
Dilectos sibi sic nam Clarus Apollo coronat
Gratulor ergo tibi, precor et felicia cuncta!
Et voveo vivas! felix in Nestoris annos!
Fausta congratulationis E. haec pauca ca-
lamo festinante adjecit
126. Adr: Petrus Laurentij Arbogensis – Aut: Bartholdus Göös (cf. 118)
H, [Tartu UB]
GRATULATIO
Lux adest, nobis nova, jam Sodales,
Phoebus, ex alto nitidoque coelo
Quam fovet, Clarae Charites et usque
Gustavianis.
5 Ecce procedunt vigiles earum
Atque cultores, Sophiae venustae,
Alma quae virtus meruit, perampla
praemia portant.
Candidum, cerno simul hisce junctum,
10 Palladis magnum decus et Lycei,
PETRE, te, nostri, veneranda, cordis
portio Svavis.
Sic decet natum patrio Solo, sic
Et juvat multum invigilasse Musis,
15 Vincat ut tandem labor, en, laborem,
Improbus, omnem.
Gratulor gaudens, animo litante
Vota, modo, ut ti, celebris Sacrique
Nominis semper faveant, Magister,
20 Omnia fausta.
Jova Tu Summe hos benedic ab alto,
Quos PETRO tradit meritos honores,
Annulo, quos nunc notat et corusco,
Magnus Apollo.
25 Plura, sed, vestris tenerae Camoenae,
Vota, perpulchris calamis canoris,
Perbene instructis, mea nunc agrestis
Vena relinquit.
Celeri calamo celeriter cecinit
127. Adr: Petrus Laurentij Arbogensis – Aut: Johannes Petraeus (s. 117)H, [Tartu UB]
GRATULATIO
Eximius labor est Aeternas cernere Musas,
Et juvat illarum candida castra sequi.
Hoc te Dorpaticum monstrat fecisse Lyceum,
Dum dat pro meritis Praemia PETRE tuis.
5 Lauro namque caput decorat Phoebeius Apollo,
comprobat id cingens annulus et digitum.
Nomine dum clares, honor et florescat in aevum,
His tua sit terris Gloria, fama, decus.
L. Mque applausit
128. Adr: Petrus Laurentij Arbogensis – Aut: Carolus G. Agrarius (cf. 118)
H, [Tartu UB]
GRATULATIO
Gratulor ex animo tibi Sympatriota, perenne
Musarum nomen doctus Apollo dedit.
Insuper et voveo Patriaeque mihique subinde
Atque tibi prosit Nomen. Et hisce Vale.
Ita Sympatriotae suo perdilecto
gratulabatur
129. Adr: Rotgerus Pröbsting - Aut: Petrus Lidenius (Justa /.../ Rotgero Pröbsting, ecclesia Lemsellensis pastori /…/ consistoriique inferioris circuli Rigensis assessori /…/ qui an. Ch. <1594> in /…/ Riga natus, sacroque regenerationis Lavacro renatus, postquam /.../ ecclesiam /.../ per annos <31.> /.../ docuerat, /.../ in Domino suo Jesu denatus, novusque qua animam Coelestis Patriae civis factus est an. 1653. <6.> Septemb. cujusque terreum /.../ an. 1654. <28.> Januar. commendatum est. /…/ persoluta ab Amicis Dorpatensibus. Dorpati Livonorum, 1654: J. Vogel)
Göttingen UB, [Tartu UB]
EPICEDIUM
Qvando Aaron, summus Mystes Dominique Sacerdos,
sedulus eximium et Sacrosanctum munus obivit,
jamque vale mundo dicturus erat moriendo,
sufficiendus ei investitur mox Eleazar
5 Filius, eximiis donis minor haud Patre magno:
Maximus ille Dei vates Divinus Elias
Coelestem in patriam cum migraturus, Eidem,
Sanctus, in officio sancto succedit Elisa,
fungendique illo, donorum et dexteritatis
10 portio, prae donis huic duplex cessit Eliae:
Munus et hoc celebris PRÖBSTINGUS cum Sacrosanctum
fidus obivit, et ad metam provenit, Iova
quam praefixerat, ad coelos transfertur, et illi
Filius eximiis donis, quem Spiritus almus
15 exornavit, qui Clarus Sophiaeque Magister
non sine laude cluit, merito succedit. Amaenam
qui nunc ergo habitas Patriam, PRÖBSTINGE, Aaroni
junctus Eliaeque, o gaude! fruere atque quiete!
Junior interea tu mi PRÖBSTINGE Elisaei
20 atque Eleazaris donis fruere! optimus iste
Spiritus illos qui rexit te dirigat, ut sis
organon electum Christi et Coeleste ad Ovile
permultis praeeas et perduces praeeundo!
Supremo sic honore beate Defunctum Venerandum Dn.
Pastorem Patrem pioque voto laudatissime Patrizan-
tem Rev. et Cl. Dn. Magistrum Filium, non ne
volui sed ut prae meditationibus et occupatio-
nibus aliis potui L. mque prosequebar
Log. et Eth. Prof. P. Facult. Theol.
Adjunctus, Philosophiaeque Facult.
p.t. DECANUS.
130. Adr: Rotgerus Pröbsting - Aut: Olaus Wexionius (cf. 129)
Göttingen UB, [Tartu UB]
EPICEDIUM
LEMSIACAS qui fidus oves PRÖBSTINGIUS olim
Pavit et ad coeli traxit amoena loca;
Praemia nunc Sacri Clarus capit ille laboris,
RÖTGERUS supera Civis in arce novus!
Piis Manibus, plurimum Reverendi quondam, nunc
beate Defuncti, Pastoris et Adsessoris, pau-
cula haec, inter occupationes, tumultua-
ria brevitate dicavit
Polit. et Hist. Professor.
131. Adr: Rotgerus Pröbsting - Aut: Arnoldus Mahlstedt (cf. 129)
Göttingen UB, [Tartu UB]
EPICEDIUM
Est caro nostra cinis, modo principium modo finis,
post miserum funus, pulvis et umbra sumus.
1.
Das Wesen dieser Eitelkeit
ist eine blosse Nichtigkeit/
5 sehr kurtz ist unser Leben!
der schnellen-Jahre kleine Frist
mit Angst und Noth beschwehret ist/
mit Sorgen gantz umbgeben.
2.
Wie kalten Schnee vom Sonnen-Glanß
10 zerschmeltzet und vergehet gantz/
so lauffen unsre Tage:
Eh wir uns allhie recht versehn
wir in dem schwartzen Grabe stehn.
O weh der grosser plage!
3.
15 Kein Blitz so schnelle fehrt herein/
kein Schatten kan so flüchtig seyn/
als unsre Zeit vergehet:
Ja O! wie bald zerbricht ein Glaß/
also der Mensch ohn unterlaß
20 in Fährligkeiten stehet.
4.
Wie balde durch der Winde-Krafft
die Blümlein werden hingerafft/
wie Graß wird abgemehet:
So scheust auff uns des Todes Pfeil/
25 und würget uns in schneller Eil/
das keiner ihm entgehet.
5.
Gleich wie der Nebel bald vergeht
wann er der Sonnen Glantz empfeht/
ja wie der Regenbogen
30 gar bald verschwind/ so fährt auch hin
aus unserm Leibe Geist und Sinn/
gleich wie die Wasserwogen.
6.
Also hat müssen auch daran
Herr Pröbsting/ O! der werthe Mann/
35 bey noch zu frühen Zeiten:
Da steht der schonen Kinder Schaar
verlassen von dem Vater gar/
und fast auff allen Seiten.
7.
Die fromme Mutter ist betrübt
40 umb den/ so Sie vorhin geliebt
aus tieffen Hertzens-Grunde/
dieweil das itzt ihr Häupt und Chron
im Grabe wird verscharret schon:
O der betrübten Stunde!
8.
45 Nun ist es wahr daß diese Zeit
ist voller Müh und Hertzeleyd/
hie wird kein Freud erfunden:
Wer gehet durch des Himmels-Thür/
der lebt beym HERRER für und für/
50 und hat alls überwunden.
9.
Drumb lasst doch von dem Trauren ab/
ob schon der Liebste wird ins Grab
verscharret und geleget/
die Seel ist frey von allem Leyd/
55 und wird dort in der Herrligkeit
bey Christo wolgeheget.
10.
Wenn alles Fleisch wird aufferstehn/
solt Jhr einander wieder sehn
in jenem Freuden-Leben/
60 da werdet Jhr bey unserm Hort
ohn alle Sorgen fort und fort
in steten freuden schweben.
11.
GOtt der allzeit gepfleget hat
der Wäysen an des Vaters Statt/
65 wird Euch auch wol versorgen:
Ein Schützer er der Wittwen ist/
weiß Raht und That zu aller frist/
kein Ding ist Jhm verborgen.
Dem seelig entschlaffenen zu schuldigen Ehren/
und den Nachgelassenen zu Trost
schriebe
132. Adr: Rotgerus Pröbsting - Aut: Josias Josephi Fougman (cf. 129)
Göttingen UB, [Tartu UB]
EPICEDIUM
Ecce; Domus quamvis Centum sit fulta Columnis
Egregiis quamvis centum sit picta figuris
Vel Solidis faxis quamvis fundatur in aevum
Vel sorti quamvis ornetur rite metallo;
5 Corruit illa tamen nimium stridentibus austris,
Aut aequatur humo, vel tactis perdita flammis
Vertitur in cineres, aut in tenerasque Favillas,
Huic haud dissimilem mortalem dicere possem.
Quamvis sors hominum vireat quasi florida laurus,
10 Verbi Divini quamvis sit fulta Columnis,
Egregiis Donis quamvis sors luceat almis
Corruit illa tamen, Veteri cito stamine mortis.
Si bona Commemorem quae corporis esse feruntur,
Mille modis dirae sunt haec obnoxia morti,
15 Vita quid est aliud, quam splendida forma senescens?
Nil aliud quam bulla manet: Sic ibimus, ibunt.
Ita condolentiae ergo app.
133. Adr: Rotgerus Pröbsting - Aut: Zacharias Klingius (Epitaphium /…/ Rötgeri Pröbsting, in Lembsal pastoris /.../. Dorpati Livonorum, 1654: J. Vogel)
Göttingen UB, LAB, [Tartu UB]
EPITAPHIUM
IN DOMINO, PRÖBSTING placida nunc morte quiescit
RÖTGERUS, PASTOR qui BONUS ante fuit:
Nam Populo VERBIS et RE monstravit JESUM;
Lingvae vocali consona Vita fuit!
5 Praetereaque vide, post mortem, quanta reliquit
Gaudia: Quod certo vivat in arce Poli;
Inque SOLO CLARUS per GNATUM denuo vivat!
QUI PIUS EST, UNI, DAT CEDO QUANTA DEUS!
In perpetuam et gratam memoriam
f.
per Livoniam Superintendens et Reg. Acad.
Dorpat. V. Cancellarius.
134. Adr: Gustavus Soop – Aut: Johan. Luth (De monarchi discursus politicus, quem /.../ in Regia Universitate Gustaviana Adolphina, quae Dorpati /.../ est /.../ moderatore /.../ Olao Wexionio, /.../ pro honoribus ac privilegijs summi in philosophia gradus adipiscendis, publico examini submittit Johannes O. Luth. /.../ ad diem 28. Nov. /.../. Dorpati Livonorum, 1654: J. Vogelius) SKB, UUB, [Tartu UB]
DEDICATIO
135. Adr: Abraham L. Sund(ius) – Aut: Zacharias Klingius (Divina illa sententia, γνωθι σεαυτον hoc est, nosce te ipsum: ex verbis Marci, apud M. T. Ciceronem, Tusculan. Quaestion. Lib. I sect. LII. animae rationalis naturam brevissime exhibens. Quam /.../ in Regia /.../ Livonorum Academia, praeside Petro Lidenio /.../ Pro magisterij honoribus, et privilegiis obtinenedis, publicae censurae /.../ submittit Abraham L. Sundius, /.../ ad diem XXVII. Maji an. MDCLIV. Dorpat, <1654>: J. Vogel) SKB, UUB, H, EAB, [Tartu UB]
GRATULATIO
Praestantissime Dn. Abraham Sundi,
Philosophiae Candidate eximie,
Amice et Popularis honorande,
Eximiae T ae Praest. ae
addictissimus
S.S. Th. D. per Liv. Superint.
et Acad. Dorpat. V. Cancel-
larius.
136. Adr: Abraham L. Sund(ius) – Aut: Gabriel Elvering (cf. 135)
SKB, UUB, H, EAB, [Tartu UB]
GRATULATIO
Rem facis eximia, MI SUNDI, laude vehendam
Dum cathedram ascendis themata docta loquens.
Sic non est, doctis multum insudasse libellis
Cur te poeniteat, praemia digna metes.
5 Lucraris gratos fructus et commoda opima,
Ingenii postquam das documenta tui.
Prende igitur, SUNDI, Virtutum digna tuarum
Praemia, sic studiis consulis ipse tuis.
Macte tuis ausis! Sic Nericia aucta nitebit
10 Nomine Doctorum quo satis ante nitet.
Eximio Dn. Respondenti pro gradu Philosophiae
disputanti
benevolentiae testandae E. scrib.
GABRIEL ELVERINGIUS, SS. Th. Prof. Ord.
137. Adr: Abraham L. Sund(ius) – Aut: Johannes Fijholmenius (cf. 135)
SKB, UUB, H, EAB, [Tartu UB]
GRATULATIO
Stante pede, in Patriam profi-
ciscens, animo et affectu fra-
terno posuit
R.S. Cancellarii Alumnus.
138. Adr: Olaus Sylvius – Aut: Gabriel Elvering (Disputatio theologica de universali resurrectione mortuorum, quam /.../ sub praesidio /.../ Andreae Virginii, /.../ publicae ventilationi in Regia Academia Gustaviana Livonorum, submittit Olaus Sylvius. Ad diem <21.April.> /.../. Dorpati Livonorum, 1654: J. Vogelius)
SKB, UUB, Karlstad StB, H, [Tartu UB]
GRATULATIO
Eximio Dn. Respondenti.
Eximij Ingenij Studium, Doctissime Sylvi,
praestas, praecipua sedulitate tui.
Nil humile, aut vanum, nec quod non sidera spectat
egregia mentis prosperitate capis.
5 Sic comples Klingi cognati maxima vota,
accedit lumen, Praeside Virginio.
Ominor et quondam studiorum fructus habebis,
quos spondet pietas, quos tua causa meret.
Scrib. amoris mnemosynon
SS. Theol. Prof. Ord.
139. Adr: Olaus Sylvius – Aut: Petrus Lidenius (cf. 138)
SKB, UUB, Karlstad StB, H, [Tartu UB]
GRATULATIO
Ad humanissimum et Eruditissimum
Dn. Respond.
Principium vitae dolor est, lacrymabile totum
est medium, finis nonne itidem dolor est?
Ergo inter lacrymas tantas, tantosque dolores,
solamen, quodnam, et gaudia, quaeso, dabit?
5 Hocce: Resurgemus quod, felicem atque beatam
ad vitam, in quam mors nullum habet imperium.
Hoc tibi, mi Sylvi, manet alta mente repostum[15]
Solamen tuum hoc est, hoc tua laetitia est!
Materia hoc tibi et est, sub claro Praeside, de qua
10 disseris egregie. Gratulor ergo tibi!
Profess. P. Facultatisque Phil.
p.t. Decanus.
140. Adr: Matthias B. Tempelius – Aut: Petrus S. Lidenius (De officiositate, disputatio philosophica; quam /.../ in Regia Gustaviana Academia, quae Dorpati /.../ est sub praesidio /.../ Petri S. Lidenii, /.../ ventilationi /.../ exhibet Matthias B. Tempelius, /.../ ad diem XXIX. Julii /.../. Dorpati Livonorum, 1654: J. Vogelius)H, [Tartu UB]
GRATULATIO
Eruditionis elegantioris virtutumque praestantissimarum cultori studiosissimo.
Dn. MATTHIAE BLASII TEMPELIO, Amico suo perdilecto, et
per annos nonnullos, partim in Cathed. Revaliensium Sch. partim in Flo-
rentissima hac Academia Regia, Discipulo et Auditori perindu-
strio ac sedulo.
Qvi cupit optatam studiorum attingere metam,
Constans ille erit, et sedulus atque pius.
Talis, Tu, semper, Tempeli docte, fuisti
Metam olim attinges, indubie ergo, bonam.
Ita adplaudit PRAESES.
141. Adr: Nicolaus Utter – Aut: Zacharias Klingius (Disputatio theologica de poenitentia, cujus θεωρίαν /.../ in Regia Gustaviana Adolphina /.../ Academia, moderante et praesidente /.../ Gabriele Elvering /.../ publico examini ventilandam subjicit Nicolaus Vtter, /.../ author et respondens, ad diem < > April. anno 1654. /.../. Dorpati Livonorum, 1654: J. Vogel) SKB, UUB, [Tartu UB]
GRATULATIO
Praestantissime et amicissime
T ae. Praest ae
addictissimus
Zacharias Klingius, S.S. Th. D.
Per Livon. Superint. et Reg Acad.
Dorpat. V. Cancellarius.
142. Adr: Nicolaus Utter – Aut: Gabriel Elvering (cf. 141) SKB, UUB, [Tartu UB]
GRATULATIO
Grande Salutis opus quam sit Conversio nostra
Ex verbo nobis est patefacta Dei.
Haud operatur homo quicquam, translatio dum fit
Ex Satanae vinclis ad sacra Regna Dei.
5 Incipit hic flamen Domini, consummat idemque
Cimmerias mentis discutit id tenebras.
Hoc dum propugnas, Utter/ praenobile thema,
Gratulor atque precor, surgat ut hinc tibi lux!
Praestantissimo Dn. Respondenti
Autori hujus speciminis
sc.
Praeses.
143. Adr: Nicolaus Utter – Aut: Ericus Holstenius (cf. 141) SKB, UUB, [Tartu UB]
GRATULATIO
Sedulus en carpis per amoena rosaria flores
Theiosophωn, UtterCandide Amice, tibi.
Pergas ceu pergis plures super addere flores
Ingenij pulchri, fructus amoenus erit.
Doctissimo Dn. Respondenti
ita gratulari voluit
Graecae et Hebr. Ling. Prof.
144. Adr: Nicolaus Utter – Aut: Samuel Förnbeck (cf. 141) SKB, UUB, [Tartu UB]
GRATULATIO
N obilis ingenij speciosum dulceque fruct U/
I cito da specimen, Frater amande tui
C hristus Discipulique sui haec praecepta dederun T/
O mnis delinquens, ut resipiscat homo.
5 L audibus hinc dignos conatus hosce licebi T/
A t versu exiguo, jam celebrare tuos.
Vivas sis patriae Decus ingens candide frat ER/
S is generis clari, dulce decusque tui!
Ita Praestantissimo Dn. Respondenti
amico suo ac fratri inter paucos
electo appl.
LL. Stud.
145. Adr: Dorothea von Wickeden - Aut: Gabriel Elvering (Justa /…/ Dorotheae von Wickeden, /…/ Erici Holstenii, Graec. et Hebr. ling. in Academia Gustaviana professoris /…/ conjugis, quae 1630. d. 20. Martij /…/ Dorpati nata. An. v. 1654. die 12. Julij /…/ denata, ecclesiaeque /…/ terrae matri in templo Dorpatensi D. Johanni /.../ dicato in tumulo /…/ 16. Jul. /…/ commendata est. Ab amicis obitum hunc /…/ soluta. Dorpati Livonorum, 1654: J. Vogelius)
SKB, H (def), [Tartu UB]
EPICEDIUM
Sub Persona honestissimae Matronae
beate Defunctae.
Vitae nunc socium linquo, blandumque Parentem,
linquo recens natam nunc teneram sobolem:
Germanum fratrem nunc desero, vosque Sorores,
fortunasque, domum, quicquid et orbis habet.
5 Ad coelum pergo, quae sunt coelestia specto:
Vos cunctos, oro, servet ut ipse Deus.
Pauca haecce gemebundus
deproperabat
SS. Theol. Prof. Ord.
146. Adr: Dorothea von Wickeden - Aut: Heinricus Hein (cf. 145)
SKB, H (def), [Tartu UB]
EPICEDIUM
Προσφώνεσις ad Moestissimum Dn. Viduum.
DOROTHEA en compar tua dilectissima quondam
Pars animae fuerat delitiosa tuae.
Illa Dei Donum claras in luminis auras Bene nata
Prodivit, casta Matre bonosque Patre. An. 1630.
5 Ut prognata sacri Baptismatis amne renata est, d. 20. Mart.
DOROTHEAE clarum nomen adepta fuit.
Sangvinis Authores numerans longe ordine priscos,
A multum meritis floruit haec Atavis.
Dante DEO acrevit Decus immortale Cohortis
10 Foemineae, pia erat, pulchra, venusta, proba.
Cum pulchras animi dotes, floremque coruscum
Viderat HOLSTENIUS, captus amore fuit
Virginis Fulgidulae, constans connubia poscit
A Genitore ejus; spes data grata tori.
15 Numinis auspicio it Venus in thalamos maritales, Bene elocata
Delitium amborum hinc filius eximius An. 1652.
Nascitur; Ast cito abitque Parentis imago Johannes, d. 4. Maeji
Charus erat Patri, charior atque DEO.
Postea limen init vitae tener (ah!) Nicolaus
20 Matre orbatus adhuc vivit agente Deo.
Postque puerperium placide denata secundum Bene denata
In patrio clausit lumina pulchra solo. An. 1654.
Ante diem (fateor) tibi Nobilis occidit Uxor, d. 12. Julii.
Tam bene quae mentem noverat alma tuam.
25 Quae quo dicta fuit, se dignam nomine gessit
DOROTHEAE; Donum nam fuit illa DEI.
Disce Dei mores, qui sic sua dona reposcit,
Ad Dominum redeat, quod fuit ante suum.
Vince igitur luctum bene te solare tuosque,
30 Solamen firmum det DEUS usque! Vale.
Condolens scrib.
Professor Ord. et Dicasterii Re-
gii Adsessor.
147. Adr: Dorothea von Wickeden - Aut: Sebastianus Wirdig (cf. 145)
SKB, H (def), [Tartu UB]
EPICEDIUM
Si pietas, si vel laudata, VIR Optime, virtus
Jura retardarent gelidae tristissima mortis,
Longam vixisset Tua Conjux Optima vitam.
Sed dilecta DEO fuit; hinc super aethera longam
5 Vitam vivit ovans, faciemque DEI aspicit: Ergo
Siste Tuas lacrymas, siste et suspiria tandem,
Ad patriam, ad coelos per funera tendimus omnes.
et P.P.
148. Adr: Dorothea von Wickeden - Aut: Petrus Lidenius (cf. 145)
SKB, H (def), [Tartu UB]
EPICEDIUM
Tibi sincero affectu addictissimus
et p.t. Fac. Ph. Decanus.
149. Adr: Dorothea von Wickeden - Aut: G(udmundus) L(idenius) (cf. 145)
SKB, H (def), [Tartu UB]
EPICEDIUM
DOROTHEA excellens et nomine et omine Donum
Divinum fuit; ast is repetitor erat
Ejus qui dator, hac autem cum conditione,
Ut tandem donum hoc redderet ipse tibi,
5 Clare Vir, in Patria, longe pretiosius, isthoc
Aevo quam fuerat. Consule hoc ergo boni.
150. Adr: Dorothea von Wickeden - Aut: Elaus Nicolai Tollenius (cf. 145)
SKB, H (def), [Tartu UB]
EPICEDIUM
Vita hominis quidnam est? aerumnarum cumulus ni,
Dicatur? nitido pulchra colore licet?
Est homo ludibrium, ventus, flos, Bulla palustris,
A nutu pendet tergeminique DEI.
5 Hoc satis experta est, placida jam morte soluta
HOLSTENII Clari Chara Marita Viri.
Sic omnes imus, manet immutabile Fatum,
Nil rapido Letho certius esse potest.
Felices igitur quos in discrimine tanto
10 Avocat ad coeli moenia celsa DEUS.
In signum condolentiae, haec pauca
adjecit
Diac. et Con-Rect. Dorpat.
151. Adr: Dorothea von Wickeden - Aut: Andreas Hellenius (cf. 145)
SKB, H (def), [Tartu UB]
EPICEDIUM
Letzte Rede und Segen der Sel. Verstorbenen an ihren liebsten
Ehe-Herrn/ und sämptliche Anverwanten.
Ade mein liebsten Schatz/ ich muß euch itzt verlassen/
Die lieben Englein schon auff meine Seele passen;
Gesegn Euch JEsus Christ: Jhr müsset bleiben noch
Vnd ziehen in der Welt des schweren Kreutzes Joch/
5 Noch eine kleine Zeit/ so werdt ihr bald auch kommen
Zu mir bey unserm Hort/ zur Wohnung aller Frommen.
Gesegne dich auch GOtt/ mein allerliebstes Kind/
Du meines Hertzens Frucht/ itzt leiden zu geschwind
Jch dich verlassen muß. O liebstes Vater-Hertze/
10 Soll nun im Alterich Euch mehren euer Schmertze.
Gesegn auch GOtt der HERR euch liebste Schwestern fein/
Betraurt doch nicht zu sehr den schnellen Abschied mein.
Was nützt mir mehr die Welt/ was kan sie mir doch geben?
Wann ich nur Christum hab/ acht ich gar nicht das Leben/
15 All Reichthumb/ Zeitlichs Gut/ das wehrt ein kleine Zeit
Vnd nützet doch gahr nichts zu jener Seligkeit:
Du aber JEsu Christ/ mein Hofnung/ Trost/ und Leben/
Mein teurer Seelen-Schatz/ kanst mir ein bessers geben/
Zu dir steht all mein Sinn/ dir leb ich allezeit/
20 Dir wil ich sterben auch/ komm nur ich bin bereit.
PILEUS POETICUS
Cogitationes tristitiae plenas occurentes obumbrans.
Constans tristitiae tuae
Confirma genium tuum
25 Verbo plenipotente nunc
Numinis aeterni tergemini usque Dei,
Cogitandum sic tibi semper esset
Non amissam illam verum in patriam peramoenam
Praemissam; licet et mors sit destructio carnis
30 Coelestis tamen est pulcherrima janua vitae.
Inter lachrimas debitae luctus contestandi E.
haec posuit
Andreas Hellenius, Arosia Westmann.
152. Adr: Dorothea von Wickeden - Aut: Daniel Flojerus (cf. 145)
SKB, H (def), [Tartu UB]
EPICEDIUM
HOLSTENI, Hebraeae nitidissima gloria Lingvae,
Et Grajae; Clarum dexteritate Decus:
Ah! propere occumbit tua dilectissima Conjux,
Pars animae occumbit deliciosa tuae.
5 Digna quidem vita, sed dignior aetheris aula;
Optassem vitae tempora longa datae.
Cursum at quem dederat Dominus jam rite peregit;
Nec metuet posthac, tristia Jura necis.
Hinc cessent lacrymae, magnum quoque mitte dolorem,
10 Aeterno semper Concinit ore DEO.
Debitae condolentiae, officiique postremi declarandi
ergo moestus apposuit
153. Adr: Dorothea von Wickeden - Aut: Andreas G. Kyander (cf. 145)
SKB, H (def), [Tartu UB]
EPICEDIUM
Matthusalae multis fueras dignissima seclis[16]
Vivere, DOROTHEA ah quam subito ecce cadis!
Te pietate CHRISTO, solertia casta marito
Fecit pergratam, reddidit eximiam.
5 Te charam lugent noti, cupiunt peregrini,
Promptam, et extollit carmine quisque probam.
Nunc autem praesens coelesti sede potiris,
Gaudia ubi nullum sunt habitura modum.
Quid igitur nimium tristissima funera defles,
10 Conjugis optatae, turturis usque modum,
Praeclare HOLSTENI, Moecenas maxime, fautor?
Ne tibi displiceat, quod placuit Domino.
Sed meditare sonus placido has in pectore voces
Et roseum tollas, placide ad astra caput:
15 Uxorem Dominus, dedit idem hanc abstulit, ipsi
Clementi Domino sic placuisse sat est.
Inter lachrymas et Suspiria ponere voluit imo
debuit
154. Adr: Dorothea von Wickeden - Aut: Ericus Koßkull (cf. 145)
SKB, H (def), [Tartu UB]
EPICEDIUM
Mors mortis morti, mortem mors morte redemit,
Et CHRISTI morte est, sic reparata salus.
A. F.
155. Adr: Dorothea von Wickeden - Aut: Simon Theodori Hodensius (cf. 145)
SKB, H (def), [Tartu UB]
EPICEDIUM
En fragilis vita haec! hominum quae vita vocantur!
quotquot humo nati, tot humo debentur humandi!
Non habet hic tutam, probat experientia, sedem
DOROTHEAEque probat celeberrimae hoc HOLSTENIANAE
5 Exemplum! En obiit longa dignissima vita!
Condolentiae ergo scrib.
156. Adr: Dorothea von Wickeden - Aut: Erlandus Hiärne (cf. 145)
SKB, H (def), [Tartu UB]
EPICEDIUM
|
vita lethum |
in terra hac |
delectat perturbat |
et undique |
munit vastat. |
Proh triste exemplum nobis nunc sistitur eheu!
Praeclari ecce Viri moritur charissima Consors!
|
Genitor Gnatus |
privatus |
Conjuge fida nunc Genitricis |
est! |
|
||||||
|
|
Qu os H |
dis con |
junctio |
n unc t |
in coelo laetificabit. |
|
||||
Luctus contestandi E.
haecce pauca apponebat
157. Adr: Dorothea von Wickeden - Aut: Sveno E. Scriberus (cf. 145)
SKB, H (def), [Tartu UB]
EPICEDIUM
DOROTHEA en Decus et nitidissima Gloria Stirpis
WICKEDEN, En jacet hic! Thalami dulcissima consors
Delicium HOLSTENII, virtutibus optima Amica,
In Patriam tendit reddenda ibi cara Marito
5 Quem tenet hic maeror, luctus, planetusque lacessit
Miraris cur sic? Sic fert Divina voluntas.
Condolenti Animo et calamo
haec scribebat
Westmann.
158. Adr: Dorothea von Wickeden - Aut: Matthias Tempelius (cf. 145)
SKB, H (def), [Tartu UB]
EPICEDIUM
Epigramma allusivum ad Defunctae honora-
tissimae Matronae nomen, quod erat Dorothea,
id est, Donum DEI.
An recipit DEus ipse suum Donum? Recipit; Sed
ut reddat rursus charius et melius.
Observantiae et consolationis g.
scripsit
Hapsal. Liv.
159. Adr: Dorothea von Wickeden - Aut: Zacharias Austrelius (cf. 145)
SKB, H (def), [Tartu UB]
EPICEDIUM
Fas mihi erit certe suffundere lumina rore,
Cum nunc HOLSTENII svavis Conjux, mea Fautrix
Paucos ante dies placide sua fata secuta,
Filiolum scitum Nicolaum morte relinquens!
5 Hoc me solatur duntaxat eam esse beatam,
Quam beat Omnipotens ut in axe nitente corona
Multis praecedat laetans ibi luminis instar.
Condolenti animo animitus
vovebat
160. Adr: Johannes Magni Wintrosius et Johannes Petri Dalenius - Aut: Andreas Virginius (Justa funebria /…/ Joanni Magni Wintrosio, Nericio, et /.../ Johanni Petri Dalenio, Sudermanno, Regiae Academiae Gustavianae Dorpatensis alumnis et civibus quondam eximiis; qui /…/ ad coelestem /…/ Academiam /…/ hic quidem d. XV, ille vero XXIX. Aprilis, anni MDCLIV. pie emigrarunt. Cum /.../ eorum corpora, Dorpati, in templo cathedrali, VII. Maji, ejusdem anni, terrae gremio /.../ mandabantur, persoluta a praeceptoribus, amicis et commilitionibus. Dorpati, <1654>: J. Vogel)
Linköping LB, [Tartu UB]
EPICEDIUM
Pie defuncti Dn. JOHANNIS WINTROSII:
Mortalis vixi, cecidi, immortalis ut essem:
Quo mage curta dies, hoc mage longa quies:
Mortuus in Christo, per Christum e morte resurgam;
Lucis ero consors, ut crucis ante fui.
Condolentiae ergo scribebat
161. Adr: Johannes Magni Wintrosius et Johannes Petri Dalenius - Aut: Gabriel Elvering (cf. 160) Linköping LB, [Tartu UB]
EPICEDIUM
Ergone mors binos studiosos abstulit una
Et rapuit patrio fulcra futura solo?
Nec tibi Wintrosi, Daleni nec tibi parsit,
Funere, sed gemino mersit utrumque caput.
5 Patria terra sibi vestras spondebat opellas,
Ad natale solum jam properastis iter:
Sed frustra: Nos fata regunt, Deus omnia certo
Dirigit arbitrio, quod facit omne bonum.
Sic Coelestis habet mentes Academia vitae,
10 Dorpatum servat relliquias gremio.
Auditoribus suis quondam assiduis ultimum
honorem exhibet συμπαθὴς
SS. Th. Prof.
162. Adr: Johannes Magni Wintrosius et Johannes Petri Dalenius - Aut: Ericus Holstenius (cf. 160) Linköping LB, [Tartu UB]
EPICEDIUM
᾿Επιτύμβιον
Hic tumulus jungit Juvenes, quos ardua Virtus
Et probitas Vivos junxit, et una fides.
Hic tumulus jungit binos, quos junxerat ante,
Improbus in studiis assiduusque labor.
5 Hic tumulus jungit, quos Coeli, sangvine Christi
Aeternum junget, gloria parta piis.
Aliud.
Svecia nos genuit, primis Juvenilibus annis
Dorpatum docuit, sustulit; et sepelit.
Haecce Juvenibus optimis, Discipulis olim desideratissimis
nunc beatissimis, inter lacrymas posuit,
M. ERICUS HOLSTENIUS, Westman.
Graec. et Hebr. Ling. Professor.
163. Adr: Johannes Magni Wintrosius et Johannes Petri Dalenius - Aut: Petrus Lidenius (cf. 160) Linköping LB, [Tartu UB]
EPICEDIUM
Qvos Patria et sangvis, junxit, junxere animique
Concordes, junxit quos studium simile:
Ferme hos conjunxit tempus junctim moriendi,
Jungunt exsequiae, jungit et hos tumulus:
5 Jam patria et jungit coelestis, jungit ibidem
Officium Sanctum, quod canere est Domino,
Conjunctimque frui summo bono, et omnipotentis
Laetari in sancta cognitione Dei.
Corporibus jungetque animas Salvator Iësus,
10 Perfecta tribuet laeticiaque frui.
Vosque, Parentes, his junget. Disjunctio quorum
Hoc, vestros animos, tempore discruciat.
Junctim sicque omnes gaudebimus associati
Electis, sanctis angelicisque choris.
M. PETRUS LIDENIUS, Prof. Log. et Ethicae
R. Fac. Theol. Adjunctus, Collegiique Philos. p.t. Decanus.
164. Adr: Johannes Magni Wintrosius et Johannes Petri Dalenius - Aut: Olaus Wexionius (cf. 160) Linköping LB, [Tartu UB]
EPICEDIUM
Excepit quos ingenio acri et stemmate claros
Ante annos Juvenes Dorptica nostra aliquot
Haec Academia, WINTROSIUM et DALENIUM, Achates,
Usus formandos in patriae, eximios:
5 Hos repetit nunc celsa domus, non Svecica tellus,
Coelicolum, Cives et jubet esse suos.
sc.
Polit. et Hist. Prof.
165. Adr: Johannes Magni Wintrosius et Johannes Petri Dalenius - Aut: G(udmundus) Lid(enius) (cf. 160) Linköping LB, [Tartu UB]
EPICEDIUM
Linquitis haec, equidem, WINTROSI tuque DALENI
Quae magna coluistis, laude, Academica tempe.
Estis translati, sed nunc Academiam ad illam
Coelestem in qua vos jam semper et absque labore
5 Proficitis, Dominum celebrando, vivendo beati,
Quam Praeceptorum vestra est Sapientia major.
166. Adr: Johannes Magni Wintrosius et Johannes Petri Dalenius - Aut: Abraham Sundius (cf. 160) Linköping LB, [Tartu UB]
EPICEDIUM
Prosopopoeia pie Denatorum ad moestos Parentes.
Novimus ingentem vos detorquere dolorem,
Novimus et tristes vos ingeminare querelas,
Immitem casum transire in viscera vestra
Cum gemitu magno, quem nobis invida fata
5 Accelerant subitoque nimis juvenilibus annis!
Vnica cura fuit, post maxima vota parentum,
Concelebrare Deum nobis, studiisque deinde
Invigilare bonis, et dignos reddere fructus
Ingeniis nostris, solamina magna referre
10 Vobis et cunctis praedulcia gaudia nostris.
Maximus Ille Pater verum qui dirigit omne,
Et qui disposuit sapienter cuncta, vocavit
Nos, comitesque suos voluit. Florentibus annis
Indigenae terrae fuimus, jam gloria coeli
15 Nos manet aeternum, Jesu Duce et Auspice Christo.
Nil vobis lacrymae prosunt, mortalia nostra
Corpora non remeant, non est mutabile quidquid
Instituit semel Ipse Deus, sed tutius esse
Ducimus implorare Deum dignetur ab alto
20 Vos sociare suis, merito quoque donet honore.
167. Adr: Johannes Magni Wintrosius et Johannes Petri Dalenius - Aut: Zacharias Lundius (cf. 160) Linköping LB, [Tartu UB]
EPICEDIUM
Hei mihi quam variis hominum, quam plena querelis
Vita, quot et quantis subjacet ista malis!
Ingenio, Eloquio, Doctrina atque arte probatos,
Et morum sancta simplicitate graves,
5 Eripuit durae nobis violentia mortis,
Nostraque funesto corda dolore premit
Flebilibus mecum Doctissima turba virorum
Flebilibus luge grex Studiose modis.
Fata manent immota omnes: cum venerit hora
10 Quae mihi praescripta est, me quoque fata manent.
168. Adr: Johannes Magni Wintrosius et Johannes Petri Dalenius - Aut: Olaus E. Sundelius (cf. 160) Linköping LB, [Tartu UB]
EPICEDIUM
Certa quidem mors est, incerta sed omnibus hora:
Incertum genus est mortis, et ipse locus,
Quod juvenum casus binorum comprobat unus,
Patria quos genuit, terra remota tegit.
5 Sangvine conjunctos et mors conjunxit, et una
Protinus ad Dominum sic properare jubet.
Moestitiam vestram sed vos deponite Patres,
Vos lacrymas Matres sistite quaeso graves:
Nam certe natis data sors est optima vestris;
10 Quippe colunt celsi regna beata poli,
Milleque percipiunt promissae gaudia vitae.
Scilicet haec Christi est munere parta quies!
169. Adr: Johannes Magni Wintrosius et Johannes Petri Dalenius - Aut: Johannes Luth (cf. 160) Linköping LB, [Tartu UB]
EPICEDIUM
Sis licet ingenio magnus, sis corpore praestans;
Attamen es pulvis, pulvis et illico eris. Gen. 3. v. 19.
In Pontum ex fluviis velut unda revolvitur omnis, Syr. 42.v. 11.
Sic redit in terram, terra quod ante fuit.
5 Terminus est homini vivendi quippe statutus Jobi 14. v. 5.
Extremusque venit, lege trahente, dies.
Multum ast felices, o terque quaterque beatos Apoc. 14. v. 13.
Vita quibus fragilis clauditur in Domino:
Flaminis est etenim constans sententia Sancti,
10 Hosce frui salvos perpetua requie.
Desinite hinc blandi natos lugere Parentes:
Hos recipit Dominus, quos prius ipse dedit. Job.1. v.22.
Aliud ex Eccles. cap. 12 v. 7.
Σῶμα μὲν ᾿Ανθρώπου φθαρτὸν πρὸς γαῖαν ἱκέσθω,
ἐξ ἧςἐντέχνωςἔπλασεν αὐτὸ Θεός.
15 Πνεῦμα δὲἀθάνατον πάλιν ἡκέτω ἐς Θεὸν, ὅστις
τοῖςἐν τῇἀρχῇ τοῦτο ἔδωκε βροτοῖς.
170. Adr: Johannes Magni Wintrosius et Johannes Petri Dalenius - Aut: Olaus Dalinus (cf. 160) Linköping LB, [Tartu UB]
EPICEDIUM
Qui te falciferi tonsoris imagine pinxit,
Defuit hic vero, mors truculenta, nihil;
Aestivo resecat ceu tonsor tempore gramen,
Non secus humanum demetis omne genus.
5 Ceu pulcris redolent viridantes floribus horti
Purpureisque nitent lilia mista rosis;
Et rosa mane viret ceu lenibus alta pruinis.
Vespere reflectit sole furente caput.
Sic quoque vita brevis floris fragrantis ad instar,
10 Quosdam fert mediis hinc Libitina rosis.
Haec rapit illustres tam fisos milite Reges,
Quam clausum raris vulgus inerme casis.
Nil juvat hic aurum rutili nec vasta metalli
Pondera; philtra ejus nemo cavere potest.
15 Mortis in imperio stant regna potentia, vires,
Mortis et imperio stat decus, ars et honos.
Nulli Lanificae didicerunt parcere Parcae,
Subditus et Dominus sunt in agone pares.
Horrifer et Boreas, qui terras grandine pulsat,
20 Cur plantas caetus demetit Aonij?
Ah cecidit! Subito Wintrosius atque Johannes
Dalenius; medios quos tulit ante dies
Aspera mors; vere nullis pietate secundos
Hinc pariter gelida jam tumulantur humo.
25 Palladias artes coluerunt sedulitate,
Undas hinc biberant Pieridum riguas.
Molliter in levi recubabunt mole Sepulcri
Raucae dent donec murmura summa tubae;
Et trahat exitium pulcherrima fabrica mundi
30 Sic ruat excelsi machina rupta poli.
Vos tamen o flentes, calidi pietate Parentes
Ex animis maculas tergite tristitiae.
Atque modum lacrimis proponite, signa facessant
Luctus, assiduus conficit ossa dolor.
35 Nec juvat innumeris torqueri questibus! ordo
Naturae namque est vivere deinde mori.
Hinc sine fine Deum Wintrosius atque Johannes
Dalenius laudant, perpetua requie:
Sol ubi justitiae vernos Io proferet ortus
40 Flores atque comas semper habent virides.
Numinis en sancti fuit haec divina voluntas
Par est vos illam consuluisse boni!
Conplacuit Domino vivunt quo semper in altis,
Perpetuae laeti gaudia pacis habent.
45 MoLLIter obIeCto reqVIesCIt sCrobe IOHANNIS,
WINTROSI eXIgVa at CorpVs teLLVre[17] resVrget.[18]
HIC IaCet et VaCVas IVVenIs DeLapsVs In aVras
NobILIs et CVLtVs DALENIVS arte IOHANNES.[19]
171. Adr: Johannes Magni Wintrosius et Johannes Petri Dalenius - Aut: Johannes St. Klingius (cf. 160) Linköping LB, [Tartu UB]
EPICEDIUM
Tristes cognati plangant tristesque Parentes,
Plorent affines, Chari lacrimentur amici!
Namque duo Juvenes vi mortis proh cecidere,
Quorum JOANNES cecidit, WINTROSIUS unus!
5 Nec non JOHANNES cecidit DALENIUS alter!
O spes fallaces! o vitae stamina curta!
Ah doleo fidos jam non superesse sodales!
Arbiter ast aevi nescit cunctarier unquam,
Qui lex ipse sibi est, vitam qui donat et aufert:
10 Ipsi quod placuit nobis placuisse decebit;
Intrarunt vitam cita post sua fata beatam!
172. Adr: Matthias Wält et Ebba Albogia – Aut: Ericus Holstenius (Solennibus nuptiarum sacris /.../ Matthiae Wält, Ecclesiae Jerwesalensis Ingermannia pastoris /.../ et philosophiae cand. sponsi, /.../ die 15. Junij anno 1654. in arce Ivanogrodensi conjugium contrahentis, cum /.../ Ebba Albogia /.../ Erici Albogii, pastoris et praepositi in Iwanogorod et Regij Narvensis Consistorij assessoris filia /.../ sponsa. Adplaudunt amici Dorpatenses. Dorpati, <1654>: J. Vogel) Linköping LB (def), [Tartu UB]
EPITHALAMIUM
Delicium Phoebi, Nitidissima Gloria Templi
Quid tibi jam exclusus tempore, Sponse precor?
Conjugium felix tibi sit, castumque serenum
Nec turbent illud noxia fata precor.
5 Vita salus soboles tibi sint, his commodet inde
Aer ac aether, terra salumque precor.
Quod Neonymphis ex animo
vovet
Westman. Hebr. et Graec.
Ling. Professor.
173. Adr: Matthias Wält et Ebba Albogia – Aut: Petrus Sven. Lidenius (cf. 172)
Linköping LB (def), [Tartu UB]
EPITHALAMIUM
Ter te felicem dico, clarissime Sponse,
Tres tibi quod junctae Sponsae optatissimae, earum.
Est prima et merito primo tibi j<unc>ta Sophia:
Altera et ut decet est Ecclesia Jerve<salensis>.
5 Tertia et est calido merito dignissima <...>[20]
EBBA ALBOGIA quam felici <....>
quam genus et virtus praeclare <r....>
His ergo ut Sponsis digne imperi <...>
(Quae Sophia est) rectus, charitum tibi triga benigna,
10 vel potius Numen, Trinunum comprecor adsit.
Sic sit conjugium felix, tu terque beatus.
Ita Rev. et Cl. Dn. Sponso Amico suo
integerrimo gratulor
Log. et Eth. Profess. publ. R. Facult.
Theol. Adjunct. et Coll. Philos. p.t.
Decanus.
174. Adr: Matthias Wält et Ebba Albogia – Aut: G. Lidenius (cf. 172)
Linköping LB (def), [Tartu UB]
EPITHALAMIUM
Exoptata dies, jam jam Clarissime Sponse
Illuxit thalamum, qua formosissima Virgo,
Sponsa, tuum ingreditur, qua convivae quoque laeti
Dona ferunt alij tibi connubialia, multi
5 Plaustra tibi et mittunt ingentia carminum, amicum
Declarando animum. Ne plane ego ἀσύμβολος(absens
Sim licet) addo μέρος τουμόν pia vota; serenum
Et svave et felix ut conjugium tibi fiat!
Vita, salus, soboles, tibi sint sine labe! perennis
10 vitaque post vitam hanc mortis! Quidnam amplius addam?
Ampliss. Facul. Ph.
Adjunctus.
[1] Propoloe Li : corr Propolae
[2] pericla pro pericula Li metri causa
[3] secla pro saecula Li metri causa
[4] Hexametrum annum 1654 exhibens
[5] pericla pro pericula H metri causa
[6] periclis pro periculis H metri causa
[7] oclos pro oculos Li metri causa
[8] Anagramma non recte constructum
[9] Chronostichon annum 1654 exhibens
[10] Chronostichon annum 1654 exhibens
[11] pericla pro pericula Li metri causa
[12] Chronodistichon annum MDCLIV exhibens
[13] Hexameter loco pentametri, fortasse aliquot versus transiti sunt
[14] Finis deest.
[15] repostum pro repositum edd metri causa
[16] Secli pro saeculis edd metri causa
[17] teLLure Li : teLLVre corr
[18] Chronostichon annum 1654 exhibens
[19] Chronostichon annum 1654 exhibens
[20] textus corruptus Li, fortasse virgo